Samling
ATASSUT Nuuk, 18. maj 2004
Jakob Sivertsen UPA 2004/100
Sanaartornermut iluarsaassinermullu Aningaasaateqarfiup immikkut inatsisiliuunneqarnissaanik, taamaalilluni Sanaartornermut iluarsaassinermullu Aningaasaateqarfiup maleruagassatigut aalajangersaavigineqarnera Missingersuutinut inatsisip allannguutissaatut siunnersuummik Naalakkersuisut saqqummiusseqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Jensine Berthelsen, Atassut).
Inatsisartuni ilaasortaq Jensine Berthelsen sanaartornermi aningaasaateqarfiup maleruagassaqartitaanermigut erseqqissaavigineqarnissaanik saqqummiussaqarnera ATASSUT-mit ilassilluarparput.
Soorlumi naluneqanngitsoq ukiut tamaasa Inatsisartut sanaartugassanut aningaa-saliissutigisartagaat tamakkerlugit atorneqarneq ajortut tamanna aamma ukioq 2003-mi uppernarsarneqaqqippoq sanaartornermut aningaasaliissutit 88 mio. kr.-nik atuinikiffiunerannik. Aningaasat akuersissutaareersut siunissami siunertaminnut pitsaanerusumik atorneqartarnissaat inatsisitigut aqqutissiuunneqarnissaannik Jensine Berthelsenip ujartuinera pissusissamisoorpoq.
Siunnersuummik saqqummiussaqartup Namminersornerullutik Oqartussat aammalu kommunet sanaartugassatigut qinnuteqaataat kissaatigisaallu aalajangiunneqareersut pilersaarutit malillugit sanaartorneqarlutik piviusunngortinneqartarnissaat pingaaruteqaannarani aamma suliffissaqartitsiniarnikkut annertuumik iluaqutaasarnerat eqqarsaatigalugit siunnersuutip piviusunngortinniarneqarnissaa ATASSUT-mit Naalakkersuisunut piumasaraarput.
Soorlumi naluneqanngitsoq kommuneni saanaartugassat ilaasa Namminersornerullutik Oqartussat aningaasaliiffigisassaat ilaatigut pilersaarutaagaluartut kinguartinneqarnerat qassiiliuutaasaqisut, maleruagassanik erseqqissaanikkut qaangerneqartussaassagaluarmata, taamaammat ATASSUT-mit oqallinneq manna siunissaq eqqarsaatigalugu aaqqiiniarnerummat angusaqarfiunissaa neriulluarfigaarput.
Sorlumi aamma ullumikkut kommunet sanaartugassatigut allatigullu akisussaafeqarnerulernissaat anguniarlugu KANUKOKA peqatigalugu suliniuteqalernermut anguniakkamullu ilanngunneqarluni sulissutigineqarnissaa ATASSUT-mit inassutigaarput.
Naalakkersuisut siunnersuummut akissuteqarnerminni sanaartornermi pilersaarusiornermi aningaasanullu inatsimmi suliassat suliarineqarneranni Inatsisartut Naalakkersuisullu iliuuseqartariaqartut akissuteqaataasoq ATASSUT-mit imatut paasivarput, siunnersuut Naalakkersuisut sanaartornikkut pisariillisaanissamik eqaallisaanissamillu suliniutaannut ilanngunneqartariaqartoq, siunnersuummi siunertarineqartoq Naalakkersuisut pisariaqartikkaat akissuteqaammi takuneqarsinnaammat.
Kiisalu Naalakkersuisut 2005-imi aningaasanut inatsisissatut siunnersuutip suliarinerani suliassaqarfinnut allanut tulleriiaarinermi allattuiffiit suliariniarlugit akissuteqaamminni oqaatigaat, aammalu sanaartugassatigut iliuusissani malittarisassat pilersaarusiornerullu pitsanngorsarneqarnissaannut suliniutit arlallit suliaralugit aallartinneqarsimasut akissuteqaamminni erseqqissaatigalugit.
ATASSUT-mit siunnersuummut Naalakkersuisut akissuteqaataat ataatsimut isigalugu siunnersuutip siunertaanut anguniagaanullu tapersiinertut paasivarput, soorlumi aamma 2005-mut Inatsisartut aningaasanut inatsisissaata suliarineranut ilanngullugu sanaartornermut malittarisassat pilersaarusiornerullu pitsanngorsarneqarnissaannut suliniutit arlallit suliarilereersimagaat, taamaattumik ATASSUT-mit paasiuminaatsipparput siunnersuutip itigartinneqarnissaanik Naalakkersuisut inaasuteqarmata.
Taamaattumik ATASSUT-mit Inatsisartunut piumasarissavarput Inatsisartut Naalakkersuisunut piumasarissagaat siunnersuut Naalakkersuisut suliniutaannut ilan-ngunneqassasoq.
ATASSUT Nuuk, 18. maj 2004
Jakob Sivertsen UPA 2004/100
Sanaartornermut iluarsaassinermullu Aningaasaateqarfiup immikkut inatsisiliuunneqarnissaanik, taamaalilluni Sanaartornermut iluarsaassinermullu Aningaasaateqarfiup maleruagassatigut aalajangersaavigineqarnera Missingersuutinut inatsisip allannguutissaatut siunnersuummik Naalakkersuisut saqqummiusseqqullugit peqquneqarnissaannik Inatsisartut aalajangiiffigisassaattut siunnersuut.
(Inatsisartunut ilaasortaq Jensine Berthelsen, Atassut).
Inatsisartuni ilaasortaq Jensine Berthelsen sanaartornermi aningaasaateqarfiup maleruagassaqartitaanermigut erseqqissaavigineqarnissaanik saqqummiussaqarnera ATASSUT-mit ilassilluarparput.
Soorlumi naluneqanngitsoq ukiut tamaasa Inatsisartut sanaartugassanut aningaa-saliissutigisartagaat tamakkerlugit atorneqarneq ajortut tamanna aamma ukioq 2003-mi uppernarsarneqaqqippoq sanaartornermut aningaasaliissutit 88 mio. kr.-nik atuinikiffiunerannik. Aningaasat akuersissutaareersut siunissami siunertaminnut pitsaanerusumik atorneqartarnissaat inatsisitigut aqqutissiuunneqarnissaannik Jensine Berthelsenip ujartuinera pissusissamisoorpoq.
Siunnersuummik saqqummiussaqartup Namminersornerullutik Oqartussat aammalu kommunet sanaartugassatigut qinnuteqaataat kissaatigisaallu aalajangiunneqareersut pilersaarutit malillugit sanaartorneqarlutik piviusunngortinneqartarnissaat pingaaruteqaannarani aamma suliffissaqartitsiniarnikkut annertuumik iluaqutaasarnerat eqqarsaatigalugit siunnersuutip piviusunngortinniarneqarnissaa ATASSUT-mit Naalakkersuisunut piumasaraarput.
Soorlumi naluneqanngitsoq kommuneni saanaartugassat ilaasa Namminersornerullutik Oqartussat aningaasaliiffigisassaat ilaatigut pilersaarutaagaluartut kinguartinneqarnerat qassiiliuutaasaqisut, maleruagassanik erseqqissaanikkut qaangerneqartussaassagaluarmata, taamaammat ATASSUT-mit oqallinneq manna siunissaq eqqarsaatigalugu aaqqiiniarnerummat angusaqarfiunissaa neriulluarfigaarput.
Sorlumi aamma ullumikkut kommunet sanaartugassatigut allatigullu akisussaafeqarnerulernissaat anguniarlugu KANUKOKA peqatigalugu suliniuteqalernermut anguniakkamullu ilanngunneqarluni sulissutigineqarnissaa ATASSUT-mit inassutigaarput.
Naalakkersuisut siunnersuummut akissuteqarnerminni sanaartornermi pilersaarusiornermi aningaasanullu inatsimmi suliassat suliarineqarneranni Inatsisartut Naalakkersuisullu iliuuseqartariaqartut akissuteqaataasoq ATASSUT-mit imatut paasivarput, siunnersuut Naalakkersuisut sanaartornikkut pisariillisaanissamik eqaallisaanissamillu suliniutaannut ilanngunneqartariaqartoq, siunnersuummi siunertarineqartoq Naalakkersuisut pisariaqartikkaat akissuteqaammi takuneqarsinnaammat.
Kiisalu Naalakkersuisut 2005-imi aningaasanut inatsisissatut siunnersuutip suliarinerani suliassaqarfinnut allanut tulleriiaarinermi allattuiffiit suliariniarlugit akissuteqaamminni oqaatigaat, aammalu sanaartugassatigut iliuusissani malittarisassat pilersaarusiornerullu pitsanngorsarneqarnissaannut suliniutit arlallit suliaralugit aallartinneqarsimasut akissuteqaamminni erseqqissaatigalugit.
ATASSUT-mit siunnersuummut Naalakkersuisut akissuteqaataat ataatsimut isigalugu siunnersuutip siunertaanut anguniagaanullu tapersiinertut paasivarput, soorlumi aamma 2005-mut Inatsisartut aningaasanut inatsisissaata suliarineranut ilanngullugu sanaartornermut malittarisassat pilersaarusiornerullu pitsanngorsarneqarnissaannut suliniutit arlallit suliarilereersimagaat, taamaattumik ATASSUT-mit paasiuminaatsipparput siunnersuutip itigartinneqarnissaanik Naalakkersuisut inaasuteqarmata.
Taamaattumik ATASSUT-mit Inatsisartunut piumasarissavarput Inatsisartut Naalakkersuisunut piumasarissagaat siunnersuut Naalakkersuisut suliniutaannut ilan-ngunneqassasoq.