Samling

Anthon   Frederiksen / Villy Olsvig  Upa- 2005-16-01

Ulloq 20. april 2005

 

2004-mut Inatsisartut  ilasutitut  aningaasaliissutinut  Inatsisissaannut  siunnersuutip  siullermeerneqarnera.

 

Namminersornerullutik Oqartussat  missingersuutaat  pillugit  Inatsisartut  inatsisaat nr. 8.  29. oktober 1999-imeersup  §  26-iat  naapertorlugu   ukiup aningaasanut inatsiseqarfiusup  atuunnerani  nutaamik  aningaasaliissutigineqartut  oqaasertaliunneqartullu  imaluunniit  aningaasaliissutit  oqaasertaliussallu  allanngortinneqarnerisa  kingunerisaannik  ilassutitut  aningaasliissutit  aningaasaliissutaareersunut  ilanngunneqartussaammata,  maannakkut  aningaasaliissutinut  ilassutitut  aningaasaliissutissatut  siunnersuut  pissusissamisoorluinnartoq Kattusseqatigiit  sinnerlugit  naatsumik  oqaaseqarfigissuara.

 

Siullermik  Kattusseqatigiinni  malunginiarparput  ilassutitut  aningaasaliissutinut  inatsisissamut siunnersuummi  Naalakkersuisut  saqqummiussinerminni  aningaasaliussanik  sippuisoqarsimaneranik  oqariartuuteqanngimmata,  tamanna  Kattusseqatigiinniit  soorunami nuannaarutigalugu  oqaatigissuarput,  kisianni  aningaasaliissutit  inernerisa  missingerneqartut  ajornerulersinneqarneranni  oqaaserineqartoq  assut  Kattusseqatigiinniit  eqqarsarnartoqartipparput,  tassami  tamanit ilisimaneqarpoq;  ajoraluartumik  Naalakkersuisoqarfiit  ilaasa  siusinnerusukkut  aningaasaliissutinik  sippuillutik  atuisarsimanerat  ilaatigut  imaannaanngitsunik  kinguneqartartoq.

 

Taamaattumik  Kattusseqatigiinni  naatsorsuutigilluinnarparput  10,7  mio-inik  sinneqartoornissaraluaq  7,1  mio-inut  appartinneqarnera  aningaasaliissutit  sipporneqarnerannik pissuteqanngitsumik  aalajangernerusimassasoq.

 

Aamma  malunginiarparput  2004-imi  aningaasartuutaanerusut  ukiup  aningaasanut  inatsiseqarfiusup  siuliani  isertitaqaataanerusunik  taarserneqartut  nassuiaatini  nalinginnaasuni oqaatigineqarmat,  taamaattumik  manna  iluatsillugu  assut  paaserusunnarpoq;  ilumut  taamaattoqarsimappat,  sooq  taava  sinneqartoorutissat  3,6 mio-inik  appartinneqassanersut ?

 

Sanaartornermut  iluarsartuussinermullu  tunngatillugu  paasinarsivoq  2004-imi  sanaartorneq iluarsartuussinerlu  aamma  pilersaarutit  naapertorlugit  ingerlanneqarsimanngitsoq,  taamaattumillu  taakkununnga  anigaasalissuutit ilai  utertinneqartariaqartut  imaluunniit  atunngitsoorneqarsimasut.  Pissutsit  ilaatigut  suliassanik  kinguartiterinermik  kinguneqartartut aammalu  suliassaangaluartunik  naammassinninngitsoortarnermik  kinguneqartartut  iluarsiivigineqarnissaat  anguniarlugu  siusinnerusukkulli  aamma  Kattusseqatigiinniit  saqqummiuttakkatta  ilaat  matumuuna  eqqaasitsissutigeqqissuarput,  tassalu  suliassat  ilaasa  aningaasartai  ilanngullugit  kommune-nut  aqutassanngorlugit  ingerlateqqinneqartarnissaat  pimoorullugu  sulissutigineqartariaqartoq  kaammattuutingaarput,  taamaaliornikkut   aamma  suliassat   kinguarsanngikkaluarlugit  naammassiniarneqarsinnaanerat  piviusunngortinneqarsinnaammat.  Tassami  kommune-qarmat  aamma  suliassat  ilaannik  naammassinnissinnaasunik,  qeqqaniit  aqutsineq  kisiat  isumalluutiginngikkaluarlugu.

 

Taamatut  oqaaseqarlunga  suliap  aappassaanneerneqannginnerani  aningaasaqarnermut  ataatsimiititaliami  suliap  sukumiisumik  suliarineqarnissaa  inassutingaara.

Anthon   Frederiksen / Villy Olsvig  Upa- 2005-16-01

Ulloq 20. april 2005

 

2004-mut Inatsisartut  ilasutitut  aningaasaliissutinut  Inatsisissaannut  siunnersuutip  siullermeerneqarnera.

 

Namminersornerullutik Oqartussat  missingersuutaat  pillugit  Inatsisartut  inatsisaat nr. 8.  29. oktober 1999-imeersup  §  26-iat  naapertorlugu   ukiup aningaasanut inatsiseqarfiusup  atuunnerani  nutaamik  aningaasaliissutigineqartut  oqaasertaliunneqartullu  imaluunniit  aningaasaliissutit  oqaasertaliussallu  allanngortinneqarnerisa  kingunerisaannik  ilassutitut  aningaasliissutit  aningaasaliissutaareersunut  ilanngunneqartussaammata,  maannakkut  aningaasaliissutinut  ilassutitut  aningaasaliissutissatut  siunnersuut  pissusissamisoorluinnartoq Kattusseqatigiit  sinnerlugit  naatsumik  oqaaseqarfigissuara.

 

Siullermik  Kattusseqatigiinni  malunginiarparput  ilassutitut  aningaasaliissutinut  inatsisissamut siunnersuummi  Naalakkersuisut  saqqummiussinerminni  aningaasaliussanik  sippuisoqarsimaneranik  oqariartuuteqanngimmata,  tamanna  Kattusseqatigiinniit  soorunami nuannaarutigalugu  oqaatigissuarput,  kisianni  aningaasaliissutit  inernerisa  missingerneqartut  ajornerulersinneqarneranni  oqaaserineqartoq  assut  Kattusseqatigiinniit  eqqarsarnartoqartipparput,  tassami  tamanit ilisimaneqarpoq;  ajoraluartumik  Naalakkersuisoqarfiit  ilaasa  siusinnerusukkut  aningaasaliissutinik  sippuillutik  atuisarsimanerat  ilaatigut  imaannaanngitsunik  kinguneqartartoq.

 

Taamaattumik  Kattusseqatigiinni  naatsorsuutigilluinnarparput  10,7  mio-inik  sinneqartoornissaraluaq  7,1  mio-inut  appartinneqarnera  aningaasaliissutit  sipporneqarnerannik pissuteqanngitsumik  aalajangernerusimassasoq.

 

Aamma  malunginiarparput  2004-imi  aningaasartuutaanerusut  ukiup  aningaasanut  inatsiseqarfiusup  siuliani  isertitaqaataanerusunik  taarserneqartut  nassuiaatini  nalinginnaasuni oqaatigineqarmat,  taamaattumik  manna  iluatsillugu  assut  paaserusunnarpoq;  ilumut  taamaattoqarsimappat,  sooq  taava  sinneqartoorutissat  3,6 mio-inik  appartinneqassanersut ?

 

Sanaartornermut  iluarsartuussinermullu  tunngatillugu  paasinarsivoq  2004-imi  sanaartorneq iluarsartuussinerlu  aamma  pilersaarutit  naapertorlugit  ingerlanneqarsimanngitsoq,  taamaattumillu  taakkununnga  anigaasalissuutit ilai  utertinneqartariaqartut  imaluunniit  atunngitsoorneqarsimasut.  Pissutsit  ilaatigut  suliassanik  kinguartiterinermik  kinguneqartartut aammalu  suliassaangaluartunik  naammassinninngitsoortarnermik  kinguneqartartut  iluarsiivigineqarnissaat  anguniarlugu  siusinnerusukkulli  aamma  Kattusseqatigiinniit  saqqummiuttakkatta  ilaat  matumuuna  eqqaasitsissutigeqqissuarput,  tassalu  suliassat  ilaasa  aningaasartai  ilanngullugit  kommune-nut  aqutassanngorlugit  ingerlateqqinneqartarnissaat  pimoorullugu  sulissutigineqartariaqartoq  kaammattuutingaarput,  taamaaliornikkut   aamma  suliassat   kinguarsanngikkaluarlugit  naammassiniarneqarsinnaanerat  piviusunngortinneqarsinnaammat.  Tassami  kommune-qarmat  aamma  suliassat  ilaannik  naammassinnissinnaasunik,  qeqqaniit  aqutsineq  kisiat  isumalluutiginngikkaluarlugu.

 

Taamatut  oqaaseqarlunga  suliap  aappassaanneerneqannginnerani  aningaasaqarnermut  ataatsimiititaliami  suliap  sukumiisumik  suliarineqarnissaa  inassutingaara.