Samling
Dansk tekst mangler*
UKA-2004-74
8. oktober 2004
Inuit tamarmik ornittagaanni atoqatigiinnermik imalinnik atuagassiat meeqqat takusinnaasaannit ingalatsillugit inissiisarnissamik Naalakkersuisut inatsisinik naleqqussaaqqullugit peqquneqarnissaannik Inatsisartut aalajangiiffigisassaattut siunnersuut.
(Doris Jakobsen, Siumut)
Inini inuit tamarmik ornittagaanni atoqatigiinnermut imalinnik atuagassiat meeqqat takusinnaasaannit ingalatsillugit inissiisarnissamik Naalakkersuisut inatsisinik naleqqussaaqqullugit peqquneqarnissaannik Inatsisartut aalajangiiffigisassaannik siunnersut, pillugu Siumumi imatut naatsumik oqaaseqarfigissavarput.
Inatsisartunut ilaasortaq, Doris Jakobsen, Siumut siunnersuuteqarpoq atuagassiat aviisillu atoqatigiinnermut tunngasunik assiliartaqartut il.il. niuertarfinni saqqumilaartinneqarpallaartarnerinut tunngasoq.
Tamakku ajornartorsiutit nunatsinniinnaanngitsoq, aammali Danmarkimi nunanilumi allani inunnik oqallisigineqartarneri ilisimalluarpagut, ajornartorsiutillu aaqqiivigineqarnissaa inatsisiliornikkut aaqqiiviginiarneqartariaqartutut Siumumit isumaqarfigaarput.
Taamaattumik Naalakkersuisut akissuteqaamminni misissuiniarnerat aaqqiiumassuseqarniarnertut paasillugu Siumumi isumaqatigaarput.
Siunnersuuteqartoq isumaqatigaarput ileqqorissaarnissamut tunngassuteqartutigut annertunerusumik misigissuseqarluta pinngitsuuiniaqataasariaqarnerput, taamaattumik Naalakkersuisut suliniuteqarniarnerannut tunngatillugu suliniutititb ingerlateqqiinnassagaat Siumumi isumaqarpugut.
Enos Lyberth.
Siumut