Nunat Avannarliit Killiit Siunnersuisoqatigiiffiata ukiumoortumik ataatsimeersuarnera

Nunat Avannarliit Killiit Siunnersuisoqatigiiffiat ulluni 27.-28. august 2024 Torshavnimi ukiumoortumik ataatsimeersuarput.

Kalaallit Nunaannit Inatsisartut aallartitaat tassaapput:

Doris Jakobsen Jensen, aallartitat siulittaasuat

Aqqalu Jeremiassen, aallartitat siulittaasuata tullia

Pipaluk Lynge

Najaaraq Møller

Nunani avannarlerni killerni innuttaasut akornanni upalungaarsimaneq kiisalu qarasaasiaqarnikkut ineriartornermi oqaatsit oqallinnermi qulequtarineqarput.

Nunat Avannarliit Killiit Siunnersuisoqatigiiffianut aallartitat ukiut tamaasa nunat ilaasortaasut Inatsisartuinut kaammattuutinik suliaqartarput: Piffissami kingulliunerusumi Inatsisartunut qaqinneqartut ilagaat Nunani Avannarlerni Killerni inuusuttut tapiiffigineqarlutik efterskolersinnaalernissaat, imminut pilersornerup siuarsaaviginissaa pisuussutittalu atorluarneqarnissaat aammalu oqaatsit qarasaasiaqarnikkut ineriartornermi siuarsaavigiuarnissaat pillugu, soorlu silassorissuusiat atorneqarnerisigut il. il.

Ukioq manna ataatsimeersuarnermi Kalaallit Nunaata siulittaasuuffik tiguaa, Inatsisartunut ilaasortaq Doris Jakobsen Jensen siulittaasutut toqqarneqarluni

Doris Jakobsen Jensen:

Nunani avannarlerni killerni qanimut suleqatigiinnissarput aatsaat taamak pingaaruteqartigaaq. Nunarsuatsinni sorsunneq eqqarsaatigalugu immitsinnut pilersorneq attaveqarnerlu suleqatigiissutissatta pingaarutillit ilagaat. Kiisalu nunarsuarmi inuiassuit akornanni ikittunnguugatta oqaatsitta sakkortusisamik illersornissaat pisariaqarluinnarmat. Tamannalu suleqatigiiffigerusupparput.

Inussiarnersumik inuulluaqqusillunga

Kalaallit Nunaannit aallartitat siulittaasuat

Doris Jakobsen Jensen