18. maj 2004

UPA 2004/127

 

Kalaallit Nunaanni inuit kinaassutsimut uppernaarsaammik allagartaqalernissaannik Naalakkersuisut suliniuteqaqqulugit peqquneqarnissaannik Inatsisartut aalajangiiffigisassaattut siunnersuut.

Aappassaaneerineq

 

 

Demokraatinit siullermeerinermi oqaatigisavut uteqqissavavut oqarluta inatsisartunut ilaasortamit ataqqinartumit Aqqaluk Lynge-mit siunnersuutigineqartoq paasilluaripput, kisiannili siunnersuut piffissamut tulluarsorinngikkipput.

 

Tassami isumaqanngilagut siunnersuuteqartup eqqarsaatigisaattut kinaassutsimut uppernarsaammik allagartaqalernissap nunani allani angalanermi passimik uppernarsaateqartarneq taarsersinnaassagaa. Passi tassaavoq silarsuarmioqatigiinni imminut ilisarititsissutigisinnaasartagarput, taannalu kinaassutsimut uppernarsaammik allagartaqalernikkut saneqqussinnaanngilarput.

 

Kinaassutsimulli uppernarsaat allarpassuartigut atorneqarsinnaasuussaaq. Ullumikkut silarsuaq inuuffigisarput digitaliseererneqaraluttuinnarpoq. Katersuussimanermi uani siusinnerusukkut digitaliusumik atsiorsinnaaneq oqaluuserisimavarput, kinaassutsimullu uppernarsaatip tassani atorneqarsinnaanissaa Demokraatinit periarfissasoraarput.

 

Ullumikkut Kalaallit Nunaanni aningaaseriviit allagartaatiminnik nutaamik taarsiiniarlutik sulinialeruttorput, tassa allagartamik nutaamik qarasaasiami digitaliusumik eqqaamaneqarsinnaassutitalimmik pisaartitsiniarlutik. Taamaaliornikkut allagartat peqquserlunnikkut allanngortinniarneqartarsinnaanerat ajornakusoornerujussuanngussaaq, peqatigitillugulu allagartamik piginnittoq paasissutissanik allagartamut toqqorsisarnissamut periarfissiivigineqassalluni. Soorlu toqqorneqartartussat tassaasarsinnaallutik allagartamik piginnittup pisortat suliffeqarfiutaannut saaffiginninnerani imaluunniit internettikkut pisiniarnerani atorneqarsinnaasumik digitaliusumik atsiornera, kisiannili aamma imaassinnaalluni paasissutissanik allanik toqqorsisoqartarsinnaanera, soorlu aap suussusianik peqqinnerlu pillugu paasissutissanik allanik, inuit nalunaarsorsimaffianni najukkap allassimanera, aningaasatigut akileraarutitigullu pissutsit, sillimmatinut tunngasut, imaluunniit allarluinnaat. Tassa uagut namminerluinnaq eqqarsallaqqissutsitta – soorunalimi aamma nalunaarsuisarnissamut inatsisip – taamaallaat killiliivigisartussaallugit kinaassutsimut uppernarsaatip qanoq atorneqarusunnera.

 

Pisortanut, soorlu kommuuninut peqqinnissaqarfimmullu, saaffiginninnerni kinaassutsimut uppernarsaatip piginngitsuugassaanngitsup atorneqarnerani periarfissaqarfigilluarneqalissaaq eqqoqqissaartunik kisitsisitigut paasissutissaqartoqalernissaa, soorlu pisortanit tunniuttakkat suut innuttaasut ilaannit piumaneqarnersut pillugit.

 

Naalakkersuisut akissuteqaataanni paasisinnaavarput Naalakkersuisut kinaassutsimut uppernarsaammik suliarinneqqikkusussuseqartut. Tassunga atatillugu Naalakkersuisut inakkumavavut inuussutissarsiutinik ingerlataqartunut attaveqaqqullugit, kinaassutsimut uppernarsaatip sunik imaqarsinnaaneranik periarfissanik qulaajaaniarnissaq siunertaralugu. Naalakkersuisut akissuteqaamminni allattorsimavaat kinaassutsimut uppernarsaatip suliarineqarnissaata qanoq akeqarnissaanut akit arlallit. Isumaqarpugulli inuussutissarsiutinik ingerlatsisut aamma kinaassutsimut uppernarsaatip siunissaa pillugu isiginiaasinneqarsinnaasut allagartap aningaasalersorneqarnissaanut akileeqataasinnaaniassammata.

 

Innuttaasugut amerlasoorsuunngilagut, kinaassutsimillu uppernarsaammik pilersitsineq kalaallit inuiaqatigiit digitaliseeriivigineqarnerunissaannut ”misiligutitut” tunngavissiisinnaavoq.

 

Aalajangernissamulli siunnersuutip taamatut isikkoqarluni nammineq imarisaa tassaavoq Canadaliartarnitsinni passitta kinaassutsimik uppernarsaammik pilersitsinerup taarsiivigissagaa, tamannalu taamatut isikkoqartillugu Demokraatinit tapersersinnaanngilarput.

 

 

 

Per Skaaning

Demokraatit/Demokraterne

18. maj 2004

UPA 2004/127

 

Kalaallit Nunaanni inuit kinaassutsimut uppernaarsaammik allagartaqalernissaannik Naalakkersuisut suliniuteqaqqulugit peqquneqarnissaannik Inatsisartut aalajangiiffigisassaattut siunnersuut.

Aappassaaneerineq

 

 

Demokraatinit siullermeerinermi oqaatigisavut uteqqissavavut oqarluta inatsisartunut ilaasortamit ataqqinartumit Aqqaluk Lynge-mit siunnersuutigineqartoq paasilluaripput, kisiannili siunnersuut piffissamut tulluarsorinngikkipput.

 

Tassami isumaqanngilagut siunnersuuteqartup eqqarsaatigisaattut kinaassutsimut uppernarsaammik allagartaqalernissap nunani allani angalanermi passimik uppernarsaateqartarneq taarsersinnaassagaa. Passi tassaavoq silarsuarmioqatigiinni imminut ilisarititsissutigisinnaasartagarput, taannalu kinaassutsimut uppernarsaammik allagartaqalernikkut saneqqussinnaanngilarput.

 

Kinaassutsimulli uppernarsaat allarpassuartigut atorneqarsinnaasuussaaq. Ullumikkut silarsuaq inuuffigisarput digitaliseererneqaraluttuinnarpoq. Katersuussimanermi uani siusinnerusukkut digitaliusumik atsiorsinnaaneq oqaluuserisimavarput, kinaassutsimullu uppernarsaatip tassani atorneqarsinnaanissaa Demokraatinit periarfissasoraarput.

 

Ullumikkut Kalaallit Nunaanni aningaaseriviit allagartaatiminnik nutaamik taarsiiniarlutik sulinialeruttorput, tassa allagartamik nutaamik qarasaasiami digitaliusumik eqqaamaneqarsinnaassutitalimmik pisaartitsiniarlutik. Taamaaliornikkut allagartat peqquserlunnikkut allanngortinniarneqartarsinnaanerat ajornakusoornerujussuanngussaaq, peqatigitillugulu allagartamik piginnittoq paasissutissanik allagartamut toqqorsisarnissamut periarfissiivigineqassalluni. Soorlu toqqorneqartartussat tassaasarsinnaallutik allagartamik piginnittup pisortat suliffeqarfiutaannut saaffiginninnerani imaluunniit internettikkut pisiniarnerani atorneqarsinnaasumik digitaliusumik atsiornera, kisiannili aamma imaassinnaalluni paasissutissanik allanik toqqorsisoqartarsinnaanera, soorlu aap suussusianik peqqinnerlu pillugu paasissutissanik allanik, inuit nalunaarsorsimaffianni najukkap allassimanera, aningaasatigut akileraarutitigullu pissutsit, sillimmatinut tunngasut, imaluunniit allarluinnaat. Tassa uagut namminerluinnaq eqqarsallaqqissutsitta – soorunalimi aamma nalunaarsuisarnissamut inatsisip – taamaallaat killiliivigisartussaallugit kinaassutsimut uppernarsaatip qanoq atorneqarusunnera.

 

Pisortanut, soorlu kommuuninut peqqinnissaqarfimmullu, saaffiginninnerni kinaassutsimut uppernarsaatip piginngitsuugassaanngitsup atorneqarnerani periarfissaqarfigilluarneqalissaaq eqqoqqissaartunik kisitsisitigut paasissutissaqartoqalernissaa, soorlu pisortanit tunniuttakkat suut innuttaasut ilaannit piumaneqarnersut pillugit.

 

Naalakkersuisut akissuteqaataanni paasisinnaavarput Naalakkersuisut kinaassutsimut uppernarsaammik suliarinneqqikkusussuseqartut. Tassunga atatillugu Naalakkersuisut inakkumavavut inuussutissarsiutinik ingerlataqartunut attaveqaqqullugit, kinaassutsimut uppernarsaatip sunik imaqarsinnaaneranik periarfissanik qulaajaaniarnissaq siunertaralugu. Naalakkersuisut akissuteqaamminni allattorsimavaat kinaassutsimut uppernarsaatip suliarineqarnissaata qanoq akeqarnissaanut akit arlallit. Isumaqarpugulli inuussutissarsiutinik ingerlatsisut aamma kinaassutsimut uppernarsaatip siunissaa pillugu isiginiaasinneqarsinnaasut allagartap aningaasalersorneqarnissaanut akileeqataasinnaaniassammata.

 

Innuttaasugut amerlasoorsuunngilagut, kinaassutsimillu uppernarsaammik pilersitsineq kalaallit inuiaqatigiit digitaliseeriivigineqarnerunissaannut ”misiligutitut” tunngavissiisinnaavoq.

 

Aalajangernissamulli siunnersuutip taamatut isikkoqarluni nammineq imarisaa tassaavoq Canadaliartarnitsinni passitta kinaassutsimik uppernarsaammik pilersitsinerup taarsiivigissagaa, tamannalu taamatut isikkoqartillugu Demokraatinit tapersersinnaanngilarput.

 

 

 

Per Skaaning

Demokraatit/Demokraterne