Samling
Dansk tekst mangler
05. marts 2002 UPA 2002/01.27.01-4
Kalaallit Nunatsinni Inatsisartut suleriaasissaanni § 36 tunngavigalugut matumuuna Naalakkersuisunut imaattumik apeqquteqarniarpunga:
(Inatsisartuni ilaasortaq Anthon Frederiksen)
Naalakkersuisut ukiarmi 2001-imi Utoqqaat aningaasatigut inissisimanerat pillugu nalunaaruteqarput.
Nalunaarummi takuneqarsinnaasut uppernarsineqartullu tunngavigalugit utoqqartatta amerlanersaat aningaasatigut ilaatigut annertuumik ajornartorsiuteqarput, tamanna miserratissaanngilaq nassuerutigineqartariaqarlunilu.
Tamakkualumi pillugit aamma uanga inatsisartuni ataasiarnanga utoqqaat innarluutillit sulisinnaajunaarnersiutillillu atungaasa iluarsineqarnissaat pillugit siunnersuuteqartarsimavunga, kisianni ajoraluartumik annerusumik tusaaneqartarsimanngitsunik.
Maannakkut qujanartumik misissuititsinertigut uppernarsarneqarpoq; ilumut Nunatsinni utoqqartavut aningaasatigut ilaatigut annertuumik ajornartorsiuteqartut. Misissuinerit ilaatigut takutippaat utoqqaat utoqqaanerujuartortillugit aningaasatigut pissarsiarisartagaat annikilliartortartut il.il.
Apeqqutissakkalu ilaatigut ukuupput:
Misissuisimanermi paasisat qanoq atorneqarniarpat? Qaqugulu ?
Naalakkersuisut Utoqqaat atungaasa pittanngorsarneqarnissaat qulakkeerniarlugu qanoq iliuuseqarniarpat ?
Aamma Naalakkersuisut utoqqaat namminerisaminnik inillit pillugit qanoq aaqqiissuteqarniarpat ? imaluunniit qanoq pilersaaruteqarpat ?
PS: Oqaaluinnarnikkut suleriaatsimi aalajangersakkat tunngavigalugit saqqummiunneqarnissaat ilanngullugu qinnuteqaatigaara.