Nuummi Islandip sinniisoqarfiata generalkonsulatip ammarneqarneranut atatillugu Islandip nunanut allanut tunngasunut ministeriata Gunnar Bragi Sveinssonip Islandip generalkonsulitaava Petur Asgierson ilagalugu ullumi Inatsisartut Siulittaasuannut pulaarput. Inatsisartut Siulittaasuat tamatumunnga atatillugu aamma Nunat Avannarliit Killiit Siunnersuisoqatigiiffiata siulittaasoqarfiani aama siulittaasup tulleraa.

Inatsisartut ullumi ataatsimiinneranni ataatsimiititaliat ataavartut inatsisillu malillugit pilersinneqartussat nutaamik inissitsiterput. Nutaamik inissititerneq pivoq Naalakkersuisut suliassaqarfiisa allanngortinneqarnerat kiisalu partiit naalakkersuisuutitaqartut (Siumut Atassullu), Demokraatit Partii Inuillu qinersisarnerit pillugit teknikikkut suleqatigiilernerat tunngavigalugit.

Inatsisartut Nunat Avannarliit Siunnersuisoqatigiiffiannut ilaasortaatitaat Juliane Henningsen aamma Kim Kielsen Oslomi ataatsimiittarnissarpassuit ulloq 28. oktober 2013 ullaakkut aallartereerpaat, siunnersuisoqatigiiffiup ataatsimiinnissaa sioqqullugu partiikkaarluni ataatsimiittarnerit aallartinneqarmata. Ullumikkut marluullutik Avatangiisinut Pinngortitamilu Pisuussutinut Ataatsimiititaliami ata-atsimeeqataassapput, siunnersuisoqatigiiffiup ualimut ataatsimiilernissaa sioqqullugu suli-assaat kingulliit isumagalugit.