Samling
03. maj 2005 2005/102 Ane Hansen
Oqallisissiatut siunnersuut: Qanoq ilinikkut Kalaallit Nunaat nunarsuarmi inuussutissarsiorneq eqqarsaatigalugu peqataanerulersinneqarsinnaava ?
(Inatsisartunut Ilaasortaq Marie Fleischer, Demokraatit)
Inatsisartuni ilaasortaq Marie Fleischer oqallississiatut siunnersuuteqarpoq Nunarput qanoq ilinnikkut nunarsuarmi inuussutissarsiorneq eqqarsaatigalugu peqataanerulersinneqarsinnaanersoq.
Nunarput nunarsuup sinneranut aningaasarsiornermullu atavoq, kinguariit nikinneranni minnerusumik annerusumillu oqartussaanikkut nikerartumik. Ivittuuni orsugiassiorfik kiisalu Maamorilimmi aatsitassarsiorfiup nalaani nunanik allanik niuveqarteqarneq annertunerusarsimalluni taassumalu saniatigut aalisarnerup ingerlalluarleruttorfiata nalaani nunarput nunanik allanik niuveqateqarnikkut ullumikkornit naligiinnerusumik inissisimasarsimasutut aamma oqaatigineqarsinnaalluni.
Ullumikkut naalakkersuinikkut ingerlatsineq eqqarsaatigalugu pissuttit allat atorpagut, nunatsinni niuvernermut nunattalu avataaniit niuveruteqarnermut annertunerusumik aaliangiisinnaallutalu Naalakkersuinikkut oqartussaaffeqalersimavugut, suli inerisaarneqartumik.
Inuit Ataqatigiinniit nunarsuup sinnerani aningaasarsiornikkut niuvernikkut inuutissarsiornikkullu peqataanitta annertunerpaamik nunatsinnut pitsaasumik kingunilimmik ineriartortinneqarnissaa pingartittorujussuuarput.
Nunarput nunani allani miguittunik pitsaasunillu tunisassialittut ilisarisimaneqarnerulernissaa siunertaralugu suliniutit assigiingittut Naalakkersuinikkut ingerlanneqartut Inuit Ataqatigiinniit tapersersorluinnaratsigit oqaatigissuarput, soorlu aamma pingartikkipput nunatsinniit nunatta avataanut tunisassinik nalunaaqutsersuinermi ineriartortitsineq.
Ukiuni kingullerni Naalakkersuisut nunanik allanik niuveqateqarnikkut periarfissanik annertuunik pitsaasunillu ineriartortitsinerat aqqutissiuinerallu Inuit Ataqatigiinniit tamakkiisumik tapersersoratsigut ilangullugu oqaatigissuarput.
Pitsangorsaanerit annertuut ukiuni aggersuni nunatta nunanik allanik niuveqateqarnikkut aningaasarsiornikkut kiisalu inuutissarsiornikkut ineriartornerani ersarinnerulernissaanik kinguneqartussaapput.
Inuit Ataqatigiinni isumaqarpugut sianigisassarput annerpaaq tassaasoq nunarsuarmi suliffeqarfissuit aningaasarsiornerinnavimmik soqutigisallit nunatsinni niuvernikkut tunisassiornikkullu oqartussaanerpaangorlutik inissinginnissaat. Niuverneq tunisassiornerlu sapingisamik nunaqavissunut aammalu nunatta aningaasarsiornikkut iluaqutigisinnaasaanik isumannaattumik ineriartortinneqartariaqarpoq.
Inuit Ataqatiginnit ilangullugu anguniakkatut pingaarutilittut isigarput ullumikkut nunanik allanik niuveqateqarnitta nalimmassarnissaa. Ullumikkut nunanit allanik pisiarisartakkagut eqqussukkagullu nunanut allanut tunisassiatsinnut naleqqiullugit annertuallaaqaat, taamaattumik nunatta pissarititaanik kiisalu aatsitassarsiornikkut tunisassiarisinnaasatta annertusarneratigut nunanik allanik niuveqateqarnikkut nalimmassaaneq aamma ukiuni aggersuni suliassatta ilagaat.
Tamatuma saniatigut nunatsinni Ilimmarfiup pilersinneratigut ilinniartitaanikkut aammalu kulturitsinnut tungasunik kiisalu ilisimatusarnikkut nunanik allanik niuveqateqarsinnaaneq ineriartortittariaqarparput, soorlu ilisimalikka Artic Teknologi aqqutigalugu katersorneqarsimasut eqqarsaatigalugit.
Aningaasarsiornerup tusagassiisarnerullu imminut attuumassuteqarluinarsinnaanerat eqqarsaatigalugu nunatsinniit aamma avammut tusagassiorneq ineriartortittariaqarpoq, nunatta avammut niuvernikkut iluaqutigisinnaasaanik, aammalu nunat allat tusagassiutit aqqutigalugit niuvernikkut ajoqusiisinnaasut pinaveersartinnissaat eqqarsaatigalugit.
Ukiuni aggersut nunatta nunamik allanik niuveqateqarnikkut Naalakkersuinikkut aqqutissiuinerit eqqarsaatigalugit tunisassianik nunanut allanut niuvernikkut atugassarititaasut pitsangorsarnissaat aqqutissiuttuartariaqarpoq soorlu akileraarusiisarnerit kiisalu akitsuusisarnerit nunanik allanik niuveqateqarnermi aporfiusartut annikillisarnissaat Naalakkersuinikkut suliassaapput annertuut.
Tamatuma saniatigut Aningaasanut Nunanullu allanut Naalakkersuisup oqallisisiamut akissuteqaammini Naalakkersuinikkut suliniutit taakkartugai uteqqingikkaluarlugit tamakkiisumik Inuit Ataqatigiinniit tapersersoratsigit oqaatigiinnassuarput.
03. maj 2005 2005/102 Ane Hansen
Oqallisissiatut siunnersuut: Qanoq ilinikkut Kalaallit Nunaat nunarsuarmi inuussutissarsiorneq eqqarsaatigalugu peqataanerulersinneqarsinnaava ?
(Inatsisartunut Ilaasortaq Marie Fleischer, Demokraatit)
Inatsisartuni ilaasortaq Marie Fleischer oqallississiatut siunnersuuteqarpoq Nunarput qanoq ilinnikkut nunarsuarmi inuussutissarsiorneq eqqarsaatigalugu peqataanerulersinneqarsinnaanersoq.
Nunarput nunarsuup sinneranut aningaasarsiornermullu atavoq, kinguariit nikinneranni minnerusumik annerusumillu oqartussaanikkut nikerartumik. Ivittuuni orsugiassiorfik kiisalu Maamorilimmi aatsitassarsiorfiup nalaani nunanik allanik niuveqarteqarneq annertunerusarsimalluni taassumalu saniatigut aalisarnerup ingerlalluarleruttorfiata nalaani nunarput nunanik allanik niuveqateqarnikkut ullumikkornit naligiinnerusumik inissisimasarsimasutut aamma oqaatigineqarsinnaalluni.
Ullumikkut naalakkersuinikkut ingerlatsineq eqqarsaatigalugu pissuttit allat atorpagut, nunatsinni niuvernermut nunattalu avataaniit niuveruteqarnermut annertunerusumik aaliangiisinnaallutalu Naalakkersuinikkut oqartussaaffeqalersimavugut, suli inerisaarneqartumik.
Inuit Ataqatigiinniit nunarsuup sinnerani aningaasarsiornikkut niuvernikkut inuutissarsiornikkullu peqataanitta annertunerpaamik nunatsinnut pitsaasumik kingunilimmik ineriartortinneqarnissaa pingartittorujussuuarput.
Nunarput nunani allani miguittunik pitsaasunillu tunisassialittut ilisarisimaneqarnerulernissaa siunertaralugu suliniutit assigiingittut Naalakkersuinikkut ingerlanneqartut Inuit Ataqatigiinniit tapersersorluinnaratsigit oqaatigissuarput, soorlu aamma pingartikkipput nunatsinniit nunatta avataanut tunisassinik nalunaaqutsersuinermi ineriartortitsineq.
Ukiuni kingullerni Naalakkersuisut nunanik allanik niuveqateqarnikkut periarfissanik annertuunik pitsaasunillu ineriartortitsinerat aqqutissiuinerallu Inuit Ataqatigiinniit tamakkiisumik tapersersoratsigut ilangullugu oqaatigissuarput.
Pitsangorsaanerit annertuut ukiuni aggersuni nunatta nunanik allanik niuveqateqarnikkut aningaasarsiornikkut kiisalu inuutissarsiornikkut ineriartornerani ersarinnerulernissaanik kinguneqartussaapput.
Inuit Ataqatigiinni isumaqarpugut sianigisassarput annerpaaq tassaasoq nunarsuarmi suliffeqarfissuit aningaasarsiornerinnavimmik soqutigisallit nunatsinni niuvernikkut tunisassiornikkullu oqartussaanerpaangorlutik inissinginnissaat. Niuverneq tunisassiornerlu sapingisamik nunaqavissunut aammalu nunatta aningaasarsiornikkut iluaqutigisinnaasaanik isumannaattumik ineriartortinneqartariaqarpoq.
Inuit Ataqatiginnit ilangullugu anguniakkatut pingaarutilittut isigarput ullumikkut nunanik allanik niuveqateqarnitta nalimmassarnissaa. Ullumikkut nunanit allanik pisiarisartakkagut eqqussukkagullu nunanut allanut tunisassiatsinnut naleqqiullugit annertuallaaqaat, taamaattumik nunatta pissarititaanik kiisalu aatsitassarsiornikkut tunisassiarisinnaasatta annertusarneratigut nunanik allanik niuveqateqarnikkut nalimmassaaneq aamma ukiuni aggersuni suliassatta ilagaat.
Tamatuma saniatigut nunatsinni Ilimmarfiup pilersinneratigut ilinniartitaanikkut aammalu kulturitsinnut tungasunik kiisalu ilisimatusarnikkut nunanik allanik niuveqateqarsinnaaneq ineriartortittariaqarparput, soorlu ilisimalikka Artic Teknologi aqqutigalugu katersorneqarsimasut eqqarsaatigalugit.
Aningaasarsiornerup tusagassiisarnerullu imminut attuumassuteqarluinarsinnaanerat eqqarsaatigalugu nunatsinniit aamma avammut tusagassiorneq ineriartortittariaqarpoq, nunatta avammut niuvernikkut iluaqutigisinnaasaanik, aammalu nunat allat tusagassiutit aqqutigalugit niuvernikkut ajoqusiisinnaasut pinaveersartinnissaat eqqarsaatigalugit.
Ukiuni aggersut nunatta nunamik allanik niuveqateqarnikkut Naalakkersuinikkut aqqutissiuinerit eqqarsaatigalugit tunisassianik nunanut allanut niuvernikkut atugassarititaasut pitsangorsarnissaat aqqutissiuttuartariaqarpoq soorlu akileraarusiisarnerit kiisalu akitsuusisarnerit nunanik allanik niuveqateqarnermi aporfiusartut annikillisarnissaat Naalakkersuinikkut suliassaapput annertuut.
Tamatuma saniatigut Aningaasanut Nunanullu allanut Naalakkersuisup oqallisisiamut akissuteqaammini Naalakkersuinikkut suliniutit taakkartugai uteqqingikkaluarlugit tamakkiisumik Inuit Ataqatigiinniit tapersersoratsigit oqaatigiinnassuarput.
Upernaakkut ataatsimiinneq 2005
Ullormut oqaluuserisassat kiisalu ullut suliarineqarfissaat