Ullumi Sermitsiap nittartagaani partiinut tapiissutit pillugit siunnersuut eqqarsaatigalugu siulittaasoqarfik salloqittaasutut oqaatigineqarpoq.

Nunanut Allanut Sillimaniarnermullu Ataatsimiititaliap Danmarkimi illersornissamut isumaqatigiissuteqarnissaq, inaarutaasumillu isumaqatigiissutaasup Kalaallit Nunaannut, kiisalu sakkutuut Kalaallit Nunaanni Issittumilu suliaannut sunniutigisinnaasai, oqallisigisimavai.

Inatsisartut ullumi ukiakkut ataatsimiinnertik aallartillugu ataatsimiinnerminni Lars-Emil Johansen siulittaasussamittut qineqqippaat.

Pisarneq malillugu Inatsisartut ataatsimiinnerat Inatsisartut innuttaasullu piumasut naalagiarneranik aallarnerneqarpoq, kingornalu Inatsisartunut ilaasortat oqaluffimmiit Inatsisartut ataatsimiittarfianut ingerlaaqatigiillutik.

Parteeqatigiiaat ataatsimiinneri ulloq 19. september ingerlanneqarput. Tassani Iddimanngiiu Jensen Bianco nunat avannarliit suleqatigiiffiata iluani Inuit Ataqatigiit suleqataaffigisaanni VSG-mi (Venstresocialistiske Grønne Parti) ataatsimeeqataavoq. Parteeqatigiiaat ataatsimiinneranni nunani ataasiakkaani Inatsisartunit aallartitat peqataasut nunaminni naalakkersuinikkut pisut, nunami killiffik unammilligassallu pillugit nassuiaateqartarput, parteeqatigiiaarluni ataatsimiititaliani ataasiakkaani suliassanik piareersaateqarnerup saniatigut.