Samling

ATASSUT                                                                                             UKA04/104/Kal.

Ellen Christoffersen                                                                   30.09.04

 

Erninermi sulinngiffeqartarneq minnerpaamik qaammatinik arfinilinnik, angajoqqaallu sulinngiffeqartarnerat minnerpaamik qaammatinik pingasunik sivisussuseqalersillugit 1. januar 2006 atuutilersumik sivitsorlugit, erninermut atatillugu sulinngiffeqartarnerit angajoqqaallu sulinngiffeqartarnerat pillugu inatsimmik pitsanngorsaaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.

( Inatsisartunut ilaasortaq Palle Christiansen, Demokraatit)

                                                                                        UKA04/111/Kal.

  30.09.04

 

Erninermi sulinngiffeqartarneq pillugu Inatsisartut peqqussutaata nr. 6, 11. november 2000-imeersup, sulinngiffeqartarnerup sapaatit akunnerinik arlalinnik sivitsuiffigineqarnissaa, tassungalu ilanngullugu arnat marlulisut sivitsuiffigineqarnissaat anguniarlugu allanngortinneqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.

(Inatsisartunut ilaasortaq Ruth Heilmann, Siumut)

 

Siullermeerneqarneri

 

ATASSUT-mi politikkikkut anguniakkatsinni pingaartittuarparput ilaqutariittut inuunerup nukittorsarneqartuarnissaa, tassaammammi susassareqatigiinnerup toqqissisimanerullu tunngavigisaat.

 

Ukiuni arlaqatuni ATASSUT-miit Inatsisartuni suleqataaffigisimavarput erninermut atatillugu sulinngiffeqartarnerup pitsanngorsaavigineqarnissaa siunnersuuteqartarnikkut aammalu oqalliseqataarsarnikkut, minnerunngitsumillu aamma erninermut atatiinnanngikkaluarlugu angajoqqaat aappaata angerlarsimaannarlutik meeqqaminnik paaqqinnissinnaanissaannut periarfissiussisarsimagaluarluta, ajoraluartumilli siunnersuutit amerlanerussuteqartunit itigartitsissutigineqartarnerisigut naammaginartumik maannamut suli angusaqarfiusimanngilaq.

 

ATASSUT-mit arajutsisimanngilavut peqqinnissaqarnermik susassaqartunit innersuussutaasartut, tassaasut inoorlaap anaanaminit minnerpaamik qaammatini arfinilinni milutsinneqarnissaa, tamannalu aamma nunatsinni ernisussiortunit peqqissaasunillu meerartaartussanut innersuussutigineqartarluni, tassuunakkummi inoorlaat timikkut akiuussutissanik tigusassaat pitsaanerpaat timaanni akiuussutissaqartitsilertarmat, tamannalu qularutissaanngitsumik uppernarsineqarnikuulluni meeqqat peroriartornerminni peqqinnerullutik inuuneqarnissaannut.

 

Timikkulli meeqqap peqqinnissaanut taamatut erninermi sulinngiffeqartarnerup sivitsorneqarsinnaanera kisimi pitsaaquteqanngilaq, ilaqutariittulli toqqissisimanartumik inuuniarnermi inoorlaap aamma toqqissisimalluni alliartornissaanut annertuumik pingaaruteqarluinnartumillu tunngaviliilluartussaanera apeqquserneqarsinnaanngilaq, malitsigisassallu aamma pitsaaqutigilluinnassavaat paaqqinnittarfinni inissaaleqinerup oqilisaaffigineqarnissaanik.

 

ATASSUT-miit aamma pinngitsoorusunngilagut oqaatigissallugu Palle Christiansen-ip siunnersuuteqarnermini tunngavilersuinissaminut paasissutissanik Ilaqutariinnermut Peqqinnissamullu Naalakkersuisoqarfimmut pissarsiniaraluarsimanerata angusaqarfiunngitsup ersersiinnaraa ilumut pisariaqalivissimasoq erninermut atatillugu sulinngiffeqartarnerup aaqqissuussiffigiqarnissaa, ullutsinni inuiaqatigiittut ineriartornitsinnut aammalu peqqinnissaqarnermut isumaginninnermullu susassaqartut innersuussutaannut malinnaasunngortinneqarluni.

 

Ilanngullugulu ATASSUT-mit piumasarissavarput erninermut atatillugu sulinngiffeqartarnermut tunngasumik aningaasaateqarfiliortoqarnissaanik Naalakkersuisut suliniuteqaqqullugit.

 

ATASSUT-miit pinngitsoorusunngilagut uparuassallugu Ilaqutariinnermut Peqqinnissamullu Naalakkersuisup akissuteqarnermini siunnersuutit akuersaarneqannginnissaannik inassuteqarnera. Kinguarsaaginnartoqarsinnaanngilarmi Isumaginninnikkut iluarsaaqqinnermik Ataatsimiititaliarsuup kaammattuutai siunnersuummut attuumassuteqarluinnartut ukiuni arlaqalersuni ilisimaneqarnikuupput, taamaattumik sukumiisumik nalilersuisoqartariaqalerpoq. ATASSUT-mi qularutiginngilarput maannangaaq suliat aallartinneqarpata ajornaquteqanngitsumik 1. januar 2006 aallarnerfigalugu sivitsuinerit atuutinneqalersinnaassagaluarmata, asuli Naalakkersuisumit itigartinneqaannarani.

 

Taamatut ATASSUT-mit oqaaseqarluta Inatsisartuni ilaasortap Palle Christiansen-ip Demokraatineersup siunnersuutaa tunngavilersorluagaasoq taamatut isikkoqartillugu akuersissutigineqassasoq ATASSUT-miit inassutigissavarput.

ATASSUT                                                                                             UKA04/104/Kal.

Ellen Christoffersen                                                                   30.09.04

 

Erninermi sulinngiffeqartarneq minnerpaamik qaammatinik arfinilinnik, angajoqqaallu sulinngiffeqartarnerat minnerpaamik qaammatinik pingasunik sivisussuseqalersillugit 1. januar 2006 atuutilersumik sivitsorlugit, erninermut atatillugu sulinngiffeqartarnerit angajoqqaallu sulinngiffeqartarnerat pillugu inatsimmik pitsanngorsaaqqullugit Naalakkersuisut peqquneqarnissaannik Inatsisartut aalajangiiffigisassaattut siunnersuut.

( Inatsisartunut ilaasortaq Palle Christiansen, Demokraatit)

                                                                                        UKA04/111/Kal.

  30.09.04

 

Erninermi sulinngiffeqartarneq pillugu Inatsisartut peqqussutaata nr. 6, 11. november 2000-imeersup, sulinngiffeqartarnerup sapaatit akunnerinik arlalinnik sivitsuiffigineqarnissaa, tassungalu ilanngullugu arnat marlulisut sivitsuiffigineqarnissaat anguniarlugu allanngortinneqarnissaanik Naalakkersuisut peqquneqarnissaannik Inatsisartut aalajangiiffigisassaattut siunnersuut.

(Inatsisartunut ilaasortaq Ruth Heilmann, Siumut)

 

Siullermeerneqarneri

 

ATASSUT-mi politikkikkut anguniakkatsinni pingaartittuarparput ilaqutariittut inuunerup nukittorsarneqartuarnissaa, tassaammammi susassareqatigiinnerup toqqissisimanerullu tunngavigisaat.

 

Ukiuni arlaqatuni ATASSUT-miit Inatsisartuni suleqataaffigisimavarput erninermut atatillugu sulinngiffeqartarnerup pitsanngorsaavigineqarnissaa siunnersuuteqartarnikkut aammalu oqalliseqataarsarnikkut, minnerunngitsumillu aamma erninermut atatiinnanngikkaluarlugu angajoqqaat aappaata angerlarsimaannarlutik meeqqaminnik paaqqinnissinnaanissaannut periarfissiussisarsimagaluarluta, ajoraluartumilli siunnersuutit amerlanerussuteqartunit itigartitsissutigineqartarnerisigut naammaginartumik maannamut suli angusaqarfiusimanngilaq.

 

ATASSUT-mit arajutsisimanngilavut peqqinnissaqarnermik susassaqartunit innersuussutaasartut, tassaasut inoorlaap anaanaminit minnerpaamik qaammatini arfinilinni milutsinneqarnissaa, tamannalu aamma nunatsinni ernisussiortunit peqqissaasunillu meerartaartussanut innersuussutigineqartarluni, tassuunakkummi inoorlaat timikkut akiuussutissanik tigusassaat pitsaanerpaat timaanni akiuussutissaqartitsilertarmat, tamannalu qularutissaanngitsumik uppernarsineqarnikuulluni meeqqat peroriartornerminni peqqinnerullutik inuuneqarnissaannut.

 

Timikkulli meeqqap peqqinnissaanut taamatut erninermi sulinngiffeqartarnerup sivitsorneqarsinnaanera kisimi pitsaaquteqanngilaq, ilaqutariittulli toqqissisimanartumik inuuniarnermi inoorlaap aamma toqqissisimalluni alliartornissaanut annertuumik pingaaruteqarluinnartumillu tunngaviliilluartussaanera apeqquserneqarsinnaanngilaq, malitsigisassallu aamma pitsaaqutigilluinnassavaat paaqqinnittarfinni inissaaleqinerup oqilisaaffigineqarnissaanik.

 

ATASSUT-miit aamma pinngitsoorusunngilagut oqaatigissallugu Palle Christiansen-ip siunnersuuteqarnermini tunngavilersuinissaminut paasissutissanik Ilaqutariinnermut Peqqinnissamullu Naalakkersuisoqarfimmut pissarsiniaraluarsimanerata angusaqarfiunngitsup ersersiinnaraa ilumut pisariaqalivissimasoq erninermut atatillugu sulinngiffeqartarnerup aaqqissuussiffigiqarnissaa, ullutsinni inuiaqatigiittut ineriartornitsinnut aammalu peqqinnissaqarnermut isumaginninnermullu susassaqartut innersuussutaannut malinnaasunngortinneqarluni.

 

Ilanngullugulu ATASSUT-mit piumasarissavarput erninermut atatillugu sulinngiffeqartarnermut tunngasumik aningaasaateqarfiliortoqarnissaanik Naalakkersuisut suliniuteqaqqullugit.

 

ATASSUT-miit pinngitsoorusunngilagut uparuassallugu Ilaqutariinnermut Peqqinnissamullu Naalakkersuisup akissuteqarnermini siunnersuutit akuersaarneqannginnissaannik inassuteqarnera. Kinguarsaaginnartoqarsinnaanngilarmi Isumaginninnikkut iluarsaaqqinnermik Ataatsimiititaliarsuup kaammattuutai siunnersuummut attuumassuteqarluinnartut ukiuni arlaqalersuni ilisimaneqarnikuupput, taamaattumik sukumiisumik nalilersuisoqartariaqalerpoq. ATASSUT-mi qularutiginngilarput maannangaaq suliat aallartinneqarpata ajornaquteqanngitsumik 1. januar 2006 aallarnerfigalugu sivitsuinerit atuutinneqalersinnaassagaluarmata, asuli Naalakkersuisumit itigartinneqaannarani.

 

Taamatut ATASSUT-mit oqaaseqarluta Inatsisartuni ilaasortap Palle Christiansen-ip Demokraatineersup siunnersuutaa tunngavilersorluagaasoq taamatut isikkoqartillugu akuersissutigineqassasoq ATASSUT-miit inassutigissavarput.