Samling
DANSK TEKST MANGLER
Politik-ikkut suliniaqatigiiffik ATTAVIITTUT KATTUSSEQATIGIIT |
||
Anthon Frederiksen UPA-2003/34-01 |
ulloq, 10. Marts 2003 |
Namminersornerullutik Oqartussat kommunillu inissiaataasa attartortittakkat pigisatut inissianngortissinnaanerat pillugu Inatsisartut peqqussutaata allnngortinneqarneranik Inatsisartut peqqussutissaattut sinnersuut.
Namminersornerullutik Oqartussat kommunillu inissiaataasa attartortittakkat pigisatut inissianngortissinnaanerat pillugu inatsisartut peqqussutaata nr. 5, 21. maj 2002-imeersup allanngortinneqarnissaanut siunnersuut Kattusseqatigiit sinnerlugit imaattumik oqaaseqaateqarfigissuara:
Kattusseqatigiit sinnerlugit nuannaarutigaara peqqussutip allanngortinneqarneratigut aamma inissiat maannakkut attartortorisaminnut niuernermi nalingannit appasinnerusumik akilersillugit tunineqarsinnaanissaannut periarfissiisoqassammat. Aammalu iluanaapilunniartoqarsinnaanerata pinaveersaatinneqarnissaa aamma annerusumik eqqumaffiginiarneqarmat.
Ilanngullugu attaveqaqatigiinnermut ineqarnermullu ataatsimiititaliamut kaammattuutigissuara inissianik tuniniaasinnaanermut periarfissat suli eqaannerusumik pisariinnerusumillu ingerlanneqarsinnaanerat qularnaarniarlugu periarfissanik ujartueqqullugit, ilaatigut inissianik tuniniaanermi 75 %-imik piumasaqaatip allanngortinneqarsinnaanerata misissoqqinneqarnissaa kaammattuutingaara, minnerunngitsumik attartortumiit piginnittuunermut ikaarsaariarnerup suli akimmiffissartaqannginnerusumik ingerlanneqarsinnaanera aammalu atuisunut piginnittuulerumaartussanullu kajuminnarninngortinneqarnissaa anguniarlugu.
Taamatut oqaaseqarlunga allannguutissatut siunnersuut tamakkiisumik taperserlugu attaveqaqatigiinnermut ineqarnermullu ataatsimiititaliami suliarineqarnissaa inassutingaara.