2025-mi inissitsiterfiusumik ataatsimiinnermi (INA2025-mi) oqaluuserisassat Inatsisartut oqaluuserisassanut ataatsimiititaliarigallagaata maanna aalajangersarsimalerpai.

 

Oqaluuserisassanut ataatsimiititaliaagallartup kinguliani allassimasunik inuttaqartup

Inatsisartunut sivisunerpaamik ilaasortaasoq Hans Enoksen (N),

Jens-Frederik Nielsen (D)

Pele Broberg (N)

Múte B. Egede (IA),

Vivian Motzfeldt (S)

Aqqalu C. Jerimiassen (A)

 

Ulloq 7. april 2025 inissitsiterfiusumik ataatsimiinnermi oqaluuserisassat aalajangersarpai.

 

Inissitsiterfiusumik ataatsimiinnermi ulloq ataatsimiiffissaq tassaassaaq ataasingorneq ulloq 7. april 2025 nal. 11.30.

 

Ulloq 7. april ileqqut malillugit Hans Egedep Illuanit Annaassisitta Oqaluffianut, nal. 10.00 naalagiarfiusussamut, ingerlaaqatigiinnermik aallarnerneqassaaq.

 

Tamatuma kingorna Inatsisartunut qinigaarlaat oqaluffimmit Inatsisartunut ingerlaaqatigiis-sapput, kingornatigullu Inatsisartut isaariaata saavani majuartarfinni assilisissallutik.

 

Kingornagut Inatsisartut ataatsimiittarfianni ataatsimiinneq nal. 11.30 aallartinneqassaaq. Inatsisartut ataatsimiittarfianni ataatsimiinnermi oqaluuserisassat Inatsisartut nittartagaanni takuneqarsinnaassapput. INA2025 pillugu atortussat tamarmik www.inatsisartut.gl-imi takuneqarsinnaapput.

 

Paasissutissat kingulliit tamarmik nittartakkami ingerlaavartumik ilanngunneqartassapput. Atortussanik tamanik qarasaasiakkut ingerlaavartumik pissarsisarnissaq aamma suli periarfissaavoq.

 

 

 

Inussiarnersumik inuulluaqqusillunga

 

Hans Enoksen

Inatsisartunut sivisunerpaamik ilaasortaq