Ataatsimiititaliat allattaannik ilinniagartuumik ataatsimik-marlunnik Inatsisartut Allattoqarfiat pissarsiorpoq
Suleqateqarsinnaanermut pitsaasunik piginnaaneqarpit, kulturit assigiinngitsut naapiffianni sulineq iluaraajuk aaqqiissutissarsiortarnerlu pingaartippiuk?
Pissarsiorpugut
Kukkunersiuinermut Ataatsimiititaliap sullinneqarneranut inatsisilerituumik aningaasaqarniarnermilluunniit immikkut ilinniarsimasumik (pisariaqarpat cand. merc. aud.) kiisalu ataatsimiititaliap allattaanik ataatsimiititaliat allat sullinneqarnerannut ikiuussinnaasumik pissarsiorpugut.
Sullissinermut ilaavoq ataatsimiititaliat suliassaqarfiisa iluini inatsisartunut ilaasortanik kinaassusersiunngitsumik, arlaannaannulluunniit attuumassuteqanngitsumik aammalu suliamut ilisimasaqassuseqartumik siunnersuineq. Sullissinermut ilaapput isumaliutissiissutissanut missingiusiornerit, ataatsimiititalianut ataatsimiititalianillu attaveqartarneq, kiisalu ataatsimiititaliat ataatsimiittarnissaannik angalanissaannillu pilersaarusiornerit taakkunanilu peqataanerit.
Ataatsimiititalianut allatseqarfimmi suleqatigiinnut ilaassaatit, tamatumalu suliassat allat assigiinngitsut malitsigissavai, taakkununnga ilanngullugu ass. ilaasortat siunnersuusiornerinut atatillugu ikiuunneq immikkoortortallu suliassaanut allanut peqataaneq. Inatsisilerituujuguit taamatuttaaq inatsisilerinermut immikkoortortamut, ilaatigut inatsisissanik siunnersuutinik saqqummiunneqartunik inatsisilerinikkut nalilersuisartunut, peqataanissat naatsorsuutigissavat. Inatsisissanik nalilersuinermik ilinniartinneqarnissamut periarfissaqassaaq, tamannalu pikkorissarnikkut ingerlanneqarsinnaalluni.
Peqqissaartumik, uummaarissumik namminersortumillu suliassanik ingerlatsisinnaaninnik takutitsisinnaanissat pingaartipparput.
Naatsorsuutigaarput ingerlatitseqqiisarnermut oqaasertalersuisarnermullu piginnaaneqarluassasutit. Naalakkersuinermik suliallit akornanni sulinissamut inuttut sunniuteqarluarsinnaanissat piginnaasaqarnissallu taamatuttaaq pisariaqarpoq.
Inatsisartut ataatsimiinnerisa nalaanni sulingaatsiartarnissaq atorfimmi naatsorsuutigineqartariaqarpoq. Ulapaarlutit sulineq nuannarissavat piffissalu ilaanni malunnartumik qaangiuttoortarsinnaanissat piareersimaffigissallugu, minnerunngitsumik ukiakkut ataatsimiinnerit nalaanni.
Neqeroorutigaagulli DJØF-ip Inatsisartut Siulittaasoqarfiatalu akornanni isumaqatigiissut atuuttoq naapertorlugu akissarsiaqartinneqarnermi atugassarititaasut unammillernartut, kiisalu soorunami aamma atorfininnermut soraarnermullu atatillugu angalasinnaatitaaneq, pisattat nuunneqarnerat inissaqartinneqarnerlu (pisatsersugaanngitsumik).
Sukumiinerusumik isumaqatigiissuteqarneq malillugu paasisassarsiorluni angalanissanut pikkorissarnissanullu periarfissaqarpoq.
Kiisalu soorunami sulinermi avatangiisit naalakkersuinikkut aalajangiiniartartunut qanittumik persuarsioranilu attaveqarnermik suleqatinillu tunniusimasunit misilittagalinnillu ilisarnaatillit.
Inussiarnersumik malugeqquneqarpoq,
atorfik saniatigut naalakkersuinermik suliaqarnermut qanittukkulluunniit suliaqarsimanermut ataatsimoortinneqarsinnaanngimmat.
Suiaassuseq, kikkunnit kingoqqisuuneq, sunik upperisaqarneq innarluuteqarnerluunniit apeqqutaatinnagit naligiissitsinermik siuarsaanissaq Inatsisartut Allattoqarfiata kissaatigaa. Taamatuttaaq inuttut misilittagaqarneq inuttullu inerisimassuseq iluaqutaassapput.
Pisortani atorfeqareersimanermit allaffissornikkut misilittagaqarneq iluaqutaassaaq.
Atorfininneq: 1. august 2024 isumaqatigiissuteqarluniluunniit.
Qinnuteqarnissamut killissarititaq: 14. juni 2024
Qinnuteqaammut ilannguteqquneqarput CV soraarummeersimanermullu uppernarsaatit tamaasa, karakterit allattorsimaffii ilanngullugit.
Danmarkimi atorfimmit sulinngiffeqarsinnaanermut periarfissat
Naalagaaffimmi tjenestemandit aammalu AC-mik isumaqatigiissut arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Namminersorlutik Oqartussani atorfinitsinneqarnermut atatillugu akissarsiaqarnani sulinngiffeqarnissamut qinnuteqaatit akuersaartaqqullugit nunami namminermi pissutsinut ministereqarfiup kommuninut nunallu immikkoortuinut taamatuttaaq kaammattuutigisimavaa. Sulinngiffeqarneq pillugu aalajangersakkami aamma ilaatinneqarput katissimallugu aapparisaq inooqatigisarluunniit.
Paasisaqarnerorusukkuit
Nittartakkatsinni imaluunnit pisortamut Ellen Kolby Chemnitzimut allaffiulluunniit pisortaanut Mikaela Augustussenimut saaffiginninnikkut paasissutissat sukumiinerusut pissarsiarisinnaavatit:
Oqarasuaat: +299 34 61 04
E-mail: ekc@ina.alla.gl imaluunniit mika@ina.alla.gl
(Malugeqquneqarpoq nalunaaquttap nikinganera pissutigalugu Danmarkimit sianeruit Danmarkimi nalunaaqutaq malillugu nal. 12.00 sioqqullugu allaffigut inoqarneq ajormata)