Samling
Dansk tekst mangler
|
Anthon Frederiksen Uka-2004-69/01
|
ulloq, 29. september 2004 |
Inatsisartut inatsisaat nr. 9, 16. november 1984-imeersoq Nunaqarfinni illut sulliviit pilersinneqarneri (servicehuse) pillugit § 5-ip allanngortinneqarnissaanik Naalakkersuisut suliniuteqarnissaannik inatsisartunut ilaasortap Jakob Sivertsen-ip siunnersuutaa Inatsisartut piumasarissagaat, taamaalilluni piffimmi nunqarfinni aqutsisuusunut ilaasortat minnerpaamik marlunnik illup sulliviup siulersuisuinut ilaasortaatitaqarsinnaalersillugit.
Kattusseqatigiit sinnerlugit imaattumik oqaaseqarfigissuara:
Inatsisartunut ilaasortap Jakob Sivertsen-ip siunnersuutaa paasilluarpara ilalernartillugulu, kisianni Naalakkersuisut akissuteqaataat ajoraluartumik paasilluanngilara, tassami inatsisartut inatsisaanni pineqartumi, tamatumalu malitsigisaanik nalunaarummi illut sulliviit siulersuisuinut ilaasortat qanoq katitingaanissaat ersarissumik nalunaarneqartariaqarsorinarmat, tassami paasinarsivoq, Nalakkersuisuit akissuteqaamminni oqarnerat malillugu; illut sulliviit siulersuisuisa qassinik ilaasortaqarnissaat piumasaqaatigineqarsimanngitsoq ?
Kattusseqatigiinni isumaqarpugut pissutsit taamaattut innuttaasunut paatsuunganarsinnaasut inatsit toqqammavigineqartut atorlugit ersarissarneqartariaqartut imaluunniit tamanna naammanngippat inatsimmik allannguisoqartariaqartoq.
Taamatut oqaaseqarlunga suliap aappassaanneerneqannginnerani inatsisartut inatsisit atortinneqarnerannut ataatsimiititaliaani suliap sukumiisumik suliarineqarnissaa inassutingaara.