Samling
Anthon Frederiksen Uka- 2004-119/01
|
ulloq, 06. oktober 2004 |
Forslag til landstingsbeslutning om, at Landsstyret pålægges at udarbejde en handlingsplan for forebyggelse og behandling af diabetes i Grønland, første behandling af landstingsmedlem Astrid Fleischer Rex’ forslag.
Jeg har på Kattusseqatigiit’s vegne flg. Bemærkninger:
Først vil jeg give udtryk for min glæde over, at landstingsmedlem Astrid Fleischer Rex har taget et af vores store problemer som beslutningsforslag. Som forslagsstilleren sagde, var sukkersyge næsten et ukendt begreb blandt grønlændere tidligere, men denne sygdom har i løbet af de sidste år desværre blevet meget udbredt i Grønland.
Kattusseqatigiit mener, at der er grund til bekymring, og derfor har vi tidligere kommet med en forespørgsel til landsstyret om kost til diabetikere.
Forskellige undersøgelser har vist, at diabetes blandt andet har med den kost man indtager, og at det også skyldes, at man bliver for overvægtig, fordi man ikke dyrker nok motion.
Derfor må man politisk arbejde seriøst og tage initiativer til forebyggelse af sukkersyge. Som det første vil Kattusseqatigiit foreslå, at der laves tv-spots som vedvarende borgeroplysning.
Som det andet, at der i folkeskolen og børneinstitutioner aktiverer børn og unge med mere motion i højere grad, og det kunne gøres ved, at landsstyret tager initiativ til at undersøge, at dette kan gøres gennem bestemmelser ved en forordning i undervisningen.
Oplysningskampagne bør indeholde instrukser i lettere gymnastik på arbejdspladser, hvor man primært sidder og arbejder, og på den måde ikke får tilstrækkelig motion. Desuden skal man arbejde for at informere om mad- og drikkevarer, der har potentiale til udbrud af sukkersyge, og at især børn skal være afholdende med.
Man kunne i kiosker, idrætshaller og andre steder, som børn og unge søger til, som eksempel ikke bare begrænse salg af sodavand, men også tilbyde gratis vand og gøre det attraktivt, idet børn og unge har et meget større dagligt behov for at indtage væske.
Foruden information gennem radio og tv, skal man lave et større informationsfremstød i skoler og børneinstitutioner.
Naturligvis er informationer ikke nok, men især børn og unge er store forbrugere af forskellige læskedrikke og sodavand. I dag ved man denne kendsgerning mere klart; at indtage for sukkerholdige mad- og drikkevarer kan resultere i sygdomme.
Derfor skal man som sagt som det første lave en større oplysningskampagne, og som den anden mere motion i skolerne. Man kunne i den forbindelse udnytte sportsfolk, der har muligheder og kvalifikationer, i højere grad.
En anden mulighed kunne være, at man satte afgifter på sodavand, chip og andre usunde produkter.
Efter Kattusseqatigiit’s mening kan det ikke forsvares, at landsstyret i sit svar hellere ser forslaget afvist, idet de siger at initiativerne er igangsat. De tiltag landsstyret nævner i sit svar, er i sig selv gode nok. Vi mener dog ikke, at man bare kan nøjes med det, ikke mindst fordi landsstyret i sit svar bruger modsigende synspunkter i forbindelse med prioriteringer, idet de sagde: ”Derfor er det mere ønskeligt, at man tager en bredere debat og tiltag om, hvilke der tiltag der skal prioriteres”.
Man må spørge, hvad der prioriteres, og hvem der skal sørge for en bredere debat i denne prioritering? Kattusseqatigiit mener, at man i den forbindelse ikke kan misforstå, at det må være Landstinget, der skal sørge for at tage debatten.
Derfor anbefaler jeg, at sagen inden den kommer til anden behandling omhyggeligt behandles i Landstinget udvalg for sundheds- og sociale anliggender, for at kunne opnå en bred debat om projekter og tiltag.
Anthon Frederiksen Uka- 2004-119/01
|
ulloq, 06. oktober 2004 |
Nunatsinni sukkornermik nappaateqarnerup pinaveersaartinneqarnissaanut katsorsarneqartarnissaannullu iliuusissatut pilersaarummik suliaqarnissamik Naalakkersuisut peqquneqarnissaannik Inatsisartut aalajangiiffigisassaattut inatsisartunut ilasortap astrid Fleischer Rex-ip siunnersuutaata siullermeerneqarnera.
Kattusseqatigiit sinnerlugit imaattumik oqaasseqarfigissuara:
Siullermik Kattusseqatigiit sinnerlugit nuannaarutigaara inatsisartunut ilaasortap Astrid Fleischer Rex-ip ajornartorsiutitta annertuut ilaat maanna aalajangiiffigisassanngorlugu oqaluuserisassanngortimmagu, tassami sukkorneq soorlu siunnersuuteqartup oqarneratuut kalaallit akornatsinni siusinnerusukkut atungaasimanngingajammat, kisiannili ukiut kingulliit ingerlanerini napaat taanna ajoraluartumik annertoorujussuarmik Nunatsinni atungaanerulersimalluni.
Kattusseqatigiinnii isumaqarpugut; Pissutsit taamaannerat ernumanartoq, taamaattumillu aamma sukkornermik nappaatillit nerisaqarnerannut tunngasut pillugit Naalakkersuisunut siusinnerusukkut apeqquteqaateqarsimalluta.
Maannamut paasisat misissuisarnerit assigiinngitsut takutippaat; sukkornermik nappaateqarneq aamma ilaatigut nerisaqarnermut attuumassuteqartumik pissuteqartoq aammalu timip aalatinngippallaarneranik pualavallaalertarnermillu aamma pissuteqartinneqartartoq.
Taamaattumik sukkornermik nappaateqarnerup pinaveersaartinneqarnissaa pimoorullugu naalakkersuinikkut annertuumik iliuuseqarfigisariaqarparput. Siullertut Kattusseqatigiinniit siunnersuutigissuarput; tv-ikkut isiginnaarut atorlugu paasisitsiniaaneq ataavartumik ingerlanneqartariaqartoq, aappaattut meeqqat atuarfiini aammalu meeqqerivinni timip aalatinneqartarneranut tunngasunik annertunerusumik meeqqat inuusuttullu sammisassaqartinneqarnerulernissaannik atuartitaaneq pillugu peqqussutikkut aalajangersaasinnaanermut tunngasut misissorneqarnissaat Naalakkersuisut sulissutigisariaqaraat.
Suliffinni issiaannangajaffiusuni allanilu timi avatillu atorpallaarnagit suliffiusuni eqaarsaalaartarnissanik ilitsersuineq paasisitsiniaanermut ilanngullugit ingerlanneqartariaqarput, tamakkua saniatigut nerisassat imigassallu sukkornermut aallarniutaasartunik akullit, minnerunngitsumik meeqqanut ingalassimatinniarneqarnissaat sulissutigineqartariaqarpoq, soorlu assersuutigalugu atuarfinni kiosk-ilinni, hal-ini allanilu meeqqat inuusuttullu ornittangaanni sodavand-it nioqqutigineqartarnerat annikilliliinnarnagu imermik akeqanngitsumik pilerinarsarlugu imerfigisinnaasaannik aaqqissuussisoqartariaqarpoq, tassami meeqqat inuusuttullu ullormut imigaqarnissamik annertoorujussuarmik pisariaqartitsisarput.
Aammalu radio-kut tv-ikkullu paasisitsiniaanerup saniatigut atuarfinni meeqqerivinnilu paasisitsiniaaneq annertunerusoq ingerlanneqartariaqarpoq.
Soorunami paasisitsiniaaneq kisimi naammanngilaq, kisianni aamma minnerunngitsumik sodavand-it assigiinngitsut pingaartumik meeqqanik inuusuttunillu annertoorujussuarmik imigarineqarput. Maannalu erseqqissumik paasinarsingaluttuinnarpoq; sukkoqarpallaartunik imigaqarnerput nerisaqarnerpullu napparsimalernermik kinguneqarsinnaasoq.
Taamaattumik siuliani oqareernittut iliuusissatut siullertut paasisitsiniaaneq annertunerusoq ingerlanneqartariaqarpoq, aappaattut atuarfinni timersornerup annertunerusumik ingerlanneqarnissaa. Timersortartut periarfissallit pisinnaasullu tamatumani aamma atorluarneqarsinnaapput.
Periarfissat ilagisinnaavaat sodavand-it naatsiiat panertut allallu peqqinnanngitsut akitsuuserneqarneri.
Taamaattumik Kattusseqatigiinni isumarput naapertorlugu Naalakkersuisut akissuteqaamminni suliniutit aallartinneqareersimasut tunngavigalugit siunnersuutip itingartinneqaannarnissaa illersorneqarsinnaasutut nalilinngilarput, tassami Naalakkersuisut akissuteqaamminni suliniutit aallarteriingaat ajunngikkaluaqisut, taamaattoq tassungaannaq killittariaqanngitsugut isumaqaratta, minnerunngitsumik aamma Naalakkersuisut akissuteqaamminni oqaatsit uku salliutitsinissamut tunngatillugu atungaat imminut assortuuttumik iliuuseqassanngikkaanni piviusunngortinnissaat pisariaqartoq, tassa Naalakkersuisut ilaatigut ima oqarput: ”Taamaattumik pingaarnersiuilluni suut salliutinneqassanersut oqaluuserilluarneqarnissaat siammasissumillu iliuuseqarnissaq orniginarnersaavoq”.
Aperisariaqarpoq suut salliutinneqassanersut aammalu pingaarnersiuinermi kikkut oqaluuserinnilluartussaangamik ? Kattusseqatigiinni isumarput tamatumani aamma paatsoorneqarsinnaanngilaq, tassa pingaarnersiuilluni tulleriiaarinermi oqaluuserinnittussat tassaapput Inatsisartut. Inatsisartullu tulleriiaarinerat pingaarnersiuinerallu naapertorlugu atorfillit sulisussaapput.
Taamaattumik suliap aappassaanneerneqannginnerani pilersaarutit suliniutissallu sukumiisumik oqaluuserilluarneqarnissaat siammasissumillu iliuuseqarfigineqarnissaat anguniarlugu Inatsisartut Peqqinnissamut Isumaqinninnermullu Ataatsimiititaliaani suliarineqarnissaa inassutingaara.