Samling
Forslag til landstingsbeslutning om, at Landsstyret pålægges at arbejde for, at der på finansloven bliver afsat midler til indhandlingstilskud for skind af større sæler.
(Landstingsmedlemmerne Augusta Salling, Ellen Christoffersen, Jensine Berthelsen, Finn Karlsen og Jakob Sivertsen, Atassut)
Svarnotat
(Landsstyremedlemmet for Fiskeri og Fangst)
1. behandling
Atassuts landstingsgruppe har stillet forslag til landstingsbeslutning om, at der på finansloven for 2005 afsættes midler til indhandlingstilskud for skind af større sæler.
Forslaget begrundes i, at priserne på sælskind er meget svingende og følsomme for udsvingene på verdensmarkedet og at der derfor stadigvæk er behov for at yde tilskud til indhandling af sælskind.
Atassuts landstingsgruppe anfører endvidere, at selvom de arbejder for, at enhver form for erhvervsaktivitet gøres uafhængig af landskassefinansieret tilskud er tiden ikke moden til at reducere eller fjerne indhandlingstilskuddet til sælskind.
Jeg skal indledningsvis oplyse, at skal indhandlingstilskuddet til sælskind også omfatte skind af større sæler, vil dette sandsynligvis medføre øgede udgifter til den samlede indhandling og dermed øget behov for tilskud. Da indhandling af skind fra klapmyds, remmesæl og buksesæl på den nuværende finanslov ikke blev omfattet af bevillingen, var årsagen netop, at bevillingen skulle overholdes.
Det er Landsstyrets holdning, at samfundet skal være økonomisk selvbærende. Landsstyret har i den strukturpolitiske handlingsplan netop udstukket retningslinierne for, at vi skal have en mere selvbærende økonomi. Derfor har Landsstyret på nuværende tidspunkt ikke nogen planer om yderligere tilskud til fangererhvervet. Landsstyret vil vende tilbage til spørgsmålet, når den igangværende socioøkonomiske analyse af fangererhvervet er færdig i løbet af sommeren 2004.
Samtidig skal det meddeles, at der til enhver tid er mulighed for at indhandle skind fra store sæler på kommerciel basis, således at prisen afspejler den egentlige markedspris. Det vil sige uden at anvende tilskudsmidler fra finansloven. Sådanne ordninger foregår allerede i relation til skind fra isbjørn og andre skind, som ikke er omfattet af tilskudsbevillingen. Sådanne arrangementer foregår ved aftale mellem Great Greenland A/S og lokale indhandlere.
Great Greenland A/S har meddelt at der pr. 1. maj 2004 åbnes for indhandling af buksesælskind og skind af klapmyds på forsøgsbasis, uden indhandlingstilskud. Great Greenland vil følge tæt op på udviklingen. Åbning af nævnte sker efter adskillige henvendelser fra fangere, indhandlere og KNAPK.
På ovenstående baggrund indstiller Landsstyret forslaget til forkastelse.
Puisit anginerusut amiisa tapiissuteqalernissaat Inatsisartut aningaasanut inatsisaatigut qulakkeerneqaqqullugu Naalakkersuisut sulissutiginneqqullugit Inatsisartut aalajangiiffigisassaattut siunnersuut.
(Inatsisartunut ilaasortat Augusta Salling, Ellen Christoffersen, Jensine Berthelsen, Finn Karlsen aamma Jakob Sivertsen, Atassut)
Akissuteqaat
(Aalisarnermut Piniarnermullu Naalakkersuisoq)
Siullermeerneqarnera
Atassutip Inatsisartunut ilaasortaatitai puisit anginerusut amiisa tunineqartarneranni tapiissutinut 2005-imi Inatsisartut aningaasanut inatsisaanni aningaasanik immikkoortitsisoqarnissaanik siunnersuuteqarput.
Siunnersuut puisit amiinut akigitinneqartut allanngorarnerujussuannik aammalu nunarsuarmi niuerfinni allanngorarnernut misikkarinnerujussuannik kiisalu puisit amiinik tunisinermi tapiissutit pisariaqartinneqartuarnerannik tunngaveqartinneqarpoq.
Atassutip Inatsisartunut ilaasortaatitaasa aammattaaq taavaat inuussutissarsiutitigut suliniutit suugaluartulluunniit Nunatta Karsianit aningaasalersorneqartumik tapiiffigineqartarnerannik pisariaqartitsiunnaarnissaat sulissutigigaluarlugu puisit amiinik tunisinermi tapiissutit ikilisinneqarnissaannut peerneqarnissaannulluunniit suli piffissanngorsimanngitsoq.
Siullermik oqaatigissavara puisit amiinik tunisinermi tapiissutini aammattaaq puisit anginerusut amii ilanngunneqassappata tamatuma tunisanut tamarmiusunut aningaasartuutit amerleriarnerat taamalu tapiissutinik amerlanerusunik pisariaqartitsineq qularnanngitsumik kingunerissammagit. Natsersuit, ussuit aataarsuillu amiinik tunisineq massakkut aningaasanut inatsimmi aningaasaliissutini ilaatinneqanngimmat pissuterpiaavoq aningaasaliissutit maleruarneqarnissat.
Naalakkersuisut isumaqarput inuiaqatigiit aningaasaqarnikkut imminnut napatittariaqartut. Naalakkersuisut inuiaqatigiit aaqqissugaaneranut pillugu iliuusissatut pilersaarumminni aningaasaqarnikkut imminut napatinnerulernissatsinnut najoqqutassanik tikkuussaqareerput. Taamaattumik Naalakkersuisut maannakkuugallartoq piniarnermik inuussutissarsiuteqartunut saniatigut tapiissuteqarnissaminnik pilersaaruteqanngillat. Naalakkersuisut apeqqut uterfigeqqikkumaarpaat piniarnermik inuussutissarsiuteqarnermi aningaasaqarniarnerup inuttut atugarisanut sunniutigisartagaanik misissuineq 2004-mi aasap ingerlanerani naammassippat.
Tamatumunnga peqatigitillugu nalunaarutigineqassaaq puisit angisuut amiinik niuernermi nalinginnaasumik atugassarititaasut tunngavigalugit tunisinissamut sukkulluunniit periarfissaqarmat, taamaalilluni akigitinneqartut niuernermi akiviusunik tunngaveqarlutik. Tassa imaappoq aningaasanut inatsimmit tapiissutitut aningaasaliissutit atunngikkaluarlugit. Aaqqissuussinerit taamaattut nannut amiinut amminullu allanut, tapiissutitut aningaasaliissutini pineqanngitsunut, tunngatillugu ingerlanneqareerput. Aaqqissuussinerit taamaattut Great Greenland A/S-ip aammalu najukkani assigiinngitsuni amernik tigooraasut akornanni isumaqatigiissuteqarnikkut ingerlanneqarput.
Great Greenland A/S nalunaarpoq majip aallaqqaataa 2004 aallarnerfigalugu aataarsuit qarlillit amii aamma natsersuit amii misileraallutik tunisassiornissamut ammaallugit, tapiissutitaqanngitsumik. Misileraanerup ingerlanera Ammerivimmiit qanimut malinnaaffigeqqissaarneqassaaq. Pineqartunik ammaassineq pivoq piniartuniit, tigooraasuniit aammalu KNAPK-miit saaffiginnittarsimanerit tunngavigalugit.
Qulaani taaneqartut tunngavigalugit siunnersuut akuersaarneqassanngitsoq Naalakkersuisut inassutigaat.