Inatsisartut Siulittaasoqarfiat maanna Danmarkimiippoq Folketingip siulittaasoqarfia ukiumoortumik attaveqaatitut ataatsimiititaliami naapeqatigiartorlugu. Ataatsimiinneq septembarip ulluisa 10-anniit 12-iannut 2009, ukioq mannalu Skagenimi, ingerlanneqassaaq.

Folketingip siulittaasoqarfiata suleriaasia qinikkat akornanni oqaloqatigiinnermi pingaarnertut sammineqassaaq. Tamakku pillugit paasissutissat Inatsisartut Siulittaasoqarfiata atorniarpai Inatsisartut suleriaasianik nutarteriniarlutik pitsaanngorsaaniarlutillu suliniarnerminnut ingerlasumut atatillugu.

Aappaagu attaveqaatitut ataatsimiititaliaq Tasiilami juunip qaammataani ataatsimiissaaq.