Samling
ATASSUT Nuuk, 30. april 2004
Finn Karlsen UPA 2004-94
Piniartut inuussutissarsiutigalugu aalisarnermut ikaarsaariarnermi periarfissaqarnersoq, aalisarnermiluuniit tapertanik isertitaqartoqarsinnaanersoq qulaajaavigiumallugu piniartoqarfinni aalisakkat assigiinngitsut iluaqutigineqanngitsut aalisagaqassutsikkut misissuivigineqarnissaat aallartinniarlugu Naalakkersuisut sulissuteqarnissamik peqquneqarnissaannik Inatsisartut aalajangiiffigisassaattut siunnersuut.
ATASSUT-ip Inatsisartunut ilaasortaatitaanit saqqummiunneqartoq.
ATASSUT-ip Inatsisartunut ilaasortaatitaasa siunnersuutigaat, piniartoqarfinni piniarnerinnarmik inuussutissarsiuteqarfiusuni periarfissanik allanik inuussutissarsiutaasinnaasunik periarfissaqarnersoq misissuisoqassasoq.
Taamatut siunnersuuteqarneq pisariaqarluinnartutut ATASSUT-mit isigaarput, tassami pingaartumik ukiuni kingulliunerusuni piniarnerinnarmik inuussutissarsiuteqarfiusuni inuussutissarsiorniarneq assorujussuaq ilungersunarsiartorpoq. Taamaammat allanik periarfissarsiuusinissaq ujartussallugu piffissanngorpoq kinguarsartariaqaranilu.
Nunatsinni inuussutissarsiorneq siuarsarniarlugu suliniarnitsinni pingaarluinnarpoq isorliunerusuni inuiaqatitta inuussutissarsiornikkut pitsanngorsaavigineqarnissaat.
ATASSUT-mit ilisimavarput piffiit ilaanni annertuumik aalisarnikkut periarfissaqartoq, tamakkulu pimoorullugit misissuiffigineqarnissaat pingaartilluinnarlugu aalajangiiffigisassatut ATASSUT-ip Inatsisartunut ilaasortaatitaanit siunnersuutigineqartoq, partiinit tamanit paasineqarluni tapersersorneqarnissaa pingaaruteqarluinnarpoq.
Nunatta ilaani avinngarusimasuni ilimanaateqarluinnartunik imartaqarput, ilaatigut Ittoqqortoormiut eqqarsaatigalugit Kangerlussuaqarpoq pinngitsoorani aalisagaqarsinnaanera ilimanaateqarluartumik, ilumut tamakku periarfissaqarnersut politikkeriusugut ilisimasariaqarluinnarparput, iluaqutaasinnasummi sapinngisamik inuiaqatigiinnit nunamullu iluaqutigineqartariaqarput.
Aamma isorliunerusormiut eqqarsaatigalugit aningaasarsiutaasinnaasut, soorlu takornariaqarnikkut periarfissat aaqqissuulluagaasut misissoqissaartariaqarneri pisariaqartutut ATASSUT-mit isumaqarfigaavut.
Taamatut siunnersuuteqarneq aporfissalersornagu tapersiinartariaqartoq ATASSUT-mit isumaqarpugut, tassami soorlu oqaatigereeripput ukiuni kingullerni silaannaap allanngoriartornerata malitsigisaanik piniarnermik inuussutissarsiuteqarnerup ilungersunarsiartornera ilisimalluarneqalereersoq, taamaammat kingusinaaratik periarfissanik allanik piaartumik misissuinissaq ATASSUT-mit assorujussuaq pingaartipparput.
Taamatut ATASSUT-mit oqaaseqarluta ATASSUT-ip Inatsisartunut ilaasortaatitaasa siunnersuutaat taperserlugu oqaaseqarfigaat, aappassaaneerneqannginneranilu ataatimiititaliami susassaqartumi suliarineqarnissa inassutigalugu.
ATASSUT Nuuk, 30. april 2004
Finn Karlsen UPA 2004-94
Piniartut inuussutissarsiutigalugu aalisarnermut ikaarsaariarnermi periarfissaqarnersoq, aalisarnermiluuniit tapertanik isertitaqartoqarsinnaanersoq qulaajaavigiumallugu piniartoqarfinni aalisakkat assigiinngitsut iluaqutigineqanngitsut aalisagaqassutsikkut misissuivigineqarnissaat aallartinniarlugu Naalakkersuisut sulissuteqarnissamik peqquneqarnissaannik Inatsisartut aalajangiiffigisassaattut siunnersuut.
ATASSUT-ip Inatsisartunut ilaasortaatitaanit saqqummiunneqartoq.
ATASSUT-ip Inatsisartunut ilaasortaatitaasa siunnersuutigaat, piniartoqarfinni piniarnerinnarmik inuussutissarsiuteqarfiusuni periarfissanik allanik inuussutissarsiutaasinnaasunik periarfissaqarnersoq misissuisoqassasoq.
Taamatut siunnersuuteqarneq pisariaqarluinnartutut ATASSUT-mit isigaarput, tassami pingaartumik ukiuni kingulliunerusuni piniarnerinnarmik inuussutissarsiuteqarfiusuni inuussutissarsiorniarneq assorujussuaq ilungersunarsiartorpoq. Taamaammat allanik periarfissarsiuusinissaq ujartussallugu piffissanngorpoq kinguarsartariaqaranilu.
Nunatsinni inuussutissarsiorneq siuarsarniarlugu suliniarnitsinni pingaarluinnarpoq isorliunerusuni inuiaqatitta inuussutissarsiornikkut pitsanngorsaavigineqarnissaat.
ATASSUT-mit ilisimavarput piffiit ilaanni annertuumik aalisarnikkut periarfissaqartoq, tamakkulu pimoorullugit misissuiffigineqarnissaat pingaartilluinnarlugu aalajangiiffigisassatut ATASSUT-ip Inatsisartunut ilaasortaatitaanit siunnersuutigineqartoq, partiinit tamanit paasineqarluni tapersersorneqarnissaa pingaaruteqarluinnarpoq.
Nunatta ilaani avinngarusimasuni ilimanaateqarluinnartunik imartaqarput, ilaatigut Ittoqqortoormiut eqqarsaatigalugit Kangerlussuaqarpoq pinngitsoorani aalisagaqarsinnaanera ilimanaateqarluartumik, ilumut tamakku periarfissaqarnersut politikkeriusugut ilisimasariaqarluinnarparput, iluaqutaasinnasummi sapinngisamik inuiaqatigiinnit nunamullu iluaqutigineqartariaqarput.
Aamma isorliunerusormiut eqqarsaatigalugit aningaasarsiutaasinnaasut, soorlu takornariaqarnikkut periarfissat aaqqissuulluagaasut misissoqissaartariaqarneri pisariaqartutut ATASSUT-mit isumaqarfigaavut.
Taamatut siunnersuuteqarneq aporfissalersornagu tapersiinartariaqartoq ATASSUT-mit isumaqarpugut, tassami soorlu oqaatigereeripput ukiuni kingullerni silaannaap allanngoriartornerata malitsigisaanik piniarnermik inuussutissarsiuteqarnerup ilungersunarsiartornera ilisimalluarneqalereersoq, taamaammat kingusinaaratik periarfissanik allanik piaartumik misissuinissaq ATASSUT-mit assorujussuaq pingaartipparput.
Taamatut ATASSUT-mit oqaaseqarluta ATASSUT-ip Inatsisartunut ilaasortaatitaasa siunnersuutaat taperserlugu oqaaseqarfigaat, aappassaaneerneqannginneranilu ataatimiititaliami susassaqartumi suliarineqarnissa inassutigalugu.