Samling

18. maj 2006                                                                                                              FM 2006/60

 

 

 

BETÆNKNING

 

Afgivet af Landstingets Lovudvalg

 

vedrørende

 

Forslag til landstingsbeslutning om, at Landsstyret pålægges at indføre administrative procedurer, der sikrer, at borgere opfordres til at registrere sig på valglisten i forbindelse med et midlertidigt ophold udenfor Grønland.

 

Afgivet til forslagets 2. behandling

   

Landstingets Lovudvalg har under behandlingen bestået af:

 

Landstingsmedlem Vittus Mikaelsen, Siumut (fg. formand)

Landstingsmedlem Agnethe Davidsen, Siumut

Landstingsmedlem Godmand Rasmussen, Atassut

Landstingsmedlem Jens B. Frederiksen, Demokraterne

Landstingsmedlem Ane Hansen, Inuit Ataqatigiit (suppleant)

Landstingsmedlem Lene Knüppel, Demokraterne (suppleant)

Landstingssuppleant Isak Davidsen, Siumut (suppleant)

 

Vælgere, som midlertidigt tager bopæl uden for Grønland, mister ikke nødvendigvis deres ret til at stemme eller stille op til et landstingsvalg. Visse vælgergrupper har mulighed for at bevare denne ret, hvis blot vælgeren de seneste 2 år forud for flytningen har været tilmeldt folkeregisteret i Grønland. Det gælder navnlig vælgere, der midlertidigt har bosat sig uden for Grønland for at uddanne sig eller af helbredsmæssige årsager, samt de ægtefæller og faste samlevere, der er fulgt med.

 

Sådanne vælgere kan optages på valglisten i den kommune, hvor de sidst har været tilmeldt det grønlandske folkeregister. Optagelse på valglisten sker ved ansøgning herom til den pågældende kommunes valgbestyrelse. Optagelse på valglisten har virkning i 2 år. Perioden kan dog forlænges ved fornyet ansøgning.

 

Ansøgning om optagelse på valglisten skal fremsendes i god tid inden et landstingsvalg. Retten til at stemme eller stille op til et landstingsvalg er nemlig betinget af, at den pågældende vælger seneste 6 uger før valgdagen er optaget på valglisten.

 

Når der udskrives valg til Landstinget, informerer Grønlands repræsentation i København ("Danmarkskontoret") Grønlænderhusene, Grønlænderhjemmet, samt relevante sygehuse og uddannelsesinstitutioner om valgets udskrivelse, den fastsatte valgdato samt muligheden for at brevstemme. Oplysningerne bekendtgøres så på de pågældende institutioner ved opslag eller lignende. Med informationerne fra Danmarkskontoret følger også blanketter til ansøgning om optagelse på valglisten.

 

Hvis man ikke allerede inden et landstingsvalgs udskrivelse er optaget på valglisten, kan det dog i praksis vise sig vanskeligt at nå at blive tilmeldt i tide - d.v.s. senest 6 uger før valgdagen. Forslagsstiller foreslår derfor, at borgerne i forbindelse med flytning fra Grønland skal opfordres til at søge optagelse på valglisten.

 

Lovudvalget finder principielt, at borgerne skal sikres en reel mulighed for at udøve deres demokratiske rettigheder - også under midlertidige ophold uden for Grønland. Dette forudsætter, at vælgere, der midlertidigt bosætter sig uden for Grønland, informeres om muligheden for at bevare retten til valgdeltagelse. Udvalget kan derfor tilslutte sig intentionerne bag forslaget.

 

Spørgsmålet er så blot, hvordan landstingsbeslutningen i givet fald skal implementeres.

 

Umiddelbart kunne det måske virke oplagt at lade folkeregistrene udsende en informationsfolder til alle, der meddeler flytning ud af landet.  Landsstyret anfører imidlertid i sit svarnotat, at folkeregistrering er en statsopgave, der løses af kommunerne, og at Landsstyret ikke har mulighed for at pålægge Staten eller kommunerne at varetage informationsopgaver for Hjemmestyret. Lovudvalget har noteret sig dette.

 

Lovudvalget har dog også noteret sig, at Landsstyret er åben over for at lade KIIIP udsende informationsfoldere til studerende, der står over for at skulle påbegynde studier uden for Grønland. Netop studerende må antages at udgøre hovedparten af de borgere, der midlertidigt bosætter sig uden for Grønland.

 

Et flertal i Lovudvalget bestående af Siumut, Demokraterne og Atassut finder dog, at informationsfolderne bør udformes på en sådan måde, at de ikke kun har studerende som målgruppe. Også andre end studerende vil kunne få glæde af informationsfolderne, hvis de samtidig indgår i det informationsmateriale, som besøgende i Grønlænderhusene frit kan forsyne sig med. Det forekommer også oplagt at distribuere folderne til f.eks. kommunekontorer og biblioteker her i landet. På den baggrund opfordrer udvalgsflertallet Landsstyret til at overveje at lade Landsstyrets Informationskontor stå for informationsopgaven.

 

Et flertal i Lovudvalget bestående af Siumut, Demokraterne og Atassut indstiller med disse bemærkninger forslaget til vedtagelse.

 

Et mindretal i Lovudvalget bestående af Inuit Ataqatigiit finder ligesom udvalgsflertallet, at borgere, som midlertidigt fraflytter vort land, og som i henhold til gældende lovgivning har ret til at deltage i landstingsvalg, også skal sikres en realistisk mulighed for at udnytte denne ret. Landsstyret er opmærksom på problemstillingen, og er indstillet på at iværksætte forskellige informations-initiativer. Dette er betryggende.

 

Inuit Ataqatigiit lægger dog vægt på, at alle, der midlertidigt fraflytter Grønland, så vidt muligt informeres om muligheden for at bevare retten til valgdeltagelse. Dette forudsætter, at folkeregistrene involveres. Som påpeget af Landsstyret er folkeregistrering imidlertid en statsopgave. Inuit Ataqatigiit opfordrer derfor Landsstyret til at drøfte sagen med den danske regering.

 

Inuit Ataqatigiit finder det samtidig uhensigtsmæssigt, at grønlandske studerende reelt tvinges til at skifte folkeregisteradresse i forbindelse med studier i Danmark, for at kunne opnå sygesikring. Inuit Ataqatigiit opfordrer derfor Landsstyret til at lade også dette spørgsmål indgå i drøftelserne med den danske regering.

 

Med disse opfordringer indstiller Inuit Ataqatigiit forslaget til forkastelse.

 

Med disse bemærkninger skal Landstingets Lovudvalg overgive beslutningsforslaget til Lands­­tingets 2. behandling.

	Vittus Mikaelsen Fg. formand
Godmand Rasmussen		Jens B. Frederiksen
Ane Hansen		Isak Davidsen

 

18. maj 2006                                                                                                              FM 2006/60

 

Innuttaasut Kalaallit Nunaata avataani najugaqarallartut qinersisussat allattorsimaffianni nalunaarsorneqartarnissaannut kammattorneqaarnissaat pillugu Nalakkersuisut allaffissornikkut suleriaasissaanik atulersitseqqullugit peqquneqarnissaannik Inatsisartut aalajangiiffigisassaattut siunnersuut 

 

                                                                   pillugu

 

                          Inatsisartut Inatsisit Atortinneqarnerannut Ataatsimiititaliaata

 

                                                      ISUMALIUTISSIISSUTAA

 

siunnersuutip aappassaaneerneqarnerani saqqummiunneqartoq

   

Inatsisartut Inatsisit Atortinneqrnerannut Ataatsimiititaliaat suliarinninnermini ukuninnga inuttaqarpoq:

 

Inatsisartunut ilaasortaq Vittus Mikaelsen, Siumut (siulittaasuugallartoq)

Inatsisartunut ilaasortaq Agnethe Davidsen, Siumut

Inatsisartunut ilaasortaq Godmand Rasmussen, Atassut

Inatsisartunut ilaasortaq Jens B. Frederiksen, Demokraterne

Inatsisartunut ilaasortaq Ane Hansen, Inuit Ataqatigiit (sinniisussaq)

Inatsisartunut ilaasortaq Lene Knüppel, Demokraterne (sinniisussaq)

Inatsisartunut ilaasortamut sinniisussaq Isak Davidsen, Siumut (sinniisussaq)

 

Qinersisartut Kalaallit Nunaata avataani najugaqarallartut inatsisartunut qinersinissamut atatillugu taasisinnaatitaanerminnik imaluunnit qinigassanngortissinnaanerminnik pisinnaatitaafimminnik naliginnaasumik annaasaqarneq ajorput. Pisinnaatitaaffiup tamatuma pigiinnarnissaanut periarfissaq qinersisartut ilaannut atuuppoq, qinersisartoq kinaluunniit nuunnissani sioqqullugu ukiut kingulliit marluk Kalaallit Nunaanni inuit aqqisa allattorsimaffiannut nalunaarsimasimaguni. Tamanna qinersisartunut Kalaallit Nunaata avataani ilinniagaqarniarlutik imaluunniit peqqissutsimikkut pissuteqartumik nuussimasunut kiisalu taakku nuliaannut aalajangersimasumillu inooqataaannut malinnaasimasunut atuuppoq.

 

Qinersisartut taakku kommunimi tassani qinersisartut allassimaffiannut ilanngunneqarsinnaapput Kalallit Nunaanni inuit aqqisa allattorsimaffiannut kingullertut nalunaarsorneqarfigisaminni. Qinersisartut allassimaffiannut ilanngunneqarneq kommunimi pineqartumi qinersinermi siulersuisunut qinnuteqaateqarnikkut pisarpoq. Qinersisartut allassimaffiannut ilanngunneqarneq ukiunik marlunni atuuttarpoq. Taamaattoq nutaamik qinnuteqarnikkut piffissaaq sivitsorneqarsinnaavoq.

 

Inatsisartunut qinersinissaq sioqqulluarlugu qinersisartut allassimafiannut ilanngunneqarnissamik qinnuteqaat nassiunneqassaaq. Qinersisinnaatitaanermut pisinnaatitaaffik imaluunniit inatsisartunut qinigassanngortissinnaanerup piumasaqaatigaa ulloq qinersivik sap. ak. arfinilinnik sioqqullugu qinersisartoq pineqartoq qinersisartut allassimaffiannut ilanngunneqarnissimassasoq.

 

Inatsisartunut qinersinissamik nalunaaruteqartoqaraangat Kalaallit Nunaata Københavnimi sinniisoqarfianit ("Danmarkskontorip") Kalaallit Illui, Kalaallit angerlarsimaffii kiisalu napparsimaveqarfiit taakkununnga attuumassutillit aammalu ilinniartoqarfiit qinersinissamik  nalunaarutiginninneq, ulloq qinersiviusussaq kiisalu allakkatigut taasisinnaanermik periarfissat ilisimatitsissutigisarpai. Paasissutissat suliffeqarfinni pineqartuni allagarsiinikkut assigisaannilluunniit iliuuseqarnikkut saqqummiunneqartarput. Paasissutissanut danmarkskontorimeersunut malinnaatinneqartarputtaaq qinersisartut allassimffiannut ilanngunneqarnissamut qinnuteqaateqarnissamut immersuiffissiat.

 

Inatsisartunut qinersinissamik nalunaaruteqartoqarnera sioqqullugu qinersisartut allasimaffiannut ilanngunneqarsimanngikkaanni piffissaagallartillugu nalunaarnissaaq pissusiviusutigut ajornakusoorsinnaavoq - tassa ulloq qinersivissaq sap. ak. arfinilinnik sioqqullugu. Taamaammat siunnersuuteqartup siunnersuutigaa innuttaasut Kalaallit Nunaanniit nunnerminnut atatillugu qinersisartut allassimaffiannut ilanngutinneqarnissamut qinnuteqarnissaannik kaammattorneqartassasut.

 

Innuttaasut inuit tamat oqartussaaqataanerannut pisinnaatitaaffimminnik atuinissaminnik piviusumik periarfissaqarnissaata qulakkeerneqarnissaat Inatsisit Atortinneqarnerannut Ataatsimiititaliap tunngaviulluinnartutut isigaa - aamma Kalaallit Nunaata avataani najugaqarallarnerminni. Tamatuma tunngavissaatippaa qinersisartut Kalaallit Nunaata avataani najugaqarallartut qinersinermut peqataanissamut periarfissap pigiinnarnissaannik ilisimatinneqassasut. Taamaammat Ataatsimiititaliaq  siunnersuutip siunertaanut tapersiisinnaavoq.

 

Apeqqutaaginnalersussaq tassaavoq inatsisartut aalajangernerat qanoq ililluni atuuttunngortinneqassanersoq.

 

Inuit allattorsimaffii nunamiit nuunnermik nalunaaruteqartunut tamanut paasissutissanik quppersagaaqqanik nassiussuisinnaanerat immaqa periarfissatsialaasinnaavoq.  Naalakkersuisulli inuit allattorsimaffiinut nalunaarsuineq Naalagaaffiup suliassaqarfigisaa kommuninit naammassineqartartoq aammalu Namminersornerullutik Oqartussat paasissutissiisarnermik suliassaanik isumaginninneq Naalagaaffimmut Kommuninulluunniit isumageqqullugu peqqusinissamut Naalakkersuisut periarfissaqanngitsut akissuteqaatiminni allappaat. Inatsisit Atortinneqarnerannut ataatsimiititaliap tamanna maluginiarpaa.

 

KIIIP-ip ilinniagaqartunut Kalaallit Nunaata avataani ilinniakkamik aallartitsiniartunut paasissutissanik quppersagaaqqanik nassiussuisinneqarsinnaanera Naalakkersuisut ammaffigigaat Inatsisinik Atortitsinermut ataatsimiititaliap aammattaaq maluginiarpaa. Taamaammat Kalaallit Nunaata avataanut innuttaasunit nuukkallartunit ilinniagaqartut amerlanersaasutut isigineqartariaqarput.

 

Paasissutissanik quppersagaaqqanik ilusiliinissami ilinniagaqartuinnaanngitsut saaffigineqassasut Inatsisit Atortinneqarneranut Ataatsimiititaliami amerlanerussutillit Siumumit, Demokraatinit kiisalu Atassummit inuttaqartut isumaqarput. Aammataaq ilinniartuinnaanngitsut quppersagaaqqat paasissutissat iluaqutissarsiffigisinnnaavaat ilutigalugu Kalaallit illuisa paasissutissaataannut ilanngunneqarpata taamaalilluni  pulaartut akornuteqanngitsumik tigooqqaasinnaanngorlugit. Assersuutigalugu Nunami maani atuakkanik atorniartarfinnut kommunillu allaffiinut quppersagaaqqanik agguaasinnaaneq aamma periarfissatsialattut isigineqarsinnaavoq. Tamanna tunnngavigalugu Naalakkersuisut paasissutissiisarnermut allaffiata Tusagassiiviiup paasissutissiinermik suliaqarneq ingerlatissagaat Naalakkersuisunit eqqarsaasersuutigineqartariaqartoq Ataatsimiititaliami amerlanerussutillit kaammattuutigaat.

 

Taama oqaaseqaateqarluni Inatsisit Atortinneqarneranut Ataatsimiititaliami amerlanerussutillit Siumumit, Demokraatinit kiisalu Atassummit inuttaqartut siunnersuut akuersissutigineqassasoq inassutigaat.

 

Innutaasut nunatsinnit nuukkallartut Inatsisartunut qinersinermi peqataanissamut pisinnaatitaafimminnik piviusumik periarfissaqarnissaat inatsit atuuttoq naapertorlugu Inatsisit Atortinneqarneranut Ataatsimiititaliami ikinnerussuteqartup Inuit Ataqatigiinneersup ataatsimiititaliami amerlanerussuteqartutulli qulakkeerneqartariaqartoq isumaqarpoq. Naalakkersuisut ajornartorsiut eqqumaffigivaat paasititsiniaanernillu assigiinngitsunik aallartitsinissamik suliniuteqalersaarlutik. Tamanna toqqissisimanartuuvoq.

 

Taamaattorli nunatsinniilli nukkallartut tamarmik qinersinermut peqataanissamut pisinnaatitaafimminnik periarfissaqarnerat sapinngisamik paasisitsiniutigineqassasasoq Inuit Ataqatigiit pingaartippaat. Taamali pisoqassappat inuit aqqisa allattorssimaffii akuutinneqartariaqarput. Inuilli aqqinik nalunaarsuineq Naalagaafimmut suliassaasoq Naalakkersuisunit oqaatigineqarpoq. Taamaammat pineqartoq danskit naalakkersuisuinut oqaloqatigiissutigineqassasoq Inuit Ataqatigiit Naalakkersuisunut kaammattuutigaat. Tamatuma peqatigisaanik sygesikringimik pissarsisinnaajumallutik kalaallit ilinniartut Danmarkimi ilinniarnerminnut atatillugu inuit nalunaarsorsimaffianni najukkamittut nalunaarsorsimasaminnik allanngotitsisariaqartarnerat Inuit Ataqatigiit naapertuutinngitsutut isigaat. Taamaattumik danskit naalagaaffiannik oqaloqateqarnermi apeqqut taanna ilannguteqqullugu Naalakkersuisut Inuit Ataqatigiinnit kaammattorneqarput.

 

Taama kaammattuuteqarluni siunnersuut itigartinneqassasoq Inuit Ataqatigiit inassutigaat.

 

Taama oqaaseqarluni Inatsisartut Inatsisit Atortinneqarnerannut ataatsimiititaliaata aalajangiiffigisassatut  siunnersuut Inatsisartunut aappassaaniigassanngortippaa.   

 

 

	Vittus Mikaelsen Siulittaasuugallartoq
Godmand Rasmussen		Jens B. Frederiksen
Ane Hansen		Isak Davidsen