Samling
20.04-2004 UPA 2004 73-72
Oqaaseqartartuusup saqqummiussaa
Uumassusilinnik isumalluutitta, pinngortitap avatangiisillu qanoq illersorneqarsinnaanerat pillugu apeqquteqaat aallaavingalugu oqallinnissamik siunnersuut.
(Inatsisartunut ilaasortaq Palle Christiansen Demokraatit)
Piniagassanik peqassuseq taakkunanngalu nungusataanngittumik iluaquteqarniarsinnaaneq naliliivinginiarneqartillugit atuisut piniartullu, minnerunngittumillu taakku kattuffiisa ilisimasaasa pittaassusiisa naliliivingineqartarnissaat, taakkunanngalu ilanngullugu uppernarsaaserneqartarnissaannik piumasaqaateqarnissaq pillugu apeqquteqaat aallaavigalugu oqallinnissamik siunnersuut.
(Inatsisartunut ilaasortaq Palle Christiansen Demokraatit)
Inatsisartunut ilaasortap Palle Christiansen-nip apeqquteqaat aallaavingalugu oqallinnissamik siunnersuutaanut marluusunut SIUMUT-miit imaattumik oqaaseqarfingissuangut.
Siullermik immikkoortoq siulleq 73
Ilisimatuussutsikkut siunnersuisarneq Kalaallit Nunaata imartaani aalisakkanut tamanut soorunami pittaanerpaassaaq, kisiannili nassuerutingisariaqarpoq peqatingitillugu tamanna annertoorujussuarnik nukissanik pisariaqartitsiviussasoq qularnanngittoq SIUMUT-miit isumaqarpungut.
Tamaasilluni apeqqutaavoq aalisakkanut tamanut piffissami maannakkut aningaasarsiornissaq eqqarsaatingalungu soqutinginanngittunut, Nunatta Karsiata aningaasaataanik pingaarnersiuinikkut ilisimatuussutsikkut siunnersuineq kissaatingineqarnersoq ingerlatissallungu.
SIUMUT-miillu nuannaarutingalungu malunginiarparput saattuarniarneq eqqarsaatingalungu Naalakkersuisunit Aalisarnermut Piniarnermullu Pisortaqarfiup naammasseqqammermangu saattuarniarneq pillugu nalunaarusiaq nutaaq, aammalu saarulleqassutsimut tunngatillungu Naalakkersuisut 2004-p upernaavani kinguppanniarnermi immikkoortiterissutinut piumasaqaatinik nutaanik sakkortunerusunillu atuutilersitsisimapput saarullinnik pisarisuisarneriinnaq pinnagu, kisiannili aamma aalisakkanik allanik pisarisuuisarneq assersuutingalungu suluppaakkanik, qaleralinnik, nipisanillu annikillisarniarlungit.
SIUMUT-miillu aalisakkanik piniarneqarsinnaasunik aalisarnermi sukaterisimanerup tulluussartuarneqarneranik Naalakkersuisut suliniuteqartuarnerat nuannaarutingigatsigu oqaatigissuarput.
SIUMUT-miillu ilisimavarput pisuussutinik nammaqatingiittumik atuinerput qangarsuaaniilli maannamut atuuttutut isingisaripput, tamannali ingerlaannassappat ullumikkornit akisussaaqataanerunissarput sulissutingeqqittariaqaripput SIUMUT-miit isumaqarpungut.
Kiisalu H.C.Petersen-nip Klimap pissaqarniarnitta tunngaviinik aqutsineranut allaaserisaqarnermini ilanngullungu oqaatingaa, ukiuni aggersuni suliassaasoq misissuinikkut ilumut tamaannersoq uppernarsiniassallungu.
Pinngortitaq taama ingerlassappat kiatsinnerup nassatai kinguariinnut arlalissuarnut Nunarsuup avannaamiunut, immaqalu kujallermiunut, mikinngittumik sunniuteqartussaassasut, uvangullu Kalaallit tamakkununnga ilaassasungut oqaatingalungu.
Tamaammat piniartut ilisimasaasa aamma atorluarneqarnissaat pingaartillugu atorneqarnissaat SIUMUT-miit kaammattuutingaarput.
Kiisalu immikkoortoq aappaattut 72
Atuisut ilisimasaasa uppernarsaaserneqartarnissaat pillugu Palle Christiansen-nip apeqquteqaataanut imaattumik SIUMUT-miit oqaaseqarfingissuarput.
SIUMUT-miit isumaqarpungut ukiuni qulikkuutaani kingullerni nunat tamalaat akornanni najukkami, atuisut, piniartut imaluunniit qangaaniilli ilisimasaat ilisimatuut ilisimasaanniit allaasunit pitsaaquteqartut annertuumik sammineqarsimasut, minnerunngittumillu inuiaqatingiinni Kalaallisut ittuni aaliangiiniartarnerni ilisimasat tamarmik ilaatinneqartarnissaat pisariaqartarsimallutik.
Siunnersuisoqatingiinnilu KNAPK, KANUKOKA aamma tapertaralugu pinialuttartut aalisartartullu kattuffiat (TPAK) sinniisuutitaqarlutik, taassumallu saniatingut NAMMCO januar-imi 2003-mi atuisut ilisimatuullu ilisimasaasa iluaquteqarniarnermik aqutsinermi aaliangiiniartarnermi atorneqartarnerat pillugu isumasioqatingiissitsivoq.
Tamanna tunngavingalugu NAMMCO suleqatingiissitaliorpoq atuisut ilisimasaasa iluaquteqarniarnermit aqutsinermi aaliangiiniartarnermi aaqqissuussamik qanoq atorneqarsinnaanerinut najoqqutassiortussamik.
Kiisalu pinngortitap illersorneqarnera pillugu inatsimmut nassuiaatini atuarneqarsinnaavoq inatsisartut inatsisaata pineqartup atuutsinneqarnera ¿inuit inuuniarnerminni atugaat ataqqillugit¿ pissasoq. Tassani isumangineqarpoq najukkani pissutsit, innuttaasut kissaatigisaasa pingaarnersiuinerisalu, aammalu ilisimasatoqqat inooriaasitoqqallu, ilaatinneqarlutik isinginiarneqartarnissaat SIUMUT-miit pingaartikkatsingu oqaatingissuarput.
Aammalu malunginiarparput Naalakkersuisut tamatumunnga tapertaliullungu aalisarnermut piniarnermullu pisortaqarfik suleqatigiinnik pilersitsiniartoq, soqutingisaqaqatingiiffiillu pisortaqarfillu attuumassuteqartut peqatigalungit iluaquteqarniarnermik aqutsinermi aaliangiiniartarnermilu atuisut ilisimasaasa qanoq atorneqarnissaannut najoqqutassiortussanik.
Naalakkersuisullu neriuutingisaat piniartut atuisullu ilisimasaasa atorneqarnerannut tunngatillugu iliuutsit taaneqartut uppernarsaasersuisinnaanermut qularnaareqataasinnaasut oqariartuutingisaat tunngavingalungit SIUMUT-miit nuannaarutigalugu oqaatingissuarput KNAPK, pinngortitaleriffik, biolog-gillu suleqatingiinnissamik isumaqatingiissuteqarmata tamaalilluni siunissami pisuussutinik uumassusilinnik atuinitta pittaasumik isumannaatsumillu ingerlatsilernissarput tikinneqartussanngormat.
Tamaammat piniartuni ukiorpassuarni kinguaariinni misilittangarineqartut ataqqineqarlutillu atorneqartarnissaat saneqqunneqarsinnaajunnaassammata SIUMUT-miit oqaatigissavarput. Naalakkersuisut akissuteqataat tusaatissatut tingujumavarput.
Otto Jeremiassen
Siumut.