Oqaatigisakka illit nassuiaatigisattut paasineqassappata kiisalu unnuk ilisinnut tujorminartumik naggaserneqarsimappat ilinnut nuliannullu tamanna ilumoortumik ajuusaarutigissavara. Siunissamissaaq ataatsimoorluta aaqqissuussanut toqqissisimallusi tikilluaqqusaallusilu misigisimallusi peqataasarnissarsi uannut pingaaqaaq.

Inussiarnersumik inuulluaqqusillunga,

Jonathan Motzfeldt

Inatsisartut siulittaasuat

Inatsisartunut ilaasortaq Jens B. Frederiksenimit naammagittaalliummik Inatsisartut Siulittaasoqarfiata suliaqarnera.

Inatsisartunut ilaasortap Jens B. Frederiksenip, 2007-imi Inatsisartut ukiakkut ataatsimiinnerisa ammarneqarnerani nalliuttorsiornermut atatillugu Inatsisartut Siulittaasuat Jonathan Motzfeldt pillugu Inatsisartut Siulittaasoqarfiannut naammagittaalliuteqarneranik nalunaarummik tusagassiorfiit ulloq septembarip 24-ianni tigusaqarput.

Naammagittaalliut Inatsisartut Siulittaasuata Inatsisartunut ilaasortamut Jens B. Frederiksenimut utoqqatsinera ilanngullugu Siulittaasoqarfiup suliaraa. Taamatut utoqqatsinerup imaa taamatuttaaq ulloq septembarip 24-iat 2007 tusagassiorfinnut nalunaarutigineqarpoq.

Imminnut allaffigeqattaanneq tamanna Siulittaasoqarfiup isumaqatigiittup tusaatissatut tiguaa, tunngavittullu saqqummiunneqartut tunngavigalugit Inatsisartut Siulittaasuata isornartorsiorneqarneranik oqaaseqarnissaq pissutissaqanngitsoq isummerluni.