Samling
Dansk tekst mangler
|
Villy Olsvig Uka- 2004-138/02
|
ulloq, 27. oktober 2004 |
Tuttut umimmaallu nunaminertanit amerlavallaarfigisaannit nunaminertanut allanut nuunneqarsinnaanerat siunertaralugu 2006-imut aningaasanut inatsisissatut siunnersuummi ukiunilu missingersuusiorfiusuni 2007-imiit 2009-mut aningaasanik immikkoortitsisoqarnissaanik sulissuteqaqqullugit peqquneqarnissaannik Inatsisartut aalajangiiffigisassaattut Atassutip siunnersuutaata siullermeerneqarnera
Suliap siullermeerneqarnerani Kattusseqatiginiit oqaaseqaativut innersuullugit inatsisartut Ineqarnermut, Attaveqarnermut Avatangiisinullu naalakkersuisup akissuteqaataanut Kattusseqatigiit sinnerlugit imaattumik oqaaseqaateqassaagut
Kattusseqatiginniit ilaatigut siullermernermi oqaaseqaatigineqartut imatut ilaqarput ukiuni kingullerni tusartaannarparput nunatani tuttoqarfiusuni umimmaqarfiusunilu nuna annertuumik nungullariartortoq.
Oqaaseqaatigineqartummi ilaatigut aavartartuusunut saatinneqarsinnaalluarpoq, tassami aavaartartut annertuumik nunatanik salingaattuutitsinissamik aamma pisussaaffeqaraluarmata.
Annertuallaarujussuarmimmi tamaana nassuttuup nunataani saqqaartaqarfimmi aammalumi alangup tungaani takussaalersimavoq.
Piffiillu avatagiisinut tunngasut salinneqassappata aningaasarpassuarnik naleqarsinnaanissaa takorloorneqarsinnaallunilu eqqoriannarneqarsinnaavoq.
Qasigiannguit Kangatsiallu kommuneqarfiini naternami ukioq 1993-si umimmaliisoqarsimavoq , ukiorlu manna nunaminertap ilaannaralaarsua qanoq umimmaqartigilersimanersoq misissuiffigineqarsimavoq.
Umimmaliiffigineqarsimasorli maannamut annertunerusumik qulaajaaffigineqarsimananilu misissuataarneqarsimanngilaq uumasoqatigiinnut nerisassaqartitsisinnaanermut tunngatillugu.
Umimmaqassuuttimik misissuinerup killeqartumik ingerlanneqarsimaneranut tunngavigineqarsimavoq namminersornerullutik oqartussat aningaasaliissutigisimasaasa killeqarsimaneri.
Tanmaattumik Ineqarnermut Attaveqarnermut Avatagiisinullu Naalakkersuisup akissuteqaataa taperserlugu taaseqataaffigissavara.