Aningaasaqarnermut Ataatsimiititaliaq nunatta Kujataani kommunini pingasuni paasisassarsiorlu angalaqqammerpoq. Illoqarfinni nunaqarfinnilu pissutsinik paasisimasaqarnissani Aningaasaqarnemut Ataatsimiititaliap assut pingaartippaa qinigaaffiu llu iluani kommuninut tamanut tikeraarnissani naatsorsuutigalugu. Aningaasaqarnermut Ataatsimiititaliap sapinngisamik annertunerpaamik paasisimasaqarnissaa Inatsisartuni sulinermut pingaaruteqartutut ataatsimiititaliamit isumaqarfigineqarpoq.

-

Naalakkersuinikkut suliaqartunik, atorfilittanik inuussutissarsiutinillu ingerlatsisunik oqaloqatiginnittarnermigut immikkoortuni pisoqarfiusuni naalakkersuinikkut inuiaqatigiillu aningaasaqarnerannut attuumassuteqartunik paasinninnissani siunertaralugu Aningaasaqarnermut Ataatsimiititaliaq paasisassarsiorluni angalasarpoq.

Oqaatigineqassaaq kommunit nunaqarfinnilu aqutsisut sinniisaannik ataatsimeeqateqarnermi suliassat aalajangersimasut Aningaasaqarnermut Ataatsimiititaliap isumaqatigiinniutigisinnaanngimmagit, isumaqatigiinniartarnermi Naalakkersuisut oqartussaaffeqarfigimmassuk. Suliassalli pissutsillu kommunimit pisoqarfiullutillu pingaaruteqartutut isigineqartut pillugit tusartinneqarnissani taakkulu oqallisiginissaat Aningaasaqarnermut Ataatsimiititaliap assut soqutigisarisarpaa, taamaaliornikkummi kommunini ajornartorsiutigineqartut pisariaqartinneqartullu ataatsimiititaliap annertunerusumik paasisaqarfigisinnaammagit.

Aningaasaqarnermut Ataatsimiititaliaq pisut ilaanni sammineqartunik Naalakkersuisunut ingerlatitseqqissinnaasarpoq pineqartorlu pillugu nassuiaateqaqqusisinnaasarluni.

Taamaalilluni Nanortalimmi, Qaqortumi Narsamilu kommunip aningaasaqarnermut ataats imiititaliaannik Aningaasaqarnermut Ataatsimiititaliaq ataatsimeeqateqarpoq. Aningaasaqarnermut Ataatsimiititaliap nunaqarfiit Saarloq, Eqalugaarsuit, Narsarsuaq Qassiarsullu tikeraarpai, nunaqarfinnilu taakkunani nunaqarfinnut aqutsisunik ataatsimeeqateqarluni.

Silalli pissusaa pissutigalugu Aappilattumut Narsarmijinullu tikeraarnissaq ajoraluartumik taamaatiinnartariaqarsimavoq. Matumali kingorna Aningaasaqarnermut Ataatsimiititaliap nunaqarfinnit aqutsisunit marluusunit oqaluuserisassanngortitat akissuteqarfigissavai. Nalunami ingerlatamut (kuultisiorfimmut) pilersaarutaasutut tikeraartoqarpoq. Aammattaaq Upernaviarsuk savaateqarfiillu pingasut tikeraarneqarput. Taakkua ilaat ataaseq erngup nukissiorfeeraqarpoq ukiut 17-issaanni savaateqarfiup nukimmik pisariaqartitaanik tunniussisimasumik.

Fabrikkit, atuarfiit napparsimaviillu illoqarfinni pingasuni taakkunani takuniarneqarput. N anortalimmi aammattaaq sammisassaqartitsivik "Pilutaq" ataatsimoorlunilu ineqarfik "ULLUT" takuniarneqarput. Qaqortumi Nunatta Ammervia, Amutsivik, Sulisartut Højskoliat, Niuernermut Ilinniarfik, STI kiisalu Ilinniarnertuunngorniarfik aammattaaq takuniarneqarput. Narsamilu INUILI, Neqi A/S, utoqqaat illuat Nukissiorfiillu aammattaaq takuniarneqarput.

Ilanngullugu ilisimatitsissutigineqarsinnaavoq illoqarfinni pingasuusuni taakkunani tamani unnuk ataaseq atorlugu Aningaasaqarnermut Ataatsimiititaliaq Innuttanik ataatsimiititsimmat.

Angalanermi bilitsit aappalaartunik taaneqartartut ajornanngikkaangat atorneqarput. Aningaasaqarnermut Ataatsimiititaliaq tikeraarfigisaminit qinikkanillu, suliffeqarfiit pisortaannit sulliviillu pisortaannit paasissutissanik misilittakkanillu iluaqutaalluartussanik pissarsivoq. Sulliviillu assigiinngitsut pitsaassusiinut ajornartorsiutigisimasinnaasaannullu tunngassutilin-nik annertungaatsiartumik paasisaqartoqarpoq, taakkulu siunissami aningaasanut inatsisissatut siunnersuutinut siunnersuusiat suliarineqartarnerinut, tassungalu ilanngullugu nutaamik sanaartugassat nutartigassallu aningaasalerneqarnerinut minnerunngitsumik iluaqutaasinnaalerumaarlutik.

Suliassat aalajangersimasut taasaqarfigissallugit ingasappallaassaaq, Aningaasaqarnermulli Ataatsimiititaliaq Naalakkersuisunut saaffiginninnermigut "suliassat" ilaatigut malitseqartissinnaajumaarpai.

Paasisassarsiorluni angalanermi Aqqalukasik Kanuthsen, IA, (siulittaasuugallartoq), Ruth Heilmann (Siumut) Augusta Sallingilu (Atassut) peqataapput. Aningaasaqarnermut Ataatsi-miititaliap siulittaasua Ole Thorleifsen, Siumut, Per Skaaningilu, Demokraatit, angalanermi peqataasinnaanatik nalunaarsimapput.

Tullissaannik Aningaasaqarnermut Ataatsimiititaliaq marsip qiteqqunnerani Maniitsup Sisimiullu kommuniinut paasisassarsiorlu angalassaaq.

Aqqalukasik Kanuthsen
Paasisassarsiorluni angalanermi Aningaasaqarnermut Ataatsimiititaliamut siulittaasuugallartoq