Samling
Dansk tekst mangler*
|
Anthon Frederiksen Uka-2004-27/01
|
ulloq, 29. september 2004 |
Inissianik attartortittakkani ineqarnermut tapiissutit pillugit inatsisartut peqqussutaata allanngortinneqarneranik Inatsisartut peqqussutissaattut siunnersuutip siullermeerneqarnera.
Kattusseqatigiit sinnerlugit imaattumik oqaaseqarfigissuara:
Siullermik nuannaarutingaara Inatsisartut Ombudsmand-iata innuttaasut illersorneqarnissaat pillugu suliaasa ilai maanna inatsisiliornermut aamma sunniuteqalernerat malunniutilermat.
Allannguutissatut siunnersuutikkut takuneqarsinnaavoq; peqqussutip allanngortinneqarneratigut allaffissornikkut sullissinerup pisariusup pisariillisarneqarnissaannaanut allannguiniarneq sunniuteqassanngitsoq, kisiannili aamma inuppassuarnut tamanna iluaqutaasumik sunniuteqarsinnaanera suleriaatsip eqaallisarneqarneratigut malitseqartinneqartussaasoq, minnerunngitsumik ilaqutariinnut inunnullu ataasiakkaanut ineqarnermut tapiiffigineqarnissamik pisariaqartitsisunut aamma ukiut tamaasa qinnuteqaqattaartsitsisarnikkut piffissarujussuaq sipaarneqarsinnaalissasoq.
Siunnersuut susassaqartunut assigiinngitsunut tusarniutigineqareersimavoq aammalu tusarniaanerup kingunerisaanik iluarsisassat annikitsut iluarsineqareersimasut suliap pappiliartaani takuneqarsinnaaput, taamaattumik siunnersuut tamakkiisumik taperserlugu suliap taamatut isikkoqarluni aappassaanneerneqarnissaminut ingerlateqinneqarnissaa inassutingaara.