Ullormut oqaluuserisassat
Ullut ataatsimiiffiusut 26-iat, marlunngorneq 24. novembarip 2009, nal. 00:00
Immikkoortup normua / Suliarineqarnissaata ullua
Siunnersuutit qulequtaat
Imm./pkt.: 25
Kalaallit Nunaanni inuiaqatigiit ilusilersugaanerata misissoqqissaarnissaanut suleqatigiissitaliamik pilersitsisoqarnissaa pillugu Inatsisartut aaliangiiffigisassaatut siunnersuut, taamaalilluni ataqatigiissumik politikkikkut ilusilersuinermut iliuusissamik pilersaarusiornissamik pilersitsisoqarnerussammat, imminut napatittumik aningaasaqarneq aqqutigalugu politikkikkut namminersulersinnaanissaq anguniarlugu.
(Inatsisartunut ilaasortaq Niels Thomsen, Demokraatit)
Imm./pkt.: 66
Namminersorlutik Oqartussat suliffeqarfiutaasa ingerlatseqatigiiffittut ingerlasut namminersortunngorsarneqarsinnaanerat pillugu qulaajaasoqarnissaanik Naalakkersuisut sulissuteqaqqullugit Inatsisartut aalajangiiffigisassaattut siunnersuut
(ATASSUT-ip Inatsisartuni ilaasortaatitai: Finn Karlsen, Siverth K. Heilmann, Knud Kristiansen)
Imm./pkt.: 67
Inatsisartut 2010-mi ukiakkut ataatsimiinerat aallarnerfigalugu Namminersorlutik Oqartussat ingerlatseqatigiiffiutaasa aammalu ingerlatseqatigiiffiit piginneqataaffigisaasa aningaasatigut ingerlanneqarneri taamatuttaaq ingerlatseqatigiiffiit ataasiakkaat ineriartortinneqarneri pillugit aammalu pissuisusut tunngavigalugit Naalakkersuisut iliuuseriniakkatik ilanngullugit Inatsisartunut ukiumoortumik nassuiaasalernissaat pillugu Inatsisartut aalajangiiffigisassaattut siunnersuut.
(ATASSUT-ip Inatsisartuni ilaasortaatitai: Finn Karlsen, Siverth K. Heilmann, Knud Kristiansen)
Imm./pkt.: 93
Kulturikkut eriagisassat tigussaanngitsut illersorneqarnissaat pillugu UNESCO-mi isumaqatigiissutip, 17. oktober 2003-meersup, danskinit atortussanngortinneqarnissaanik Namminersorlutik Oqartussat oqaaseqaatissaannut aalajangiiffigisassatut siunnersuut.
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
Imm./pkt.: 120
Kalaallit Nunaanni Inatsisartut aatsitassanut inatsisissaattut siunnersuut.
(Inuussutissarsiornermut Aatsitassarsiornermullu Naalakkersuisoq)
Imm./pkt.: 27
Meeqqanut ilaqutariinnermullu politikkimi suliniutit nutarsarneqarnissaannut apeqquteqaat aallaavigalugu oqallisissiamik siunnersuut, taamaalillutik angajoqqaanngortussat angajoqqaanngornissaminnut sapersannginnerusassammata.
(Inatsisartunut ilaasortat Andreas Uldum aamma Justus Hansen, Demokraatit)
Imm./pkt.: 108
Aalisarnermik piniarnermillu inuussutissarsiuteqarnermi atugarisat pitsanngorsarnissaat pillugit apeqquteqaat aallaavigalugu oqallinnissamik siunnersuut.
(Inatsisartunut ilaasortaq Doris Jakobsen, Siumut)