Ullormut oqaluuserisassat
Ullut ataatsimiiffiusut aqqaneq-aappaat, marlunngorneq 4. maajip 2010, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 2
Ullormut oqaluuserisassanut nassuiaat.
(Inatsisartut Siulittaasoqarfiat )
Imm./pkt.: 96
Siunnersuut allannguutissatut siunnersuut ilanngullugu akuerineqarpoq.
Pujortarnermik inerteqquteqarneq pillugu Inatsisartut inatsisissaattut siunnersuut.
(Peqqissutsimut Naalakkersuisoq)
Imm./pkt.: 97
Siunnersuut: Tupa avatangiisinillu tupatorfiunngitsunik isumannaarineq kiisalu tupanik nioqqutissat nalunaaqutserneqartarneri pillugit Inatsisartut peqqussutaata allanngortinneqarnera pillugu Inatsisartut peqqussutaat nr. xx, xx qaammat 2010-meersoq.
(Peqqissutsimut Naalakkersuisoq)
Imm./pkt.: 143
1. juni 2011 aallarnerfigalugu tupat puuini tamani pinngitsoorani mianersoqqussutinik assitalersuisoqartalernissaa suliareqqullugu Naalakkersuisut peqquneqarnissaannik aaliangiiffigisassatut siunnersuut.
(Inatsisartunut ilaasortaq Malik Berthelsen, Siumut)
Imm./pkt.: 88
Inuutissarsiutinik ilinniartitsinerit aamma inuutissarsiutinik ilinniartitsinermi pikkorissarnerit pillugit Inatsisartut inatsisissaattut siunnersuut.
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 8
Inatsisartut ilassutitut aningaasaliissutissatut 2009 siunnersuutaat.
(Aningaasaqarnermut Naalakkersuisoq)
Imm./pkt.: 91
Isumaginninnermi perorsaasutut ilinniarneq pillugu Inatsisartut peqqussutaata allanngortinnissaa pillugu Inatsisartut inatsisisaattut siunnersuut. (Aalajangersimasumik ukioqarnissamik piumasaqaatit atorunnaarsinnerat aamma maalaaruteqarnissamut piffissaliussamik erseqqissaaneq)
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 28
(UKA 2009/90)
Meeqqanik pinerliisimannginnermut uppernarsaatinik piumasaqaateqartussaatitaaneq pillugu Inatsisartut inatsisissaattut siunnersuut.
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 84
Qamutit motoorillit uulia tunngavigalugu atuinngitsut eqqunneqarneranni, motoorinullu akitsuuserneqanngikkallarnissaannut Inatsisartut inatsisissaattut sinnersuut.
(Aningaasaqarnermut Naalakkersuisoq)
Imm./pkt.: 19
Siull. 6/11-2009
(UKA 2009/35)
(UKA 2009/35)
Meeqqanik kinguaassiutitigut atornerluinermut pinngitsaaliillunilu atoqatiginninnernut atatillugu pineqaatissiissutit sukannernerulernissaat aammalu pineqaatissinneqarsimasut pineqaatissinneqarnerminnut atatillugu katsorsarneqartalernissaat siunertaralugu Naalakkersuisut Qallunaat Nunaanni Naalakkersuisunik isumaqatigiinniarnermik aallartitsissasut Inatsisartunit peqquneqarnissaannik aalajangiiffigisassatut siunnersuut.
(Inatsisartunut ilaasortaq Olga P. Berthelsen, Inuit Ataqatigiit)
Imm./pkt.: 87
Ilageeqarneq pillugu Inatsisartut inatsisissaattut siunnersuut.
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 101
Sanaartorneq pillugu Inatsisartut inatsisissaattut siunnersuut. (sanaartornermut inatsit)
(Ineqarnermut, Attaveqarnermut Angallannermullu Naalakkersuisoq)
Imm./pkt.: 92
Radiomik TV-millu ingerlatsineq pillugu Inatsisartut peqqussutaata allanngortinnissaa pillugu Inatsisartut inatsisisaattut siunnersuut. (Radio TV-lu pillugit ataatsimiititaliat atorunnaarsinnerat)
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 83
Inatsisartut inatsisaata allanngortinnissaanut siunnersuut. Akileraarutit ingerlanneqarnerat pillugu.
(Aningaasaqarnermut Naalakkersuisoq)
Imm./pkt.: 27
Allannguutissatut siunnersuut ilanngullugu
Siull. 13/10-2009
(UKA 2009/88)
Siull. 13/10-2009
(UKA 2009/88)
Oqaatsinut politikki pillugu Inatsisartut Inatsisissaattut siunnersuut.
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 102
Uunga siunnersuut: Kalaallit Nunaanni annaassiniarnissamut upalungaarsimaneq aamma ikuallattoornissamik qaartoornissamillu pitsaaliuinermi iliuusissat pillugit Inatsisartut inatsisaat nr. xx., uu.qq 2010-meersoq.
(Ineqarnermut, Attaveqarnermut Angallannermullu Naalakkersuisoq)
Imm./pkt.: 10
Aningaasaqarnikkut Ingerlatsineq pillugu Nalunaarut 2010.
(Aningaasaqarnermut Naalakkersuisoq)
Imm./pkt.: 156
EM 2010 pitinnagu sioqqutsillutik Naalakkersuisut kalaallit ilinniartut inuuniarnermikkut atugaat pillugu misissuititsinissaat pillugu Inatsisartunut aalajangiiffigisassatut siunnersuut. Misissuinerup periarfissiissutigissavaa Kalaallit Nunaanni Danmarkimi, nunanilu allani ilinniartut atugaasa assersuussinnaalernissaat siunertaralugu ilinniartut atugaasa allanngortissinnaalernissaat.
(Katusseqatigiit Partiiat, Demokraatit Inuit Ataqatigiillu Inatsisartuni ilaasortaatitaat´, Kattusseqatigiit Partiiat, Demokraterne og Inuit Ataqatigiit)
Imm./pkt.: 38
Innarluutillit ukiuni qulini atuartussaatitaanerup saniatiguit ilinniaqqinnissamut periarfissaasa annertusarsinnaajumallugit Naalakkersuisut pilersaarummik 2011-mi saqqummiussaqaqqullugit Inatsisartut aalajangiiffigisassaattut siunnersuut.
(Inatsisartunut ilaasortaq Jane Petersen, Inuit Ataqatigiit)
Imm./pkt.: 59
Namminersorlutik inuutissarsiorniarlutik aallarteqqaat pillugit Akileraartarneq pillugu Isumalioqatigiissitap misissuisariaqarnera pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Akitsinnguaq Olsen, Siumut)
Imm./pkt.: 155
Aatsitassarsiornermi uuliasiornermilu qanoq iliuuseqarnikkut sapinngisamik sulisut nunaqavissut sulisorineqalersinnaanissaat qulakkeerneqassanersoq aammalu Kalaallit Nunaata imartaani uuliasiornissami qanoq iliuuseqarnikkut sulisut nunaqavissut ilinniartinneqassanersut pillugit apeqquteqaat aallaavigalugu oqallinnissamik siunnersuut.
(Inatsisartunut ilaasortat Aqqaluaq B. Egede, Inuit Ataqatigiit, Justus Hansen, Demokraatit og Jakob Skade, Kattusseqatigiit Partiiat)