Inatsisartut Siulittaasuat Mimi Karlsen Nunat Avannarliit Siunnersuisoqatigiiffiata Islandimi ukiumoortumik ataatsimiinneranut peqataavoq

 

Nunat Avannarliit Siunnersuisoqatigiiffiata 76-issaanik ukiumoortumik ataatsimiinnera nunanit avannarlernit tamanit peqataaffigineqartumik Reykjavikimi ingerlanneqarpoq. “Issittumi eqqissineq sillimaniarnerlu” ukiumoortumik ataatsimiinnermut qulequtaritinneqarpoq.

 

Inatsisartut Siulittaasuat Islandimit, Danmarkimit, Finlandimit, Savalimmiunit, Norgemit, Sverigemit Ålandimiillu inatsisartut siulittaasuinik ataatsimeeqateqarpoq, issittumi sillimaniarneq eqqarsaatigalugu ullumikkut pissutsit eqqartorneqarlutik.

 

Tamatuma saniatigut Inatsisartut Siulittaasuat ministeriunerit naapeqatigiinneranni nunanullu allanut ministerit nassuiaateqarneranni tusarnaartutut peqataavoq.

 

Inatsisartut Siulittaasuat inatsisartutigoortumik sulinermut sinniisutut taamatullu aamma nunani avannarlerni inatsisartunut ilaasortat naapeqatiginiarlugit inatsisartoqarnikkullu pissutsit oqaloqatigiissutiginiarlugit peqataavoq.

 

 

 

 

Assimi takuneqarsinnaapput:

 

Ålandimi Lagtingip siulittaasua, Jörgen Pettersson

Savalimmiuni Løgtingip siulittaasuat, Bjørt Samuelsen

Finlandimi Eduskuntasip siulittaasuat, Jussu Halla-aho

Islandimi Altingip siulittaasua, Birgír Ármannsson

Norgemi Stortingip siulittaasuata tullia siulleq, Svein Harberg

Inatsisartut Siulittaasuat, Mimi Karlsen

Danmarkimi Folketingip siulittaasua, Søren Gade

 

 

 

Asseq: Nunat Avannarliit Siunnersuisoqatigiiffiat