Samling
UKA2004/94
3. maj 2004
Piniartut inuussutissarasiutigalugu aalisarnermut ikaarsaarsinnaanerat periarfissaqarnersoq, aalisarnermiluunniit tapertanik isertitaqartoqarsinnaanersoq, qulaajaavigisinnaajumallugu piniartoqarfinni aalisakkat assigiinngitsut iluaqutiginiarneqanngitsut aalisagaqassutsikkut misissuivigineqarnissaat aallartinniarlugu Naalakkersuisut sulissuteqarnissamik peqquneqarnissaannik Inatsisartut aalajagiiffigisassaattut siunnersuut.
(Atassut-ip Inatsisartuni ilaasortaatitai)
Siullermeerinninneq
Atassutip sinnersuutaanut Siumumiit ima oqaaseqaateqassaagut.
Atassutip siunnersersuutaa Siumup soqutigalugu misissorsimavaa, tunngaviatigullu soqutiginartutut isigalugu, minnerunngitsumik taamatorpiaq imalinnik oqaluttarfimmiit siusinnerusukkut oqariartuuteqartarnikuugatta.
Tamatumalu saniatigut piniartut atugaat pillugit Inatsisartuni siusinnerusukkut oqallittarsimanerat Siumumiit peqataaffigisarnikuusavut innersuussutigissavagut.
Naalakkersuisut siunnersuummut akissutaat iluarisimaarparput, takusinnaagatsigumi sulianik siunnersummut naleqquttumik aallartitsisoqareersimasoq, suliniutillu ingerlasut aallartittussallu aningaasanut Inatsit aqqutigalugu aningaasaliiffigineqarnikuusut.
Siumuttaaq neriuutigissavaa kommunet aalisartut piniartullu peqatigiiffii soqutiginnillutik aamma suleqataajumaartut, arlariillutami kivitseqatigiikkuta annertunermik angusaqarsinnaanerput ilisimagatsigu.
Taamatut oqaaseqarluta Naalakkersuisut suliniutaannut tapersersuinerput oqaatigaarput, akissutaallu tusaatissatut tigullugu.
Ole Dorph .
Siumut
UKA2004/94
3. maj 2004
Piniartut inuussutissarasiutigalugu aalisarnermut ikaarsaarsinnaanerat periarfissaqarnersoq, aalisarnermiluunniit tapertanik isertitaqartoqarsinnaanersoq, qulaajaavigisinnaajumallugu piniartoqarfinni aalisakkat assigiinngitsut iluaqutiginiarneqanngitsut aalisagaqassutsikkut misissuivigineqarnissaat aallartinniarlugu Naalakkersuisut sulissuteqarnissamik peqquneqarnissaannik Inatsisartut aalajagiiffigisassaattut siunnersuut.
(Atassut-ip Inatsisartuni ilaasortaatitai)
Siullermeerinninneq
Atassutip sinnersuutaanut Siumumiit ima oqaaseqaateqassaagut.
Atassutip siunnersersuutaa Siumup soqutigalugu misissorsimavaa, tunngaviatigullu soqutiginartutut isigalugu, minnerunngitsumik taamatorpiaq imalinnik oqaluttarfimmiit siusinnerusukkut oqariartuuteqartarnikuugatta.
Tamatumalu saniatigut piniartut atugaat pillugit Inatsisartuni siusinnerusukkut oqallittarsimanerat Siumumiit peqataaffigisarnikuusavut innersuussutigissavagut.
Naalakkersuisut siunnersuummut akissutaat iluarisimaarparput, takusinnaagatsigumi sulianik siunnersummut naleqquttumik aallartitsisoqareersimasoq, suliniutillu ingerlasut aallartittussallu aningaasanut Inatsit aqqutigalugu aningaasaliiffigineqarnikuusut.
Siumuttaaq neriuutigissavaa kommunet aalisartut piniartullu peqatigiiffii soqutiginnillutik aamma suleqataajumaartut, arlariillutami kivitseqatigiikkuta annertunermik angusaqarsinnaanerput ilisimagatsigu.
Taamatut oqaaseqarluta Naalakkersuisut suliniutaannut tapersersuinerput oqaatigaarput, akissutaallu tusaatissatut tigullugu.
Ole Dorph .
Siumut