Inatsisartut Allattoqarfiat ataatsimiititalianut allatsimik ilinniagartuumik/ imaluunniit aamma inatsisilerituumik/ cand.merc.aud.-itut assigisaannilluunniit ilinniagalimmik Kukkunersiuinermut Ataatsimiititaliamut sullissisussamik Inatsisartullu Allattoqarfianni suliffeqarfimmi nukittuumik aaqqissuussami suleqataasinnaasumik pissarsiorpoq
Pissarsiorpugut
Ataatsimiititalianut allatsimik ataatsimik arlalinnilluunniit inatsisilerituutut aningaasaqarnermulluunniit tunngasumik (soorlu cand.merc.aud.-itut assigisaanilluunniit) tunuliaqutaqarluni/-tik Kukkunersiuinermut Ataatsimiititaliamik aammalu Aningaasaqarnermut Akileraartarnermullu Ataatsimiititaliamut sullissisinnaasumik/-sunik.
Ataatsimiititalianut allatseqarfimmi ataatsimiititaliat suliassaqarfiisa iluini Inatsisartunut ilaasortanut kinaassusersiunngitsumik, arlaannaannulluunniit attuumassuteqanngitsumik aammalu suliamut ilisimasaqassuseqartumik siunnersuinermik suliaqarpugut. Suliassat assigiinngitsorpassuupput, soorlu ataatsimiititaliat ingerlataannut atatillugu suliassat nalinginnaasut, isumaliutissiissutissanut missingiusiornerit kiisalu ataatsimiititaliamit allakkat kiisalu ataatsimiititaliap ataatsimiinnissaanik angalanissaanillu pilersaarusiornerit taakkunanilu peqataanerit.
Ataatsimiititalianut allatseqarfimmi suleqataassaatit, tassanilu arlalinnik allanik suliassaqartarpoq, tassunga ilanngullugu assersuutigalugu ilaasortat siunnersuutaannik suliarinninnermi ikiuuttassallutit. Kiisalu inatsisilerituujuguit Inatsisissanik Nalilersuisarfimmi suleqataanissat naatsorsuutigisariaqarpat.
Namminersorlutit suliassanik ingerlatsisinnaanissat aammalu Inatsisartut ataatsimeeriaasiannik suleriaasiinillu malinninnissamut piareersimanissat pingaartipparput. Ingerlatitseqqinnissamut allaaserinninnermi oqaasertalersuinissamullu pitsaalluinnartumik piginnaaneqarnissat naatsorsuutigaarput. Inuttut nukittuujunissat sunniuteqarsinnaassuseqarnissallu aammalu nammineersinnaassuseqarnissat suliffeqarfimmilu naalakkersuinikkut aqunneqartumi sulinissami qanilaartuunissat pisariaqarpoq.
Piffissat ilaanni annertuumik suliaqartarnissaq atorfimmi naatsorsuutigineqarpoq. Piffissanik tunniussivissanik malinnissinnassaatit sukkasuumillu sulinissamut piareersimassallutit, pingaartumik ukiakkut ataatsimiinnerit nalaanni.
Akerlianik neqeroorutigaagut suliffimmi avatangiisit naalakkersuinikkut aalajangiisartut qanimut persuarsiornanngitsumillu attaveqarfigineqarnerannik imaqartut aningaasarsiaqarnermullu tunngasut unammillersinnaassuseqartut kiisalu pisariaqarpat atorfininnermi soraarnermilu angalaneq, pequttat nuunneri inissiarlu (pequtsersugaanngitsoq).
Atorfeqarnermi ukiut marluk siulliit ingerlaneranni Folketingimi ilinniariarnissamut periarfissaq aallaavittut neqeroorutigaarput.
Malugeqquneqarpoq taassuminnga atorfeqassagaanni naalakkersuinikkut soqutigisanik ingerlatsisoqarsinnaanngimmat qanittukkulluunniit ingerlatsisoqarsimassanani.
Suiaassuseq, suminngaanneerneq, upperisaq innarluuteqarnerluunniit apeqqutaatinnagit naligiissitaanerup siuarsarneqarnissaa Inatsisartut Allattoqarfiannit kissaatigineqarpoq.
Pisortani atorfimmit allamit allaffissornikkut misilittagaqarnissaq iluaqutaassaaq piumasaqaataananili.
Atorfininneq: 1. marts 2025 isumaqatigiissuteqarnikkulluunniit.
Qinnuteqarnissamut killiliussaq: 15. januar 2025
CV-t soraarummeersimanermullu uppernarsaatit tamaasa, ilinniagaqarnermi angusat qaffasissusaannut nalunaarsuutit ilanngullugit qinnuteqaammut kajumittumut ilannguteqquneqarput.
Danmarkim sulinngiffeqarallarnissamut periarfissat
Naalagaaffimmi atorfillit aammalu AC-mik isumaqatigiissutit arlallit malillugit atorfeqartinneqartut Namminersorlutik Oqartussani atorfinitsinneqarnermut atatillugu akissarsiaqarnatik sulinngiffeqarsinnaatitaapput. Kiisalu Kalaallit Nunaanni Namminersorlutik Oqartussani atorfininnermut atatillugu aningaasarsiaqarani sulinngiffeqarnissamik qinnuteqaatit akuersaartumik pissuseqarfigineqartarnissaannik Nunamut Namminermut Ministereqarfik kommuninut nunallu immikkoortuinut kaammattuuteqarpoq. Sulinngiffeqarsinnaatitaaneq pillugu aalajangersakkat katissimallugu aapparisamut/inooqatigisamut Namminersorlutik Oqartussani atorfinitsinneqartumut aamma atuupput.
Paasisaqarnerujumaguit
Paasissutissat annertunerusut nittartakkatsinni imaluunniit allaffimmi pisortamut Mikaela Augustussenimut saaffiginninnikkut pissarsiarisinnaavatit
Tlf.: +299 34 61 26
E-mail: mika@ina.alla.gl
Inatsisartut
Postboks 1060
3900 Nuuk – Grønland
Tlf. +299 345000