Samling
03. maj 2004 UPA 2004/94
Oqaaseqartartuusup saqqummiussaa
Piniartut inuussutissarsiutigalugu aalisarnermut ikaarsaarsinnaanerat periarfissaqarnersoq, aalisarnermiluunniit tapertanik isertitaqartoqarsinnaanersoq qulaajaavigisinnaajumallugu piniartoqarfinni aalisakkat assigiinngitsut iluaqutiginiarneqanngitsut aalisagaqassutsikkut misissuivigineqarnissaat aallartinniarlugu Naalakkersuisut sulissuteqarnissamik peqquneqarnissaannik Inatsisartut aalajangiiffigisassaattut siunnersuut.
Siullermeerineq
Immap pissarititaanik qalluilinnginnermi siumungaaq paasissallugu pingaartuuvoq qanoq annertutigisumik aalisakkat pineqartut aalisarneqarsinnaassanersut, imaluunniit piniagassat piniarneqarsinnaassanersut, tassa piujuaannartitsinissamut naapertuuttumik tamatigut iliuuseqartoqartarniassammat.
Taamaappoq massakkut aalisarneqartartut piniarneqartartullu eqqarsaatigalugit, aammallu taamaassaaq suli aalisarneqaratillu piniarneqanngitsut aalisarneqalerlutillu piniagaalernissaanni.
Kikkulluunniit tamarmik nalunngilaat aalisapiluttoqarnera imaluunniit piniapiluttoqarnera qanoq kinguneqarnerlutsigisinnaasartoq. Taamaattoqartarnera pinaveersimatinneqartariaqarpoq, taamaattumillu uumasunik ilisimatuut peqassusianik missingiussisarnerat aammalu piusut qanoq annertutigisumik pisarineqartarnissaannik missingiussisarnerat pingaaruteqarnerpaajuvoq. Pisuussutit nalilersuiffigineqarsimanngitsut aalisarneqartarnissaat piniarneqartarnissaallu ataatsimut isigalugu inerteqqutaalluinnartariaqarpoq, taamaaliorneq mianersuussinissamut naleqqunnerpaajussammat.
Siunnersuutip saqqummiunneqartup misissuisarnissat aallartisinneqarnissaat perpiarmagu tamanna Demokraatinit taperserneqarpoq.
Taamatut oqaaseqarlutik Demokraatit siunnersuut aalisarnermut, piniarnermut nunalerinermullu, kiisalu avatangiisinut eqqissisimatitsinermullu ataatsimiititalianut innersuukkusuppaat.
Palle Christiansen
Demokraatit/Demokraterne
03. maj 2004 UPA 2004/94
Oqaaseqartartuusup saqqummiussaa
Piniartut inuussutissarsiutigalugu aalisarnermut ikaarsaarsinnaanerat periarfissaqarnersoq, aalisarnermiluunniit tapertanik isertitaqartoqarsinnaanersoq qulaajaavigisinnaajumallugu piniartoqarfinni aalisakkat assigiinngitsut iluaqutiginiarneqanngitsut aalisagaqassutsikkut misissuivigineqarnissaat aallartinniarlugu Naalakkersuisut sulissuteqarnissamik peqquneqarnissaannik Inatsisartut aalajangiiffigisassaattut siunnersuut.
Siullermeerineq
Immap pissarititaanik qalluilinnginnermi siumungaaq paasissallugu pingaartuuvoq qanoq annertutigisumik aalisakkat pineqartut aalisarneqarsinnaassanersut, imaluunniit piniagassat piniarneqarsinnaassanersut, tassa piujuaannartitsinissamut naapertuuttumik tamatigut iliuuseqartoqartarniassammat.
Taamaappoq massakkut aalisarneqartartut piniarneqartartullu eqqarsaatigalugit, aammallu taamaassaaq suli aalisarneqaratillu piniarneqanngitsut aalisarneqalerlutillu piniagaalernissaanni.
Kikkulluunniit tamarmik nalunngilaat aalisapiluttoqarnera imaluunniit piniapiluttoqarnera qanoq kinguneqarnerlutsigisinnaasartoq. Taamaattoqartarnera pinaveersimatinneqartariaqarpoq, taamaattumillu uumasunik ilisimatuut peqassusianik missingiussisarnerat aammalu piusut qanoq annertutigisumik pisarineqartarnissaannik missingiussisarnerat pingaaruteqarnerpaajuvoq. Pisuussutit nalilersuiffigineqarsimanngitsut aalisarneqartarnissaat piniarneqartarnissaallu ataatsimut isigalugu inerteqqutaalluinnartariaqarpoq, taamaaliorneq mianersuussinissamut naleqqunnerpaajussammat.
Siunnersuutip saqqummiunneqartup misissuisarnissat aallartisinneqarnissaat perpiarmagu tamanna Demokraatinit taperserneqarpoq.
Taamatut oqaaseqarlutik Demokraatit siunnersuut aalisarnermut, piniarnermut nunalerinermullu, kiisalu avatangiisinut eqqissisimatitsinermullu ataatsimiititalianut innersuukkusuppaat.
Palle Christiansen
Demokraatit/Demokraterne