Samling
UPA 2002/06.1
17. april 2002
Malînánguaq M. Mølgaard
Forslag til landstingslov om ændring af landstingslov om forbrugerråd, markedsføring, mærkning, priser og forbrugerklageudvalg.
Inuit Ataqatigiit er indforstået med ændringsforslaget vedr. forbrugerråd. Det er tid til en omlægning, da rådsmedlemssammensætningen for Forbrugerrådet ikke længere er tidssvarende.
Ud over det er Inuit Ataqatigiit enig i, at formandens sekretariatsfunktion ændres. I de seneste år har man erfaret, at Forbrugerrådet ikke har været så synlig. Vi er vidende om forholdene i omverdenen i dag , og derfor er det vigtigt at beskytte forbrugernes rettigheder.
Inuit Ataqatigiit mener, at vi bør være mere opmærksomme på forholdende omkring trafik, pengeinstitutter, boliger samt de handelsmæssige forhold. Ligeledes mener Inuit Ataqatigiit med hensyn til forbrugernes stilling i hverdagen, at der gives klarere oplysninger om varepriserne og at der i højere grad bliver tekstet på grønlandsk , samt at man er mere opmærksom på eventuelle sundhedsfarlige tilsætningsstoffer på varerne.
Inuit Ataqatigiit håber, at arbejdet i fællessekretariatet for forbrugerrådet og konkurrencenævnet vil foregå i et godt samarbejde, samt at arbejdet vil blive mere synligt for samfundet i fremtiden. Ligeledes mener Inuit Ataqatigiit, at det er vigtigt med bedre udnyttelse af sekretariatsfunktionen og et godt samarbejde.
Med disse bemærkninger tilslutter Inuit Ataqatigiit sig forordningsforslaget og håber, at Forbrugerrådet bliver endnu mere synlig, da vi mener, at rådet deltager for lidt i den aktuelle samfundsdebat.
UPA 2002/06.1
17. april 2002
Malînánguaq M. Mølgaard
Atuisartut pisisartunullu siunnersuisoqatigiit, tuniniaasarneq, nalunaaqutsersuisarneq, akit aamma atuisartunut pisisartunullu maalaaruteqartarfittut ataatsimiititaliat pillugit Inatsisartut inatsisaata allanngortinneqarneranik Inatsisartut inatsisissaattut siunnersuut.
Inuit Ataqatigiinniit Atuisartut Pisisartullu Siunnersuisoqatigiivinut inatsisip allanngortinneqarnissaanut siunnersuut paasilluarparput. Tassami siunnersuisoqatigiinni ilaasortaatitat kikkuunissai ullumimut naleqqukkunnaarsimapput, aaqqiivigineqartariaqalerlutillu.
Taassuma saniatigut siulittaasup allafissornikkut inissimanerata allanngortinniarnera Inuit Ataqatigiinniit isumaqatigaarput. Tassami ukiuni kingullerni atuisartut siunnersuisoqatigiiffiata saqqumilaanngipallaarnera malunnarsimavoq, ullumikkullu nunarsuarmi pissutsit qiviassagaanni atuisartut illersorneqarnissaat qanoq pingaaruteqaraluttuinnartigisoq ilisimavarput.
Nunatsinni angallannikkut, aningaaseriveqarnikkut, ineqarnikkut, nioqqutissiatigullu pissutsit suli eqqummaariffigineqarnerusariaqartut Inuit Ataqatigiinniit isumaqarpugut. Ulluinnarni atuisartut inissisimanerat eqqarsaatigalugu pisiniarfinni akit erseqqinnerusumik paasissutissiissutigineqartarnissaat, suli annertunerusumik kalaallisut allassimanissaat, aammalu akuutissat ulorianarsinnaasut eqqummaariffiginerunissaat pisariaqartoq Inuit Ataqatigiinnit isumaqarpugut.
Inuit Ataqatigiinniit neriuutigaarput Atuisartut Siunnersuisoqatigiiffiata unammilleqatigiinnermut ataatsimiititap allaffeqatigilerneratigut sulinera suleqatigiinnikkut ingerlalluarnerulerumaartoq, aammalu siunissami inuiaqatigiinni sullissinera malunnaatilimmik saqqumilaarnerulerumaartoq. Ullumikkullu allafissornikkut atorluaanerunissaq ikioqatigiinnerunissarlu pingaaruteqartoq aamma Inuit Ataqatigiinniit isumaqarfigaarput.
Tamaatut oqaaseqarluta peqqussutissatut siunnersuut Inuit Ataqatigiinniit tapersersorparput, neriuutigalugu Atuisartut Siunnersuisoqatigiiffiat ullumikkornit saqqumilaarnerulissasoq, tassami isumaqaratta Siunnersuisoqatigiiffik ullumikkut inuiaqatigiinni oqallinnermi peqataanngippallartoq.