Lagtingip siulittaasua Bjørt Samuelsen Inatsisartunut tikeraartoq

Inatsisartut Siulittaasuat Savalimmiuni inatsisartut Lagtingip siulittaasuanit Bjørt Samuelsenimit ulluni 10. – 13. februar 2025 tikeraarteqarpoq. Tikeraarnissaq tamannalu eqqarsaatigalugu pisussat qinersinissap nalunaarutigineqarnera sioqqullugu pilersaarutaasimapput.

Inatsisartut Siulittaasuat Mimi Karlsen Lagtingillu siulittaasua Bjørt Samuelsen Nuummut tikeraarnermi suliffeqarfinnut assigiinngitsunut pulaartarput, misilittakkaminnik paarlaasseqatigiillutik, kiisalu inatsisartutigoortumik sulineq eqqarsaatigalugu ilisimatitseqatigiillutik, Inatsisartut siulittaasuata 2024-mi Savalimmiunut tikeraarneranut aamma malitsitut.

Inatsisartut Siulittaasuattut nunanit avannarlerni nunarsuullu sinnerani inatsisartunit assigiinngitsunit inatsisartutigoortumik suleqatitsialannit pisortatigoortumik tikeraarneqartarnerput nuannaarutigeqaara, immikkullu nuannaarutigalugit tatigeqatigiinneq pitsaasumillu suleqatiginnikkusussuseqarneq tikeraarnerit tamakku Kalaallit Nunaata nunarsuullu avatitsinniittup akornanni inatsisartutigoortumik suleqatigiinnermut malitsigisartagaat.

Siulittaasoqarfik sinnerlugu

Mimi Karlsen

Inatsisartut Siulittaasuat