Samling
|
Anthon Frederiksen / Villy Olsvig Upa- 2005-51-01 |
Ulloq 20 april 2005 |
Angajoqqaat pissakinnerusut meerartaasa nunanut allanut ilinniariartortalersinnaanerat anguniarlugu tapiisalernissamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortap Doris Jakobsen-ip siunnersuutaa Kattusseqatigiinniit misissuataarsimavara imatullu oqaaseqarfigissallugu.
Siunnersuut Kattusseqatigiinniit taperserneqarnissaa ilimagineqassaaq makkuninnga tunngavilersuuserluta.
Inuusutuaqqat AFS-i aqqutigalugu atuarnissaminnik kissaateqartut sapinngisarput tamaat amerlanerpaaffissaaniitinnissaat anguniarneqartuartariaqarpoq, imaattariaqanngilarmi inoqutigiit inuiaqatigiinni aningaasarsiornikkut ajunnginnerusumik inississimasut meerartaat kisimik AFS-itut ittunut peqataatitaqartarnissaat.
Inuiaqatigiinni naligiissumik ineriartornissarput tunaartarineqartuassappat meeqqat inuusuttuaqqallu ilinniartuarsinnaanissaat angajoqaaat isertitaat tunngaviginngilluinnarlugit ingerlanneqarnissaa Naalakkersuinikkut anguniarneqarlunilu sulissutigineqartariaqarpoq Kattusseqatigiinniit aalajangiusimavarput anguniarlugulu.
Nunattami namminiileraluttuinnarnerani nunarsuatsinni pissutsinut iseriartoraluttuinnarnermi Qallunaat oqaasii kisiisa isumalluutiginissaat atornissaallu amingarluinnarput, tamaattumik kikkuugaluarnersut inuusuttuaqqat nunani allani Tuluit oqaasiinik ilinniarusullutik qinnuteqaateqarsimasut sapinngisamik amerlanerpaatinneqarnissaat sulissutigineqarlunilu anguniarneqartuartariaqarpoq.
Soorlumi siunnersuuteqartup allakkiaani ersereersoq inuusuttaraq annertuumik inersimasunut ikaarsariartornissaminut misilittaaffeqartarsimasoq, akisussaaffiup annertuup tinguneratigut suli pitsaanerusumik siunissamut periareersartarmat.
Taamatut oqaaseqarluta Kattusseqatigiinniit siunersuuteqartup siunnersuutaa taperserlugu ataatsimiisitaliami susassaqarfigisamini sukumiisumik oqallisigineqarnissaa inassutingaara.
|
Anthon Frederiksen / Villy Olsvig Upa- 2005-51-01 |
Ulloq 20 april 2005 |
Angajoqqaat pissakinnerusut meerartaasa nunanut allanut ilinniariartortalersinnaanerat anguniarlugu tapiisalernissamik Naalakkersuisut peqquneqarnissaannik Inatsisartut aalajangiiffigisassaattut siunnersuut.
Inatsisartunut ilaasortap Doris Jakobsen-ip siunnersuutaa Kattusseqatigiinniit misissuataarsimavara imatullu oqaaseqarfigissallugu.
Siunnersuut Kattusseqatigiinniit taperserneqarnissaa ilimagineqassaaq makkuninnga tunngavilersuuserluta.
Inuusutuaqqat AFS-i aqqutigalugu atuarnissaminnik kissaateqartut sapinngisarput tamaat amerlanerpaaffissaaniitinnissaat anguniarneqartuartariaqarpoq, imaattariaqanngilarmi inoqutigiit inuiaqatigiinni aningaasarsiornikkut ajunnginnerusumik inississimasut meerartaat kisimik AFS-itut ittunut peqataatitaqartarnissaat.
Inuiaqatigiinni naligiissumik ineriartornissarput tunaartarineqartuassappat meeqqat inuusuttuaqqallu ilinniartuarsinnaanissaat angajoqaaat isertitaat tunngaviginngilluinnarlugit ingerlanneqarnissaa Naalakkersuinikkut anguniarneqarlunilu sulissutigineqartariaqarpoq Kattusseqatigiinniit aalajangiusimavarput anguniarlugulu.
Nunattami namminiileraluttuinnarnerani nunarsuatsinni pissutsinut iseriartoraluttuinnarnermi Qallunaat oqaasii kisiisa isumalluutiginissaat atornissaallu amingarluinnarput, tamaattumik kikkuugaluarnersut inuusuttuaqqat nunani allani Tuluit oqaasiinik ilinniarusullutik qinnuteqaateqarsimasut sapinngisamik amerlanerpaatinneqarnissaat sulissutigineqarlunilu anguniarneqartuartariaqarpoq.
Soorlumi siunnersuuteqartup allakkiaani ersereersoq inuusuttaraq annertuumik inersimasunut ikaarsariartornissaminut misilittaaffeqartarsimasoq, akisussaaffiup annertuup tinguneratigut suli pitsaanerusumik siunissamut periareersartarmat.
Taamatut oqaaseqarluta Kattusseqatigiinniit siunersuuteqartup siunnersuutaa taperserlugu ataatsimiisitaliami susassaqarfigisamini sukumiisumik oqallisigineqarnissaa inassutingaara.