Ullormut oqaluuserisassat
Ullut ataatsimiiffiusut arfersaneq-sisamaat, tallimanngorneq 6. maajip 2016, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 23
Uunga siunnersuut: Qalerallit akitsuutaat aamma aalisakkat ikerinnarsiortut ilaasa Tunumi aalisarnermi pisarineqartut akitsuutaat pillugit Inatsisartut inatsisaata allanngortinneqarneranik Inatsisartut inatsisaat nr. x, xXx 2016-imeersoq (Saarulliit, kullerit, saarulliusaat aamma suluppaakkat akitsuutaat)
(Aningaasaqarnermut Aatsitassanullu Naalakkersuisoq)
Imm./pkt.: 119
Allannguutissatut siunnersuut Sanaartornermut Ataatsimiititaliamit amerlanerussuteqartumit saqqummiunneqartup taasissutigineqarnera akuerineqarpoq.
2016-imi aasartinnagu Telepost A/S-imi piginnittuunermut periusissiamik ersarissumik Naalakkersuisut suliaqarnissaannik Inatsisartunut aalajangiiffigisassatut siunnersuut. Piginnittuunermut periusissiassami tele-p iluani namminersortunngorsaanissami pilersaarutit naatsorsuutiginninnerillu ersarissumik allanneqarsimassapput. Tamatuma saniatigut ingerlassanut Telepost A/S-mut toqqaannartumik imminut akilersinnaanngitsunut Telepost A/S-ip aningaasaliinissaanut qanoq naatsorsuutiginninnerit ersarissarneqarsimassapput, taakkununngalu søkabelip tallineqarnissaanut radiokædellu pitsanngorsarneqarnissaanut pisat ilaapput.
(Inatsisartunut ilaasortaq Kalistat Lund, Inuit Ataqatigiit)
Imm./pkt.: 46
Allannguutissatut siunnersuut Kultureqarnermut, Ilinniartitaanermut Ilisimatusarnermut Ilageeqarnermullu Ataatsimiititaliamit isumaqatigiittumit saqqummiunneqartup taasissutigineqarnera
Meeqqat atuarfianni atuartut akulliit ilinniarnissamut periarfissat assigiinngitsut qanoq atorneqarnissaannut atuartut ilisimasaasa annertusarnissaat siunertaralugu immikkut ittumik siunnersuinissat aallartinneqarnissaat aallartinniarlugit Naalakkersuisut peqquneqarnissaannik Inatsisartut aalajangiiffigisassaattut siunnersuut. Suliniutissaq ukioq 2017-imi aallartinneqassaaq, paasisassarsiorlunilu angalanissanut, suliffeqarfinnut alakkarterinissanut suliffeqarfeqarfillu pillugu ilinniartitsinernut immikkut aaqqissukkanut aningaasanik kommuninit qinnuteqarfigineqarsinnaasunik pilersitsinissaq aaqqissorneqassalluni.
(Inatsisartunut ilaasortaq Naaja H. Nathanielsen, Attaviitsoq)