Samling
|
MADS PETER GRØNVOLD UPA 2004 94 – 01
|
ULLOQ 03.05.2004 |
Oqaaseqartartuusup saqqummiussaa
Piniartut inuussutissarsiutigalugu aalisarnermut ikaarsaarsinnaanerat periarfissaqarnersoq, aalisarnermiluunniit tapertanik isertitaqartoqarsinnaanersoq, qulaajaavigisinnaajumallugu piniartoqarfinni aalisakkat assigiinngitsut iluaqutiginiarneqanngitsut aalisagaqassutsikkut misissuivigineqarnissaat aallartinniarlugu Naalakkersuisut sulissuteqarnissa-mik peqquneqarnissaannik Inatsisartut aalajangiiffigisassaattut siun-nersuut.
Inatsisartuni ilaasortat Augusta Salling, Ellen Christoffersen, Jensine Berthelsen, Finn Karlsen aamma Jakob Sivertsen siunnersuutaat peqqissaartumik misissoreer-lugu imatut Kattusseqatigiit sinnerlugit oqaaseqarfigissuarput.
Taamatut Atassutikkormiut siunnersuuteqarnerat Kattusseqatigiinniit paasisinnaavarput makku tunngavigalugit,
Nunatta sineriaa tamaat qiviaraanni piniarnermik inuussutissarsiuteqartut atugaat pitsaanerpaatut oqaatigineqarsinnaanngillat, piniarneriinnarmik inuussutissarsiuteqartut piniakkat ilaannit ilaatigullu annertusiartortumik killilersuiffigineqartale-raluttuinnarput, taamaliornikkullu piniarnikkut aningaasat isertinneqarsinnaasut ikiliartuinnarlerneranik kinguneqarluni.
Aamma apeqqutaalluinnarpoq nunatsinni sumi inissisimaneq, aamma nunatsinni aalisartoqarfiusuni piniarneriinnarmik inuussutissarsiuteqarneq ingerlanneqartarpoq, naak immaqa aalisartuunngaanni aningaasarsiorneq pitsaanerusinnaagaluartoq aamma piniartuuneq akilersinnaalluartumik ingerlanneqarsinnaasarpoq piffimmi pineqartumi piniakkat suuneri apeqqutaallutik.
Kattusseqatigiinniit ilisimavarput nunatsinni Nunatta sineriaani piniarnikkut atukkat tamatigut assigiinngitsorujussuusinnaanerat.
Avanersuarmi inuussutissarsiornikkut atukkat suli pitsanngorsarneqartariaqartut Kattusseqatigiinniit ilisimavagut, aamma piniarnermiik aalisarnermut ikaarsaarnermi, tunitsiviit killeqarput, ineriartortitsineq suli aamma killeqarpoq.
Upernavimmi aalisarneq pitsaasumik ingerlanneqartoq oqaatigineqarsinnaavoq, kisiannili nunaqarfiit tamarmik tunitsivitsigut periarfissaqanngillat, naak piffiit ilaanni qaleralinnik, aammalu allanik aalisakkanik pineqartuni tunisassiorneq ingerlanneqarsinnaagaluartoq, suli pineqartut ilaanni periarfissiisoqanngilaq.
Illoqarfiit nunaqarfiillu ataasiakkaarlugit piniarnikkut inuussutissarsiuteqarneq eqqarsaatigalugu Kattusseqatigiinniit tamaasa oqaaseqarfigisinnaagaluarlugit siunnersuuteqartut siunnersuutaasa siunnerfiat tikikkaanni paasinarpoq maannakkut piniarneriinnarmik inuussutissarsiuteqartut atugaat ilaatigut pitsanngorsar-niarlugit aalisarnermut ikaarsaarnissamut Naalakkersuinikkut suli aaqqissuulluagaanerusumik pilersitsisoqarnissaa pineqartunit ujartorneqartoq.
Soorlumi siunnersuuteqartut eqqaagaat avinngarusimasuni inuussutissarsiornikkut atukkat qiviaraanni piffinni pineqartuni aalisarnermut ikaarsaartitsineq suli annerusumik Naalakkersuinikkut pimoorunnerullugu ingerlanneqanngitsoq malunnarmat.
Tasiilap kommuniani piniarnermiik aalisarnermut ikaarsaarneq suli killeqarpoq, ineriartortitseqqinnissarlu suli piffimmi pineqartumi pisariaqarluni.
Taamaattumik Naalakkersuisut kaammattorusunnarput piffinni pineqartuni inuus-sutissarsiornikkut periarfissiisoqarnissaa anguniarlugu piniartuunermiik aalisar-tunngorsaanermut ikaarsaarnermut aaqqissuusseqqinnermik pineqartuni ingerlat-sisoqaqqittariaqarmat, taamaliornikkut pineqartuni inuussutissarsiornikkut atukkat pitsanngorsarneqarsinnaammata.
Ukiuni kingullerni Kattusseqatigiinniit aamma ilisimavarput sinerissap qanittuani aalisarnikkut ineriartortitsinerit assigiinngitsut ingerlanneqartut, sulilu Naalakkersuinikkut ineriartortitsinerit ingerlanneqarlutik, soorunami aalisarnikkut ineriartortitsinermi aningaasaliissutit tamanut naammattutut oqaatigineqarsinnaanngillat, taamaattumik allanik aningaasalersuisinnaasunik Naalakkersuisut ukiuni siusinnerusuni ujartuiniarlutik oqaaseqartarnikuummata allanik aningaasa-lersuisinnaasut nassaarsimanersut paaserusunnarpoq.
Sinerissami qanittuani aalisartut angallataat suli amerlanerusut pitsanngorsarneqassappata aningaasaliissutit amerlanerusut atorfissaqartinneqarmata.
Naggataatigut Kattusseqatigiinniit oqaatigissuarput piniarneriinnarmik inuussu-tissarsiuteqartut tassaammata inoqarfinni tamani kalaaliminernik pilersuisut, siunissamilu suli pilersueqataasussat, taamaattumik pineqartut inuussutissarsiornikkut atugaat suli aamma pitsanngorsarneqartuartariaqartut Kattusseqatigiinniit isumaqaratta.
Taamatut oqaaseqarluta siunnersuuteqartut siunnerfiat tamakkiisumik tapersersorlugu matumuuna Kattusseqatigiinniit oqaatigaarput, suliallu aappassaaneerneqannginnerani ataatsimiititaliamut susassaqartumut suliassaq innersuussutigalugu.
|
MADS PETER GRØNVOLD UPA 2004 94 – 01
|
ULLOQ 03.05.2004 |
Oqaaseqartartuusup saqqummiussaa
Piniartut inuussutissarsiutigalugu aalisarnermut ikaarsaarsinnaanerat periarfissaqarnersoq, aalisarnermiluunniit tapertanik isertitaqartoqarsinnaanersoq, qulaajaavigisinnaajumallugu piniartoqarfinni aalisakkat assigiinngitsut iluaqutiginiarneqanngitsut aalisagaqassutsikkut misissuivigineqarnissaat aallartinniarlugu Naalakkersuisut sulissuteqarnissa-mik peqquneqarnissaannik Inatsisartut aalajangiiffigisassaattut siun-nersuut.
Inatsisartuni ilaasortat Augusta Salling, Ellen Christoffersen, Jensine Berthelsen, Finn Karlsen aamma Jakob Sivertsen siunnersuutaat peqqissaartumik misissoreer-lugu imatut Kattusseqatigiit sinnerlugit oqaaseqarfigissuarput.
Taamatut Atassutikkormiut siunnersuuteqarnerat Kattusseqatigiinniit paasisinnaavarput makku tunngavigalugit,
Nunatta sineriaa tamaat qiviaraanni piniarnermik inuussutissarsiuteqartut atugaat pitsaanerpaatut oqaatigineqarsinnaanngillat, piniarneriinnarmik inuussutissarsiuteqartut piniakkat ilaannit ilaatigullu annertusiartortumik killilersuiffigineqartale-raluttuinnarput, taamaliornikkullu piniarnikkut aningaasat isertinneqarsinnaasut ikiliartuinnarlerneranik kinguneqarluni.
Aamma apeqqutaalluinnarpoq nunatsinni sumi inissisimaneq, aamma nunatsinni aalisartoqarfiusuni piniarneriinnarmik inuussutissarsiuteqarneq ingerlanneqartarpoq, naak immaqa aalisartuunngaanni aningaasarsiorneq pitsaanerusinnaagaluartoq aamma piniartuuneq akilersinnaalluartumik ingerlanneqarsinnaasarpoq piffimmi pineqartumi piniakkat suuneri apeqqutaallutik.
Kattusseqatigiinniit ilisimavarput nunatsinni Nunatta sineriaani piniarnikkut atukkat tamatigut assigiinngitsorujussuusinnaanerat.
Avanersuarmi inuussutissarsiornikkut atukkat suli pitsanngorsarneqartariaqartut Kattusseqatigiinniit ilisimavagut, aamma piniarnermiik aalisarnermut ikaarsaarnermi, tunitsiviit killeqarput, ineriartortitsineq suli aamma killeqarpoq.
Upernavimmi aalisarneq pitsaasumik ingerlanneqartoq oqaatigineqarsinnaavoq, kisiannili nunaqarfiit tamarmik tunitsivitsigut periarfissaqanngillat, naak piffiit ilaanni qaleralinnik, aammalu allanik aalisakkanik pineqartuni tunisassiorneq ingerlanneqarsinnaagaluartoq, suli pineqartut ilaanni periarfissiisoqanngilaq.
Illoqarfiit nunaqarfiillu ataasiakkaarlugit piniarnikkut inuussutissarsiuteqarneq eqqarsaatigalugu Kattusseqatigiinniit tamaasa oqaaseqarfigisinnaagaluarlugit siunnersuuteqartut siunnersuutaasa siunnerfiat tikikkaanni paasinarpoq maannakkut piniarneriinnarmik inuussutissarsiuteqartut atugaat ilaatigut pitsanngorsar-niarlugit aalisarnermut ikaarsaarnissamut Naalakkersuinikkut suli aaqqissuulluagaanerusumik pilersitsisoqarnissaa pineqartunit ujartorneqartoq.
Soorlumi siunnersuuteqartut eqqaagaat avinngarusimasuni inuussutissarsiornikkut atukkat qiviaraanni piffinni pineqartuni aalisarnermut ikaarsaartitsineq suli annerusumik Naalakkersuinikkut pimoorunnerullugu ingerlanneqanngitsoq malunnarmat.
Tasiilap kommuniani piniarnermiik aalisarnermut ikaarsaarneq suli killeqarpoq, ineriartortitseqqinnissarlu suli piffimmi pineqartumi pisariaqarluni.
Taamaattumik Naalakkersuisut kaammattorusunnarput piffinni pineqartuni inuus-sutissarsiornikkut periarfissiisoqarnissaa anguniarlugu piniartuunermiik aalisar-tunngorsaanermut ikaarsaarnermut aaqqissuusseqqinnermik pineqartuni ingerlat-sisoqaqqittariaqarmat, taamaliornikkut pineqartuni inuussutissarsiornikkut atukkat pitsanngorsarneqarsinnaammata.
Ukiuni kingullerni Kattusseqatigiinniit aamma ilisimavarput sinerissap qanittuani aalisarnikkut ineriartortitsinerit assigiinngitsut ingerlanneqartut, sulilu Naalakkersuinikkut ineriartortitsinerit ingerlanneqarlutik, soorunami aalisarnikkut ineriartortitsinermi aningaasaliissutit tamanut naammattutut oqaatigineqarsinnaanngillat, taamaattumik allanik aningaasalersuisinnaasunik Naalakkersuisut ukiuni siusinnerusuni ujartuiniarlutik oqaaseqartarnikuummata allanik aningaasa-lersuisinnaasut nassaarsimanersut paaserusunnarpoq.
Sinerissami qanittuani aalisartut angallataat suli amerlanerusut pitsanngorsarneqassappata aningaasaliissutit amerlanerusut atorfissaqartinneqarmata.
Naggataatigut Kattusseqatigiinniit oqaatigissuarput piniarneriinnarmik inuussu-tissarsiuteqartut tassaammata inoqarfinni tamani kalaaliminernik pilersuisut, siunissamilu suli pilersueqataasussat, taamaattumik pineqartut inuussutissarsiornikkut atugaat suli aamma pitsanngorsarneqartuartariaqartut Kattusseqatigiinniit isumaqaratta.
Taamatut oqaaseqarluta siunnersuuteqartut siunnerfiat tamakkiisumik tapersersorlugu matumuuna Kattusseqatigiinniit oqaatigaarput, suliallu aappassaaneerneqannginnerani ataatsimiititaliamut susassaqartumut suliassaq innersuussutigalugu.