Samling
Dansk tekst mangler*
Anthon Frederiksen Uka- 2004-142
|
ulloq, 01. oktober 2004 |
Nunaqarfinni illoqarfinnilu mikinerni mingutsaaliuinermut atortulersuutit sanaartorneqarnissaannut pioreersullu iluarsartuuttariallit iluarsartuunneqarnissaannut pilersaarummik tulleriaarinertalimmik Inatsisartunut siunnesuumik saqqummiusseqqullugit Atassutip inatsisartuni ilaasortaatitaasa Naalakkersuisut peqquneqarnissaannik Inatsisartut aalajangiiffigisassaattut siunnersuutip siullermeerneqarnera.
Kattusseqatigiit sinnerlugit imaattumik oqaaseqarfigissuara:
Siullermik aallaqqaasiullugu oqaatigissuara siunnersuut tamakkiisumik Kattusseqatigiinniit isumaqatigigatsigu, makku pissutigalugit:
Naluneqanngitsutut ajoraluartumik nassuerutigalugu oqaatigisariaqarmat; ullumikkut aamma maangaannaq eqqaaneq annertoorujussuaq aammalu isumannaatsumik eqqaaveqarnermut amerlasuuni peqanngimmat. Naak Namminesornerullutik Oqartussat siusinnerusukkulli nunaqarfinni illoqarfiillu mikinerit ilaanni eqqakkanut ikuallaaviit mikisut atuutilersinneqarsimapput, kisiannili aamma ilisimaneqarpoq, ikuallaaviit tamakku sananeqarnermikkut ajornartorsiuteqartut aammalu tamakku ilaat ajoraluartumik ullumikkut atorneqanngitsut.
Taamaattumik pisariaqarluinnarpoq qulaajangassat assigiinngitsut qulaajarneqarnissaat maannangaaq aallartisarneqarnissaat pisariaqarpoq, minnerunngitsumik aamma ukiuni makkunani takornariaqarnikkut avatangiisinillu illersuinissamik anguniagaqarnermut suliniutit eqqarsaatigalugit pisariaqarluinnarpoq ajornartorsiutip matumani eqqartorneqartup kommune-nut miloriutiinnarneqarnissaa akuersaaruminaappoq.
Taamaattumillu Kattusseqatigiinniit inassutigissuarput siunnersuut KANUKOKA suleqatigalugu nanginneqarluni ingerlanneqartariaqartoqk, tassami ajornartorsiut annertuvoq aamma ilimananngilaq kommune-t kisimiillutik ajornartorsiut qaangerniarlugu naammattumik iliuuseqarsinnaanerat ilimagineqarsinnaanngimmat.
Taamaattumik avatangiisinut tamatta akisussaaffimmik tigusisariaqartugut isumaqarpugut, taamaammat suliassap aappassaanneerneqannginnerani ataatsimiititaliami susassaqarfiusumi suliarineqarnissaa inassutingaarput.