ILINNIAGARTUUMIK ATAATSIMIITITALIAMUT ALLATSISSARSIORPUGUT, ILLIUA?

-     Inatsisartut Allattoqarfiat ilisimatusarfimmit ilinniagalimmik pikkorissumik sulisussarsiorpoq   -

Ilinniagartuumik, misilittagalimmik namminersorsinnaassusilimmillu Inatsisartut ataatsimiititaliaasa ilaannik sullissisussamik Inatsisartut Allattoqarfiat sulisussarsiorpoq.

Uagut pilluta:

Inatsisartut Allattoqarfiat Kalaallit Nunaata Inatsisartuisa allattoqarfigaat katillugit 30-t missaannik sulisulik. Inatsisartut katersuuttarnerat aaqqissuuttarparput Inatsisartunullu ilaasortat 31-usut ataatsimiititaliallu sullittarlugit.

Atorfik pillugu:

Allatseqarfik qulingiluanik ataatsimiititalianut allatseqartoq, allaffimmi pisortaq ningioralugu ilannguffigissavat. Tunngavilimmik, kinaassusersiunngitsumik qaffasissumillu ataatsimiititaliap suliassaqarfiisa iluani Inatsisartut ilaasortaannut siunnersortitut sullissineq, Inatsisartut ataatsimiititaliaasa ilaannut allatsitut ilinniarsimasutut, pingaarnertut suliassarissavat. Tamanna isumaqarpoq, ilaatigut ataatsimiititaliap ataatsimiinnissaanut oqaluuserisassat, atortussat, isumaliutissiissutit aamma tusagassiorfinnut nalunaarutit kiisalu siunersiuinerit, pulaarnerit aamma nunatsinni, Danmarkimi nunaniluunniit allani angalanerit pilersaarusiorlugillu ingerlannissaanut suliaqartassallutit. Ataatsimiititaliat ataatsimiinneri suliaallu pingaarnertut kalaallisut ingerlanneqartarput, taamaammat qallunaatut oqaaseqartunut ataatsimiititaliat tamarmik immikkut oqalutseqartinneqarput.

Politikikkut sulinerup nikerartuunera pissutigalugu atorfik namminersorfiusorujussuuvoq. Taamaammat aqqutaani suliassat ilikkagaqarfigiuarnissaannut paasiniaasarnissamullu sulinermi ingerlariaaseqarnissamut piareersimanissaq pingaaruteqarpoq.

Kissaatigissagaluarparput inatsisilerinermik tunuliaquteqarnissat, kisianni sumilluunniit ilisimatusarfimmit ilinniagallit tamarmik qinnuteqarnissaminnut tikilluaqqusaapput. Inatsisilerituujuguit inatsisilerinermik suliaqartut (Inatsisissanik Nalilersuisarfimmi), Inatsisartut sinnerlugit inatsisissatut siunnersuutit pitsaassusiannik qulakkeerinnittartut suleqatigissavatit.

Piffissaq nalinginnaasumik suliffiusoq sapaatip akunneranut nalunaaquttap akunnerinik 40-nik sivisussuseqarpoq, taamaattorli piffissat ilaanni qaangiuttuungaatsiartarnissaq naatsorsuutigineqassaaq.

Neqeroorutigaagut:

·         Avatangiisit suliamik annertuumik ilisimasaqarfiusut ineriartortitsinermillu pingaartitsiviusut

·         Suleqatit misilittagaqarluartut tunniusimasullu persuarsiunngitsumik ataatsimooqatiginerat

·         Suliassat pissanganartut assigiinngisitaartullu

·         DJØF-ip aammalu Inatsisartut Siulittaasoqarfiata akornanni isumaqatigiissut atuuttoq naapertorlugu akissarsiat atorfinitsinneqarnermilu pissutsit assut orniginartut.

·         Atorfininnermi soraarnermilu angalanermut akiliunneqarneq

·         Pequttat nuunneri inissiarlu (pequtsersugaanngitsoq).

Kiisalu assersuutigalugu Folketingimi ministereqarfimmilu attuumassuteqartumi paasisassarsiornissamut periarfissiisumik atorfeqarnermi ilinniaqqinnissaq neqeroorutigaarput. Taamatuttaaq neqeroorutigaagut suliffimmi avatangiisit naalakkersuinikkut aalajangiisartut qanimut persuarsiornanngitsumillu attaveqarfigineqarnerannik imaqartut kiisalu suleqatit tunniussimasut misilittagartuullu.

Illit pillutit:

Ataatsimiititaliamut allatsitut ilinniagartuutut pingaartinneqartut tassaapput:

·         Attuumassuteqartumik ilinniagartuutut (kandidat) ilinniagaqarsimanissat

·         Qajannaatsuullutillu suliassanik suliarinninnermi namminersorsinnaassuseqarluarnissat.

·         Sulianut pikkorissuunissat politikikkullu suleriaatsinik qanimut suliaqarnissat soqutiginartillugu

·         Attaveqarnermi ingerlatitseqqinnissamut piginnaaneqarluarnissat aammalu kukkuneqanngitsumik allassinnaanissat

·         Allattoqarfimmi suleqatitit qanimut angusaqarusussusilimmillu suleqatigissagitit

·         Ulapaarfiusumi ullullu ilaanni sivisuumik suliffiusumi sulisinnaanissat.

Suliatigut ineriartortuarusussuseqarnissat pisortanilu ingerlatsiviit pillugit ilisimasaqarnissat pingaartipparput.

Inuttut ilakkuminartuussaatit, ammasoq, qajannaatsuullutit naammagittarsinnaalluartoq piumassuseqarluartorlu. Kalaallit Nunaanni pissutsit ilisimasaqarfiginissaat aamma allami pisortani sulisutut misilittagaqarneq iluaqutaassapput.

Malugalugu politikimut tunngasutigut sammisaqaraanni tamanna atorfimmut naleqqutinngimmat.

Atorfininneq: 1. oktobari 2023 isumaqatigiissutigaluguluunniit.

Qinnuteqarnissamut killiliussaq: 18. septembari 2023.

Qinnuteqaat:

Suiaassuseq, kikkunnit kingoqqisuuneq, sunik upperisaqarneq innarluuteqarnerluunniit apeqqutaatinnagit naligiissitsinermik siuarsaanissaq Inatsisartut Allattoqarfiata kissaatigaa. Taamatuttaaq inuunermik misilittagaqarneq inuttullu inerisimassuseq iluaqutaassapput.

Qinnuteqaammut ilannguteqquneqarput CV-t soraarummeersimanermullu uppernarsaatit, taakkununngalu ilanngullugit karakterit allattorsimaffii uungalu nassiuteqquneqarlutik:

Inatsisartut Allattoqarfiat

Postboks 1060, 3900 Nuuk Grønland

mailikkulluunniit uunga inatsisartut@inatsisartut.gl

Pisortani atorfigisamit allamit sulinngiffeqarnissamut periarfissaq:

Naalagaaffimmi imaluunniit Danmarkimi kommunimi atorfeqarpit? Naalagaaffimmi atorfillit aammalu AC-mik isumaqatigiissut arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Sulinngiffeqarneq pillugu aalajangersakkami aamma ilaatinneqarput katissimallugu aapparisaq inooqatigisarluunniit. Aamma eqqumaffigineqassaaq Namminersorlutik Oqartussani atorfinitsinneqarnermut atatillugu akissarsiaqarnani sulinngiffeqarnissamut qinnuteqaatit akuersaartaqqullugit nunami namminermi pissutsinut ministereqarfiup kommuninut nunallu immikkoortuinut kaammattuutigisimammagu.

Paasisaqarnerorusukkuit:

Inatsisartut aamma Inatsisartut Allattoqarfiat pillugu www.inatsisartut.gl alakkarlugu paasisaqarnerusinnaavutit.

Apeqqutissaqaruit Allaffimmi pisortaq Mikaela Augustussen oqarasuaat 34 61 26 -mut imaluunniit mika@ina.alla.gl -ikkut attaviginissaanut tikilluaqqusaavutit.