Samling
|
Anthon Frederiksen /Villy Olsvig Upa 2005/21-01 |
ulloq, 19. april 2005 |
Inissialiornermut tapersiissuteqartarneq pillugu Inatsisartut peqqussutaata allanngortinneqarneranik Inatsisartut peqqussutissaattut siunnersuutip siullermeerneqarnera.
Kattusseqatigiit sinnerlugit imaattumik oqaaseqarfigissuara: naluneqanngitsutut BSU aqqutigalugu illutaarsimasut arlallit Namminersornerullutik Oqartussanut ilaatigut annertoorujussuarnik akiitsoqarput, ilami ilaat ulluni makkunani eqqartuussiviit aqqutigalugit inigisaminniit anisitaanngujoorput. Taamaattumik inuit ilaqutariillu taamatut inissisimalersimasut ikiorserneqarnissaat avaqqukkuminaappoq, kisianni soorunami aamma innuttaasut sinnerlugit akisussaaqataasutut soqutiginarpoq paasissallugu, sooq-una ilaqutariit ilaat taama annertutigisunik pisortanut akiligassaqalertartut.
Tamanit ilisimaneqarpoq BSU aqqutigalugu illutaarsimasut akiligassaasa ernialersorneqarnerat qaffanneqarsimavoq, aamma ilisimaneqarpoq akiligassallit ilaasa suliffissaqannginneq imaluunniit inuutissarsiornikkut ajornartorsiuteqarneq pissutigalugu akiligassanik kinguaattoortarneq pinngitsoorsinnaasanngikkaat, taamaattumik Naalakkersuisunut apeqquteqaatigisariaqarpoq, kikkut-uku akiitsunik isumakkeerfigineqartariaqartut ? tassami aamma naluneqanngimmat ilaqutariit ilaat, naak ilaqutariit ilaat isertitakinnernut ilaangaluarlugik, taamaattoq naammattusaarineq atorlugu akilersuinerminnik ingerlatsilluartunik ilaqarmata, taamaattumillu akiitsoqalernissaminnik pinngitsoortitsisunik. Tamakku qanoq pitsaanerusumik periarfissinniarneqarpat ?
Mannalu aamma iluatsillugu innuttaasuit ilaannit soqutigineqarmat Kattusseqatigiinniit apeqqutiginiarparput BSU aqqutigalugu illut naliginnaasumik amerlanertigut ukiut 33-it isumaqatigiissut naapertorlugu akilersorneqartussat Bank-ikkoorlugu akiitsut sinneri akilerlugit pisiarineqarsinnaanerat qanoq periarfissaqarnersoq paaserusunneqarpoq.
Taamatut oqaaseqarlunga suliap aappassaanneerneqannginnerani Attaveqarnermut Ineqarnermullu Ataatsimiititaliami suliarineqarnissaa inassutingaara.
|
Anthon Frederiksen /Villy Olsvig Upa 2005/21-01 |
ulloq, 19. april 2005 |
Inissialiornermut tapersiissuteqartarneq pillugu Inatsisartut peqqussutaata allanngortinneqarneranik Inatsisartut peqqussutissaattut siunnersuutip siullermeerneqarnera.
Kattusseqatigiit sinnerlugit imaattumik oqaaseqarfigissuara: naluneqanngitsutut BSU aqqutigalugu illutaarsimasut arlallit Namminersornerullutik Oqartussanut ilaatigut annertoorujussuarnik akiitsoqarput, ilami ilaat ulluni makkunani eqqartuussiviit aqqutigalugit inigisaminniit anisitaanngujoorput. Taamaattumik inuit ilaqutariillu taamatut inissisimalersimasut ikiorserneqarnissaat avaqqukkuminaappoq, kisianni soorunami aamma innuttaasut sinnerlugit akisussaaqataasutut soqutiginarpoq paasissallugu, sooq-una ilaqutariit ilaat taama annertutigisunik pisortanut akiligassaqalertartut.
Tamanit ilisimaneqarpoq BSU aqqutigalugu illutaarsimasut akiligassaasa ernialersorneqarnerat qaffanneqarsimavoq, aamma ilisimaneqarpoq akiligassallit ilaasa suliffissaqannginneq imaluunniit inuutissarsiornikkut ajornartorsiuteqarneq pissutigalugu akiligassanik kinguaattoortarneq pinngitsoorsinnaasanngikkaat, taamaattumik Naalakkersuisunut apeqquteqaatigisariaqarpoq, kikkut-uku akiitsunik isumakkeerfigineqartariaqartut ? tassami aamma naluneqanngimmat ilaqutariit ilaat, naak ilaqutariit ilaat isertitakinnernut ilaangaluarlugik, taamaattoq naammattusaarineq atorlugu akilersuinerminnik ingerlatsilluartunik ilaqarmata, taamaattumillu akiitsoqalernissaminnik pinngitsoortitsisunik. Tamakku qanoq pitsaanerusumik periarfissinniarneqarpat ?
Mannalu aamma iluatsillugu innuttaasuit ilaannit soqutigineqarmat Kattusseqatigiinniit apeqqutiginiarparput BSU aqqutigalugu illut naliginnaasumik amerlanertigut ukiut 33-it isumaqatigiissut naapertorlugu akilersorneqartussat Bank-ikkoorlugu akiitsut sinneri akilerlugit pisiarineqarsinnaanerat qanoq periarfissaqarnersoq paaserusunneqarpoq.
Taamatut oqaaseqarlunga suliap aappassaanneerneqannginnerani Attaveqarnermut Ineqarnermullu Ataatsimiititaliami suliarineqarnissaa inassutingaara.