Samling
ATASSUT
Postboks 399
3900 Nuuk
Tlf: +299 32 33 66
+299 34 50 00
+299 34 62 53
Fax: +299 32 58 40
ATASSUT
Godmand Rasmussen UPA2006-24
19.maj
Nalunaarasuartaatitsigut attaveqarneq nalunaarasuartaatitsigullu kiffartuusinerit pillugit inatsisartut peqqussutissaatut siunnersuut.
Siullermeernera saqqummiussaq takissooq misissoreerlugu ATASSUT-miit imatut saqqummiussissaagut Naalakkersuisut saqqummiusaanut arlaqartutigut isumaqatigigatsigit oqaatigissavarput.
Naluneqanngilaq ukiut makku nalaat atuuput sukkaqisumik Teknikip tungaatigut ineriartorffiusut, ilami allaat atuisuusugut arlalitsigut katataasutuut misigisarlutigu, taamaatumik Naalakkersuisut oqaatigisaat peqqussut 1993-meersoq ullumikkumut naleqqukunnaarsimaneranik nutartserinissamillu oqariartuuteqarnerat pissusissamisuuginarpoq.
Soorlutaaq oqaaseqaami eqqaaneqarpoq nassitsinermi pisinnaasat annertusiartorneri ilutigalugit aningaasartuutit killigititaasut appariartornerat nunatsinnut aamma sunniutseqarnnera ATASSUT-miit iluarisimaarparput.
Kiisalu sullisinermik ammanerulersitsinissaq suliniutigineqarnera iluarinarluni, kiisalu Naalakkersuisut nalunaarasuartaatseqarnermut aqutsisunik pilersitsiniarnerat siunissamut iliuusissatuut iluarisimaarlugu oqaatigeqqissavarput, soorunami sunaluuniit nutartsigaq arlaatigut ippinnartoqarsinnaasarpoq naleqquttuunerilu apeqquserneqaraangata iluarsissutaasinnaasunik tikkuuneqartuartassagatta tamanna pissusissamisuuginarpoq.
Ukiut siusinnerusut uterfigissagutsigit maannakkut Teknikkip nassatarisaai aningaasanik naak malitseqartaraluartut ineriartornermut katataasanngikkutta siunissami peqataaffigisussaavagut.
Soorluli oqaaseqaami eqqaaneqareersoq 2004-mi upernaakut inatsisartut ataatsimiineranni Tele pillugu nalunaarusiaq tunngavigalugu nutartserinissaq aallartinneqarsimasoq.
Tamatuma takussutissippaatigut ineriartorneq sukkagaluaqissoq peqataajumanitta erssiutaa.
Soorlu ukioq nunani allaneersut Hotel Hans Egedemi kaapilit immap naqqatigut attaveqaatit atugaalernneri pillugit paasissutissinneqarnerput siunissami attaveqaatit pillugit alloriarnneq nunarssuarmmi annertoqisunik atugaalereersoq saqqummiusaani takugipput.
Siunissami qaammataasat kisiisa atorlugit attaveqarnerput akisoqisoq siunissami pitsaanerusumik akikinnerusumillu taarseriartorneqalerumaartoq isumallualernermik pilersitsivoq taamaattumik ATASSUT-miit pisussanut sillimartaalereernissaq kukkunerusangitsoq oqaatigissavarput.
Siunissamullu Ineriartortitsinissamut peqataalluta oqallisseqataanissarput qilanaaralutigu oqaatigissagatsigu, apeqqutaaginarlunili qaqugu pinissaa.
Soorlu oqaaseqaatit ilaani eqqaaneqarpoq ukioq 2004-mi nalunaarasuartaatit pillugit nassuiaammi Ementorip misissugaani tikkuarneqarsimavoq sullissinermi amigartoorutit ukiumut 38-48-mill. kr-nit missaanik annertussuseqassasut, kiisalu oqaatigineqarluni aningaasalersuineq tamakkerluni akitsuutitsigut akilerneqasappat akitsuutit annertususissaat ukiumut 2mill kr-nit 100-mill.kr.-nut allangortinneqasasut, oqaatigineqarlunili akitsuutaasut saniatigut akitsuusiinissaq pineqarani kisiannili taperseeqatigiitarnermik nussinisaa pineqarluni.
Taamaatumik ATASSUT-miit Naalakkersuisumut pineqartoq nassuiaqqunaraluarpoq kingusinnerusukkulluunit allakatigut.
Naluneqanngilarmi Politikkikkut oqallisaajuarmat allaffissornerujussuup millisarnisaa ilaatigummi eqqarsalerssitsisarmat sullissat annertussusaat eqqarsaatigalugu sulisut ilaatigut amerlavallaarnerinik eqqarsaat pilerssarluni.
Soorlu Tele nuna tamaat 600-misaani sulissoqarpoq maanilu Nuuk-ginarmi 268-nik sulissoqarluni.
Attorttorissaarutinik nutartserinerup pisariillisaaneq nassatarivaa taamaattumik eqqarsarnartoqartarpoq ilumut pissusissamisut ingerlanerssut.
Soorlu siuliini oqaatigisagut pillugit ATASSUT-ip politikkia tassalu namminersortunngorsaaneq eqqarsaatigissagaani soorluuna ingerlassat arlaatigut namminersortunut periarfisiinissaq ammaatisallugu piffisanngortoq, ilami unammilleqatigiinermi suliamut tunngatillugu periarfissat pitsaanerulernerinik nassataqartarmat,taamaattumik Tele-p ingerlassaasa ilaait namminersortunik soqutigineqartut piaartumik ammaasiffigineqarniarlik.
Taamaaliornikkut akit atuisunut naamaginarnerusut pilersinneqarnissaat ATASSUT-Miit upperigatSigu