Samling

Forslag til Landstingsbeslutning om at Landsstyret pålægges at ændre gældende regler på uddannelsesstøtteområdet, således at alle udeboende uddannelsessøgende får samme stipendiesats.

(Landstingsmedlem Johan Lund Olsen, Inuit Ataqatigiit)

(1.    behandling)

 

Forslagsstilleren Landstingsmedlem Johan Lund Olsen, Inuit Ataqatigiit har formuleret sit beslutningsforslag klart og tydeligt, idet han påpeger, at man i forbindelse med udarbejdelsen af bekendtgørelsen til lovgivningen på uddannelsesstøtteområdet, ikke har skelet nok til de faktiske forhold på området.

 

Uden at gentage forslagsstillerens begrundelser for forslaget, skal vi med hensyn til ændringsforslaget - der går ud på at udeboende uddannelsessøgende i fremtiden behandles ligeligt - udtrykke Inuit Ataqatigiits fulde opbakning. Det kan nemlig ikke være rigtigt, at bekendtgørelsen er blevet formuleret således, at når uddannelsessøgende under uddannelsesforløbet flytter ind i egen bolig eller flytter ind et sted som ikke er et egentligt kollegium, ikke kan få reguleret deres uddannelsesstøtte i forhold til deres nye boligsituation.

 

Vi er fra Inuit Ataqatigiits side glade for, at Direktoratet for Kultur, Undervisning, Forskning og Kirke allerede er gået i gang med at vurdere indholdet af bekendtgørelsen af 1. august 2005, således bekendtgørelsen - der generelt ellers er god nok - kan blive endnu bedre.

 

Med tak til Landsstyrets svarnotat, skal vi udtrykke vores opbakning til, at Landstingsmedlem Johan Lund Olsens forslag, viderebehandles i det relevante udvalg.

Ilinniagaqartut angajoqqaaminni najugaqanngitsut ilinniagaqarnersiutinik assigiimmik annertussuseqartunik tamarmik pisaleqqullugit ilinniagaqarnersiutit pillugit maleruagassanik atuuttunik allannguinissamik Naalakkersuisut peqquneqarnissaannik inatsisartut aalajangiiffigisassaattut siunnersuut.

(Inatsisartuni ilaasortaq Johan Lund Olsen, Inuit Ataqatigiit)

 

Siunersuuteqartup tunngavilersuutimini ersarilluinnartumik nassuiarpaa, ilinniagaqarnersiutit malittarisassiuunneqarneri, ilinniagaqartut assigiinngitsut aningaasarsiaqartinneqarnermikkut assigiinngitsunik, pissutsinut piviusunut ilaatigut tulluarsagaavallaarsimanngitsut.

 

Siunnersuuteqartup nassuiaatai uteqqinngikkaluarlugit, allannguutissatut siunnersuutigisaa, tassalu ilinniagaqartut angerlarsimaffiup avataani najugallit assigiimmik pineqartalernissaat, Inuit Ataqatigiinniit tamakkiisumik taperserparput. Eqqortuusinnaanngilarmi aalajangersagaasimasut peqqutaallutik, ilinniagaqartut ilinniagaqarnermi nalaani namminerisamik, imaluunniit inissiamik ilinniartunut inigititaanngitsunut inissinnerminni, akiliisinnaassusiat tulluarsaaffigineqarsinnaassanngippat.

 

Inuit Ataqatigiinniit nuannaarutigaarput, Kultureqarnermut, Ilinniartitaanermut, Ilisimatusarnermut Ilageeqarnermullu Pisortaqarfik, Nalunaarummut 1. august 2005-meersumut nalilersuillutik aallartereersimammata, taamaasillunimi ilinniagaqarnersiuteqartitsisarneq suli pitsanngorsarneqarnissaa isumagineqarsinnaaniassammat..

 

Naalakkersuisup akissuteqaataanut qujalluta, Johan Lund Olsen-p siunnersuutaa ataatsimiisitaliamut susassaqartumut ingerlateqqipparput.