Samling

SIUMUT INATSISARTUNI ILAASORTAATITAT / LANDSTINGSGRUPPEN

                                                                                                                                                        

16. maj 2006                                                                                                                   UPA 2006/65

 

Inuup imaannaanngitsumik nappaatilimmut qanigisap Danmarkimiinnermini napparsi-masup napparsimanera tamaat tapersersuinissamini najugaqarnissaminut pitsaanerusunik periarfissaqarnissaa pillugu apeqquteqaat aallaavigalugu oqallinnissamik siunnersuut.

(Inatsisartunut ilaasortaq: Astrid Fleischer Rex, Demokraatit)

 

Inatsisartunut ilaasortaq Astrid Fleischer Rex demokoraatineersoq apeqquteqaat aallaavigalugu oqallinnissamik  siunnersuuteqarpoq inummut imaannaanngitsumik nappaateqartumut  qanigisap Danmarkimiinnermini napparsimasup napparsimanera tamaat tapersersuinissaminut pitsaaneru-sunik periarfissaqarnissaa pillugu.

 

Astrid Fleischer Rex-p apeqquteqaat aallavigalugu siunnersutaa tunngaviatigut tapersersun-ngitsuugassaanngilaq. Siunnersuuteqartoq ilumoorluinnarpoq inuk kinaluunniit nappaammik naatsorsuutiginngilluinnakkamik eqqorneqarsinnaasarpoq allaat ilaatigut katsorsaruminaallereer-simasartumik allatullu ajornavissumik najugarisaq qimakkallarneqartariaqartarluni, inummut nappaammik eqqorneqartumut ilaqutaasunullu toqqissisisimajunnaarutaasinnaasartumik. Nap-paammik eqqorneqarnermi misigissutsitsigut eqqorneqaataasarpoq, taamaattoqartillugulu minner-paamik qaniginerpaasamik peqateqarnissaq pisariaqalersarluni najugarisaq qimallugu katsorsartik-kiartornermi.

 

Inuit sineriatsinni najugaqartut ataatsimut isigalugit apeqqummi matumani pineqartumi nalilersuinissaq pingaaruteqarpoq, tamannalu Siumumi pingaartikkatsigu oqaatigissavarput. Taamaatumillu sineriatsinni atugassarititaasut ilisimaarisavut matumani nalilersuinitsinni  pigaatillugit eqqartorsimavavut.

 

Soorunami inuk nappaammik suugaluarnersumik eqqorneqartoq pisinnaatitaaffeqarpoq katsorsar-neqarnissaminut. Katsorsaanermi sineriatsinni sumi najugaqarneq apeqqutaatillugu periarfissat assigiinngisitaqaat Nunaqarfimmi illoqarfimmiluunniit isorliunerusumi najagaqaraanni illoqarfinni atortorissaaruteqarfiusunut sanilliullugu periarfissat annikinnerusarput, taammaattumillu najuga-risaq qimallugu katsorsartikkiartornissaq amerlanertigut pisariaqartarluni.

 

Taamaattorli aamma sineriatsinni sumi najugaqaraluaraanniluunniit nappaammik katsorsarumi-naattumik eqqorneqarnermi annertunerusumik katsorsaaviit periarfissat marluusut tamanit ilisimaneqartut marluupput, tassaallutillu Nuummi Dronning Ingred-p napaarsimavissua kiisalu Danmarkimi Rigshospitali.

 

Astrid Fleischer Rex-p apeqquteqaat aallaavigalugu siunnersuuteqarnermini pivai Danmarki Rigshospital-mut katsorsartitsikkiartortut ilaqutaasa peqataanerminni aningaasatigut annaasaqar-nissaannut tunngasuteqartut, tamannalu Siumumiit tunngaviatigut assuarnaateqartinngilarput. Kisiannili sinerissamingaanniit Nuummi Dronning Ingred-p napparsimavissuanut katsorsartikkiar-tortartorpassuit uani pineqaratik. Innuttaasut nappaammik eqqorneqarsimasut katsorsartinnissamut kiisalu ilaqutaasunik katsorsartikkiartornermi periarfissatigut naligiinngitsumik atugassaqarnis-saannik pilersitsiffiunissaa Siumumiit akuersaarnatsinngilarput.

 

Napparsimasunut ilaqutaasut qaniginerpaasaat peqqinnissaqarfimmit akiliunneqarlutik angala-nermi peqataasinnaanerat Namminersornerullutik Oqartussat nalunaarutaanni nr. 2, 24. januar 2005-imeersumi periarfissaqartinneqarput, tamatumani napparsimasut qanimarnartumik nappaate-qarnera meeraaneraluunniit naliliinermi najoqqutarineqartarlutik, tamannalu naalakkersuisup akissuteqaatimini aamma erseqqissarpaa.

 

Siumumiit ilaquttamik qaninginerpaasamik napparsimasumik katsorsartinniartumik najugaq qimallugu katsorsartitussamut peqataasarneq minnerpaatigulluunniit assuarnartoqartinngillarput, katsorsartinneranilu najuunnissaq pissusissamisoorluinnartuutillugulu. Aningaasatigullu annaasa-qarsinnaarneq pinngitsoortikkusunnarluni Rigshospitalimut kisiat tunngatinnagu aammali nunatsinni katsorsartitutut ilaqutaannut  Dronning Ingrid-p napparsimavissuaniittut ilaqutaat ilanngullugit.

 

Naalakkersuillu akissuteqaatiminni aningaasanut tunngassuteqartortaanut nalilersuutaat Siumu-miit paasilluarpavut, aningaasalersuinermi malitsigiumaagassat nalilersuinermi pinngitsoorneqar-sinnaanngimmata. Apeqqut taanna aamma Siumumiit arlaleriarlugu saqqummiuttarsimagatigu kissaatigissavarput aningaasatigut malitsigisinnaasai erseqqinnerusumik naalakkersuisut naliler-sussagaat, manna apeqqut kingusinnerusukkut uterfigineqarsinnaanngorlugu.

 

Jens Lars Fleischer,

Siumut