Inatsisartut Siulittaasuat Mimi Karlsen piffissami 12.-14. juni 2024 Islandimut tikeraarpoq

 

Inatsisartut Siulittaasuata Mimi Karlsenip Islandimi inatsisartut siulittaasuat Birgir Ármannsson ulloq 12. juni Altinghimut pulaarpaa.

 

Angalanermi tassani Islandip ministeriunera Bjarni Benediktsson aamma Nunanut allanut ministeri Inatsisartut Siulittaasuanit pulaarneqarput.

 

Nunani sanilitsinniittuni naalakkersuinikkut suliallit qanimut oqaloqatigisalernissaat angalanermi siunertaavoq. Kalaallit Nunaanni Islandimilu maannakkut inatsisartoqarnikkut sulineq pillugu paasissutissanik ilaatigut paarlaasseqatigiittoqarpoq.

 

Takornariaqarnikkut ineriartortitsinermut, Inatsisartut upernaakkut ataatsimiinneranni sammisanut eqqartorneqartunut mittarfissuarnullu nutaanut, taakkunani Nuummi Mittarfik novembarimi ammartussamut, naatsorsuutigineqartunut tunngatillugu Kalaallit Nunaanni naalakkersuinikkut massakkut inissisimaffiusoq ataatsimiinnerni eqqartorneqarpoq.

 

Islandimi naalakkersuinikkut suliaqartartut qanimut attaveqatiginerata suleqatigiinnerullu aammalu Islandilu inatsisartoqarnikkut oqaloqatigiittarnerup nukittorsarneqarnissaat Inatsisartut Siulittaasuanit pingaartinneqarpoq.

 

Tamatuma saniatigut Islandimi Nunat Avannarliit Siunnersuisoqatigiiffiata siulittaasuat Bryndís Haraldsdóttir peqatigalugu nunat marluk illugiisillugit siulittaasumit ataatsimeeqatigineqarput. Nunat Avannarliit Siunnersuisoqatigiiffiata ataatsimiinnissaata tullia Reykjavikimi sapaatip akunnera 44-mi ingerlanneqassaaq.

 

Inatsisartut Siulittaasuat Grindavikip eqqaanut tikeraarnissaminuttaaq qaaqquneqarsimavoq tassanilu innermik anitsisartoq kingullertigut sakkortusimasoq sumiiffimmi innuttaasunut annertuumik kinguneqartitsilluni.

 

Illoqarfik Grindavik 3.500-t missiliorlugit innuttaasoqarsimagaluarpoq, innermillu anitsisoqareernerata kingorna isumannaallisaaneq qulakkeerumallugu illoqarfimmi najugaqartut illoqarfimmut allamut nuutsinneqarsimallutik.

 

Illoqarfik inuerutitaasimasoq misigalugu Mimi Karlsenimut misinnarsimaqaaq.