Tusagassiorfitsigut, radiukkut naqitatigullu, ulluni kingullerni Inatsisartuni oqaatsinut tunngatillugu piumasaqaatinik allanngortitsiniarnerarlunga assut sammineqarpunga, tusagassiorfiit isumaqalersitsimmata siunissami Inatsisartut kalaallisuinnaq sulilernissaat siulittaasutut isumagigiga.

Tamatumunnga atatillugu erseqqissaateqarusuppunga.

Oqanngisaannarpunga oqaatsit ataasiinnaat atorneqalissasut. Akerlianik isumaqarpunga nutsigassatigut suliassat kikkunnit isumagineqarnissaat nalilersorneqartariaqartoq tassa suliassaq tamanna Inatsisartunut ilaasortaniissanersoq, allattoqarfimmiissanersoq imaluunniit allatut aaqqinneqarsinnaanersoq. Apeqqut tamanna kissaatigaara Inatsisartut Siulittaasoqarfianni oqallisigeqqinneqassasoq.

Taamaattumik Inatsisartut suliassaminnik ingerlatsinissaminnut sapinngisamik pitsaanerpaanik killiliussatigut atugassaqartinneqarnissaat qanoq qulakkeerneqarsinnaanersoq pillugu inerititaqarfiusumik oqallinnissaq qilanaaraara.

Ikinngutinnersumik inuulluaqqusillunga

Hans Enoksen

Inatsisartut Siulittaasuat