Ullormut oqaluuserisassat
Ullut ataatsimiiffiusut arfersaneq-pingajuat, marlunngorneq 22. maajip 2012, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat)
Imm./pkt.: 8
Inatsisartut ilassutitut aningaasaliissutissatut 2011 siunnersuutaat.
(Aningaasaqarnermut Naalakkersuisoq)
Imm./pkt.: 121
Kingusinnerpaamik UPA2013-imi saqqummiunneqartussamik Akileraartarneq Atugarissaarnerlu pillugit isumalioqatigiissitap isumaliutsissiissummini kapitali 5-imi utoqqarnik isumaginninneq pillugu kaammattutaasa malitseqartinneqarlutillu atuutilersinneqarnissaat pillugu ataatsimut nassuiaammik Naalakkersuisut saqqummiussinissamik peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Akitsinnguaq Olsen, Siumut)
Imm./pkt.: 125
Aqutsiveqarfimmi Uummannami sinerissami qanittumi qaleralittassat 2012-imi 6000 tons-iusut 2000 tons-inik ilaneqarnissaanik Naalakkersuisut suliniuteqaqqullugigit Inatsisartut aaliangiiffgisassaattut siunnersuut.
(Inatsisartunut ilaasortaq Kristian Jeremiassen, Siumut)
Imm./pkt.: 42
Upalungaarsimanermut Ingerlatseqatigiiffik Greenland Oil Spill Response A/S pillugu Inatsisartut inatsisaat nr. xx, xx xxxx 2012-imut siunnersuut.
(Naalakkersuisut Siulittaasuat)
Imm./pkt.: 34
Ilinniartitsinermut periusissiaq pillugu nassuiaat.
(Ilinniartitaanermut, Ilisimatusarnermut, Nunanullu Avannarlernut suleqateqarnermut Naalakkersuisoq)
Imm./pkt.: 19
Inuusuttut ilinniarluarsimasut Kalaallit Nunatsinnut utertinniarnissaat pillugu Kalaallit Nunaat anguniagassanik qanoq ittunik siunniussissaneroq pilluu apeqquteqaat aallaavigalugu siunnersuut.
(Inatsisartunut ilaasortaq Per Berthelsen, Siumut)
Imm./pkt.: 124
Meeqqat atuarfiata ingerlalluartumik angusaqarfiusumillu tunngaveqartumik ingerlariaqqinnissaanut periutsit aammalu misilittakkat suut aallaavigalugit ingerlariaqqittoqarnissaanut apeqquteqaat aallaavigalugu Inatsisartuni oqallinnissamik siunnersuut.
(Siumup Inatsisartunut ilaasortaatitai)
Imm./pkt.: 120
Sunngiffimmi piniarnermut allagartalinnut tuttunik umimmannillu pisassiinermi immikkut akiliuteqartitsisoqartalissanersoq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Storm Ludvigsen, Inuit Ataqatigiit)
Imm./pkt.: 75
Immikkoortut 118 aamma 75 ataqatigiisillugit siullermeerneqassapput
Inuit pinerluuteqarsimaneq pissutigalugu paarnaarussivinnut isertinneqartussaangaluit, kisianni inissaqannginneq pissutigalugu utaqqisorpassuit ilaasa isumakkiiginnarneqartarnissaannik danskit naalakkersuisuisa siunnersuutaat pillugu apeqquteqaat aallaavingalungu oqallisissiaq. Pineqaatissinneqarsimasut isumakkiiginnarneqarnissaat qanoq isumaqarfigineqarnerpa?
(Inatsisartunut ilaasortaq Knud Fleischer, Kattusseqatigiit Partiiat)
Imm./pkt.: 118
Immikkoortut 118 aamma 75 ataqatigiisillugit siullermeerneqassapput
Nunatsinni pinerlunnaveersaartitsilluni suliaqarnermi iliuutsit sumut killinneri pillugit kiisalu pineqaatissiinerit qanoq ittuusinnaanerat pillugu apeqquteqaat aallaavigalugu oqallittoqarnissaanik siunnersuut.
(Inatsisartunut ilaasortaq Isak Hammond, Inuit Ataqatigiit)