Hans Enoksen Inatsisartut Siulittaasuattut qinigaavoq
Ullaaq nalunaaqutaq aqqanernut Inatsisartunut sivisunerpaamik ilaasortaasimasup Hans Enoksenip 2018-imi Inatsisartut inissitsiterfiusumik ataatsimiinnerat ammarpaa.
Qinersineq pillugu nassuiaasoqareermat Qinigaanerullu Misilinneqarnissaanut Ataatsimiititaliaagallartup inassuteqaatai suliarineqareermata oqaluuserisassani immikkoortut; Inatsisartut Siulittaasussaannik qinersineq aamma Inatsisartut Siulittaasoqarfissaanik qinersineq, ingerlanneqarput.
Inatsisartut Siulittaasuattut Hans Enoksen qinerneqarpoq.
Inatsisartut Siulittaasoqarfiannut ilaasortanngorput:
| Inatsisartut Siulittaasuat Hans Enoksen (PN) | Sinn. Siverth K. Heilmann (A) |
| Siulittaasup tullia siulleq Mimi Karlsen (IA) | Sinn. Peter Olsen (IA) |
| Siulittaasup tulliisa aappaat Jess Svane (S) | Sinn. Mala Høy Kuko (S) |
| Siulittaasup tulliisa pingajuat Randi V. Evaldsen (D) | Sinn. Justus Hansen (D) |
| Siulittaasup tulliisa sisamaat Nikkulaat Jeremiassen (S) | Sinn. Laura Taunâjik (S) |
Inissitsiterfiusumik ataatsimiinneq aqagu ingerlaqqissaaq, tamatumani ilaatigut Inatsisartut ataatsimiititaliaat inissitsitissallutik. Tamatuma saniatigut Inatsisartut Ombudsmandissaminnik qinersissapput.
Ataatsimiinnermi oqaluuserisassat ataasiakkaat inatsisartut.gl-imi takuneqarsinnaapput.