Samling
25. april 2006
FM 2006/97
Niuernermut aamma teknikkimut tunngasunik qaffasinnerusumik soraarummeernerit pillugit inuussutissarsiutitigut ilinniarnertuunngorniarfinni ilinniartitaanernut inatsisip Kalaallit Nunaannut atuutilersinneqarsinnaanissaanut peqqussutissamut aalajangiiffigisassatut siunnersuut.
(Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisoq)
(siullermeerneqarnera)
Kalaallit Nunaanni ilinniarnertuunngorniarfinni malittarisassat Kalaallit Nunaata Danmarkillu akornanni ilinniartitaanermut aaqqissuussinermut tulluussartariaqartut Demokraatit aallaavittut isumaqatigaa.
Siunnersuutilli pitsaasumik isummerfiginissaanut ilinniarfinnit inuussutissarsiutilinillu ingerlatalinnit tusarniaanermi akissutit ajoraluartumik amigaatigaagut.
Tamakku saniatigut ilinniarfiit siunnersuummi pineqartut HTX-imik HHX-imik taagorneqartut suunersut pillugit eqqoriartariaqarput.
Taamaammat tamanna pillugu ersarinnerusumik KIIIP¿ip nassuiaateqarnissaa kissaatiginarpoq.
Sammisat imarisaat qanorlu inissisimaneri pillugit malittarisassat iluarsinissaat Naalakkersuisut suleqatigalugit nalunaarusiorneqartussaammata, Demokraatinit kissaatiginartipparput nalunaarusiap naammassineqannginnerani Kultureqarnermut Ilinniartitaanermullu Ataatsimiititaliap misissussagaa.
Taamaammat siunnersuutip aappassaaneernissaa aatsaat UKA06-imi pissasoq Demokraatit inassutigaat.
Taama oqaaseqarluta Demokraatinit inassutigaarput siunnersuutip aappassaaneerneqannginnerani KI-ataatsimiititaliamut ingerlatinneqassasoq.
Astrid Fleischer Rex
Demokraatit/Demokraterne