Samling
6. maj 2002 FM 2002/5
I medfør af Forretningsordenen for Grønlands Landsting § 32, stk. 1 fremsætter jeg følgende beslutningsforslag:
Forslag til landstingsbeslutning om ændring af projektforudsætningerne for FL-konto 87.72.10. Personaleboliger i Nuuk
(Landsstyremedlemmet for Boliger og Infrastruktur)
Landsstyret har ansøgt Landstingets Finansudvalg om ændring af projektforudsætningerne, og om en forøgelse af bevillingsrammen på kr. 2,5 mio. kr. i forbindelse med opførelse af personaleboliger i Nuuk.
Finansudvalget henviste sagens videre behandling til Landstinget, da sagen var af såvel principiel karakter samt beløbsmæssigt omfattende.
Det er på denne baggrund, at Landsstyret hermed fremlægger sagen til Landstingets behandling.
Med finanslov 2001 besluttedes det at opføre personaleboliger fordelt på 2 projekter i Nuuk ved Dr. Ingrids Hospital på i alt 93 boliger til 113 mio. kr.
Det ene projekt er nyopførelse af 77 boliger i boligblokke.
Det andet projekt er nedrivning af eksisterende bygning, som er saneringsmoden og opførelse af en ny bygning med 16 boliger.
Projekteringen af de to projekter gennemførtes i 2001, og det viste sig, at det samlede boligantal man kunne bygge ikke svarede til de antal, som er optaget i finansloven.Dette var årsagen til, at Landsstyret ansøgte finansudvalget om at godkende opførelse af sammenlagt 75 boliger til 115,5 mio. kr. i stedet for 93 boliger til 113 mio. kr..
Mit landsstyreområde har efterfølgende sammen med de tekniske rådgivere revurderet projekterne og foretaget forskellige undersøgelser med henblik på fremlæggelse af alternative muligheder for Landstinget.
Det ene projekt, som omfatter opførelse af 77 boliger i boligblokke har således været grundigt genovervejet. Det må konstateres, at dette ikke er en realistisk mulighed. Det vil derimod være muligt at ændre projektet til at omfatte 71 boliger. Dersom antallet på 77 boliger fastholdes, vil det i givet fald blive nødvendigt med en total omprojektering med deraf følgende betydelige ekstraomkostninger og forsinkelser, som ikke vil stå i forhold til tilførelse af yderligere 6 boliger.
Som nævnt i min indledning består det andet projekt i nedrivning af eksisterende bygning og genopførelse af en nybygning på grunden. Det er ikke muligt at indpasse 16 boliger i denne ramme. Det foreliggende projekt, er indrettet som fleksible boliger, der valgfrit efter behov vil kunne indrettes fra 7 til 12 lejligheder, og her er der valgt 12 lejligheder. Det er samtidig vurderet, at den tidligere ansøgte bevillingsforøgelse på 0,5 mio kr. ikke er nødvendig.
Set under ét viser undersøgelserne, at der kan opføres samlet 83 boliger til i alt 115 mio. kr. ved Dronnings Ingrids Hospital. 83 personaleboliger, som der er stor brug for og som er beliggende centralt i Nuuk i nærheden af de offentliges arbejdspladser.
Med disse bemærkninger søger Landsstyret om Landstingets tilslutning til, at vedlagte budgetbidrag på 2 mio. kr. optages i Landstingets Tillægsbevillingslov for 2002.
Jeg skal iøvrigt henvise til den tekniske redegørelse, der er omdelt i forbindelse med dette punkt.
-
Udover dette skal jeg orientere Landstinget om, at opførelsen af de 71 boliger medfører, at den bygning hvori Qaqiffik/Frederiksberg Centeret har til huse vil blive nedrevet. Der bliver således tale om en følgeomkostning til genhusning. Det er ikke endeligt afklaret, hvorledes genhusningen kan ske.
Der kan blive tale om køb og ombygning af en eksisterende bygning eller om opførelse af en nybygning. Der vil desuden blive behov for en midlertidig genhusning i form af leje af en bygning, indtil den endelige løsning foreligger.
Anlægsomkostningerne til nybyggeri eller køb/ombygning skønnes at være 8-9 mio kr. En midlertidig genhusning forventes at ville koste ca. 60.000,- kr/måned. Efter en nærmere afklaring af disse forhold vil Direktoratet for Sundhed indprioritere de nødvendige udgifter i FFL 2003.
-
Dersom Landstinget godkender dette oplæg, vil de 12 boliger umiddelbart kunne udbydes og byggeriet vil kunne indledes i august 2002.
De 71 boliger skal gennem en omprojektering og vil kunne udbydes til august med henblik på fysisk opstart i 2003. Denne tidsmæssige forskydning får ingen indflydelse på ibrugtagningstidspunktet, som fortsat vil være 2004/05.
6. maj 2002 UPA 2002/5
Inatsisartut suleriaasianni § 32, imm. 1 naapertorlugu aalajangiiffigisassatut ima siunnersuuteqarpunga:
Aningaasanut inatsimmi kontumut 87.72.10-mut, Nuummi sulisunut inissiat, suliassat tunngavigisaata allanngortinneqarnerat pillugu Inatsisartut aalajangiiffigisassaattut siunnersuut
(Ineqarnermut, Attaveqarnermut Pilersuinermullu Naalakkersuisoq)
Naalakkersuisut Inatsisartut Aningaasaqarnermut ataatsimiititaliaat qinnuteqaateqarfiginikuuaat suliassamut pineqartumut tunngavigisat allanngortinneqassasut, aammalu Nuummi sulisunut inissialiornissamut atatillugu aningaasaliissutigineqareersut 2,5 mio. kr.-inik ilaneqassasut.
Aningaasaqarnermut ataatsimiititaliap suliap ingerlateqqinnissaa Inatsisartuni oqaluuserisassatut innersuussutigaa, tamatumani pineqartoq tunngavissiisuullunilu aningaasartuutissatigut annertugineqarmat.
Naalakkersuisullumi suliassaq matumani pineqartoq Inatsisartunut tamanna tunngavigalugu oqaluuserisassanngortippaat.
2001-imut Aningaasanut inatsimmut atatillugu aalajangiunneqarpoq sulisunut inissiat katillugit 93-it suliassanut arlariinnut immikkoortut Nuummi Dronning Ingridip Napparsimmavissuata eqqaani sanaartorneqassasut 113 mio. kr.-inik aningaasaliiffigineqartut.
Suliassap aappaa tassaavoq inissiat nutaat 77-it blokkini sananeqassasut.
Aappaa tassaavoq blokkimik pioreersumik piiagassaalersumillu piiaanissaq, taamatullu tassani inissianik nutaanik 16-inik sanaartortoqarnissaa.
Suliassat taakku marluk pilersaarusiornerat 2001-imi ingerlanneqarpoq, tassanilu paasinarsivoq inissiat sanaartorneqarsinnaasut amerlassusissaat Aningaasanut inatsimmi taaneqartut malillugit sanaartorneqarsinnaassanngitsut.
Naalakkersuisullu Aningaasaqarnermut ataatsimiititaliamut tamanna pissutigalugu qinnuteqaateqarput inissiat katillugit 75-it 115,5 mio. kr.-inik naleqartussat sanaartorneqarsinnaanissaat akuereqqullugu, pilersaarutaareeraluartutut inissiat 93-it 113 mio. kr.-inik naleqartussat pinnagit.
Naalakkersuisoqarfimmalu suliassat pineqartut teknikikkut siunnersuisartut peqatigalugit tamatuma kingorna nutaamik nalilersorpai assigiinngitsunillu misissuilluni, tamatumani Inatsisartunut allatigut periarfissaasinnaasunik saqqummiussisoqarsinnaanissaa siunertaralugu.
Suliassap aappaa blokkini inissianik 77-inik sanaartortoqarnissaanik imaqartoq taamaasilluni nutaamik sukumiisumillu nalilersuiffigineqarpoq. Tassanilu paasinarsivoq pineqartoq periarfissatut piviusorsiornerunngitsoq. Akerlianillu periarfissaatinneqarpoq inissiat 71-it sanaartorneqarsinnaanissaat. Inissiammi 77-iunissaat aalajangiusimaannarneqassappat suliassaq nutaarluinnarmik pilersaarusioqqinneqartariaqassaaq ikinngeqisunik immikkut aningaasartuuteqarfiusumik kinguaattoorfiusussamillu, taamatullu inissiat arfinillit saniatigut sanaartorneqarsinnaanissaannut naapertuunnavianngitsunik.
Soorlu aallarniummi taaneqareersutut suliassap aappaa tassaavoq pioreersumik piiaasoqarlunilu sumiiffimmi pineqartumi nutaamik nappaasoqarnissaa. Tassanilu inissiat 16-it uiggiunnissaat inissaqartinneqarnavianngilaq. Suliassatut pilersaarutaareersut malillugit inissiat naapertuussaruminartutut aaqqissuussat, pisariaqartitsineq malillugu blokkimi tassani arfineq-marluussanersut imaluunniit aqqaneq-marluk angullugit amerlassuseqartinneqassanersut toqqarneqarsinnaassaaq, matumanilu aqqaneq-marluunissaat taaneqarsimalluni. Ilutigalugulu nalilerneqarpoq qaavatigut 0,5 mio. kr.-inik aningaasaliissuteqaqqittoqarnissaanik qinnuteqaateqarsimagaluarneq pisariaqassanngitsoq atussallugu.
Misissuinerit ataatsimut takutippaat inissiat 83-it 115 mio. kr.-inik akeqartussat Dronning Ing-ridip Napparsimmavissuata eqqaani sanaartorneqarsinnaassasut. Tassalu sulisunut inissiat 83-it pisariaqartinneqaqisut, taamatullu Nuummi pisortat suliffeqarfiutaasa eqqaanni qitiusumik inissisimasussat.
Taamatut oqaaseqarlunga Inatsisartunut Naalakkersuisut sinnerlugit qinnuteqaatigaara missingersuutinut ilanngussassaq 2 mio. kr.-inik aningaasartalik ilanngunneqartoq Inatsisartut 2002-mut ilassutitut aningaasaliissutinut inatsisissaannut ilanngunneqassasoq.
Matumanissaaq teknikimut tunngasunik nassuiaasiaq inassutigissavara, oqaluuserisassamut matumunnga atatillugu agguaanneqartoq.
Aammattaaq Inatsisartunut ilisimatitsissutigissavara inissiat pineqartut 71-it napparneqarnissaasa kingunerissammagu Qaqiffiup maanna illutaata piiarneqarnissaa. Taamaasilluni nutaamik illusitinneqarnissaanut atatillugu malitsigisaasunik aamma aningaasartuuteqartoqartussaassaaq. Sulili aaqqiivigineqanngilaq nutaamik illusititsinissaq qanoq aaqqinneqassanersoq.
Imaassinnaavoq illumik pioreersumik pisisoqarlunilu nutarterisoqartoq imaluunniit nutaarluinnarmik sanasoqartoq. Taassumalu saniatigut inaarutaasumik aaqqiissuteqartoqarnissaata tungaanut illumik utaqqiisaagallartumik attartortoqartariaqassaaq.
Nutaamillu sanaartortoqarnissaanut imaluunniit pisisoqarnissaanut/nutarterisoqarnissaanut aningaasartuutissat 8-9 mio. kr.-iussangatinneqarput. Utaqqiisaagallartumillu illusisitsinissaq ilimagineqarpoq qaammammut 60.000 kr.-inik akeqarumaassasoq. Pineqartut pillugit erseqqinnerusumik aaqqiissuteqarnissaq Peqqinnissamut Pisortaqarfiup 2003-mut Aningaasanut inatsisissatut siunnersuutissamut atatillugu tulleriiaarinermut ilanngukkumaarpaa.
Matumani siunnersuut Inatsisartut akuersissutigissappassuk inissiat pineqartut aqqaneq-marluk suliarinnittussarsiuunneqarsinnaalissapput, sanaartornerlu 2002-mi aggustip qaammataani aallarnerneqarsinnaassalluni.
Inissiat allat 71-it pineqartut nutaamik pilersaarusiuunneqassapput, taamatullu aggustip qaammataani suliarinnittussarsiuunneqarsinnaassallutik 2003-mi sanaartornissaat siunertaralugu. Taamatut piffissaliussat nikinnerat pineqartut atulersinnaanissaannut sunniuteqarnavianngilaq, suli naatsorsuutaammat tamanna 2004/05-imi pissasoq.