EQQAANIUT

Inatsisartunut Allattaasimasumik Cand.scient.pol. Jakob Janussenimik eqqaaniut

2023-mi ukiakkut ataatsimiittoqarnerata nalaani Inatsisartunut Allattaasimasup Jakob Janussenip 82-liinissaminut ullut tallimaannanngortut 81-inik ukioqarluni aliatsaatigisatsinnik toqukkut qimagussimaneranik kalerrinneqarpugut.

Jakob Janussen Inatsisartuni atorfinitsinneqarpoq, piffissamilu 1. september 1999-miit 31. januar 2001-mut Inatsisartut Allattoqarfianni ullumikkut pisortatut atorfimmut nallersuunneqarsinnaasumik sulilluni.

Jakob Janussen ukioq ataaseq aappaa avillugu missarluinnaani Inatsisartunut Allatsiunermini Inatsisartunut Siulittaasut pingasut sullippai. Namminersorneq pillugu Isumalioqatigiissitami namminersornerulernissamik aaqqissuussinermut killiliussassanik naliliisussamut siulittaasutut atorfimmi sulilernissani pissutigalugu Jakob Janussen Inatsisartunut Allatsitut sulinerminit tunuarpoq.

Jakob Janussen atorfilittatut sulinikuunermigut inuiaqatigiillu aaqqissugaaneranik ilisimasaqarluartuunini pissutigalugu, Inatsisartut qinikkatut sulineranni atugassarititaasunik assigiinngitsunik misissuisussamut siulittaasoqarfiup ataani suleqatigiissitamut  2018-mi peqataatinneqalerpoq.

Jakob Janussenip qimagunneratigut inuk kalaallit nunaanni inuiaqatigiit nutaaliaanerusut pillugit ilisimasaqarluartumik inummik malunnaateqarluartumik annaasaqarpugut.

Jakob Janussenip eqqaaneqarnera ataqqinartuuli.

Inatsisartunut Siulittaasoq

Mimi Karlsen