Inatsisartuni 2024-mi Unnuk Kulturisiorfik aamma ukioq manna iluatsilluarpoq, innuttaasut amerlaqisut siulittaasup allattoqarfiullu allaffiinik nutaanik alakkarterinissamut periarfissaqarsimallutik. Pulaartorpassuit tassaapput meeqqat inersimasullu ukioqatigiinnit tamaneersut, allattoqarfimmi allaffinnik qalipaatigissunik nalinginnaasumik nuannarinnillutik oqaaseqartartut. Partiit ilaat taamatuttaaq Inatsisartuni allaffeqarfimminni unnummi kulturisiorfimmi matuminnik ammatitsipput.

Siulittaasup allaffimminut pulaartut eqqarsaatigalugit immikkut maluginiarpaa taakku tassaasimammata inuit nuannaartut isumalluartullu. Pulaartut namminneerlutik siulittaasup allaffia siulittaasoqarfiullu ataatsimiittarfia pulaarlugit atugassarititaasut alakkartersinnaasimavaat.

Inuusuttorpassuit soqutiginnillutik siulittaasup allaffianut alakkaasut siulittaasumit eqqaasinneqartarput nalitsinni inuusuttut sinnerlugit assut nuannaarutigigamiuk taakku namminermi inuusuttuunermi nalaanut sanilliullugu suliffeqarfinni assigiinngitsuni pissutsinik immikkut paasisaqarnissaminnut periarfissagissaarnerujussuummata.

Meeqqat inersimasullu nalorsitsaarlugit unammisinneqarput eqqortunillu akissuteqarsimasut qulit Katuamut Pisiffimmulluunniit kortimik pisissutissamik 200 kr.-inik aningaasartalinnik eqquisut siulittaasup makitsineratigut nassaarineqarlutik.

Pisiffimmi pisissutissanik eqquisut tassaapput:

• Ayla Heilmann
• Hans Karl F. Therkelsen
• Thue Lund Mølgaard
• Ivalo Heilmann
• Kattannguaq Markussen

Katuami pisissutissanik eqquisut tassaapput:

• Niattaa Uitsatikitseq
• Viivi Løvstrøm
• Aimée Olsen
• Jens-Ole Karlsen
• Lucy B. Møller

Eqquisut attaveqarfigineqareerput.

Inatsisartut Siulittaasuata Unnummi Kulturisiorfimmi Inatsisartunut pulaarsimasorpassuit qutsavigai.