Samling

Anthon Frederiksen /Villy  Olsvig Upa 2005/68 0

ulloq,   19. april  2005

 

Nunatsinni  anaanat ataatallu  kisimiittut  meerallit,  aammalu  avinnikkut  qimagaasartut meeraallu  ikiorserneqartarnerannut  tunngasuni,  kiisalu  inissaqartinneqartarnerisa  sukumiisumik  ikiorsiinikkut  atugassaqartitaanissaa  eqqarsaatigalugu  siunissami  Naalakkersuisut  suliniuteqaqqullugit  apeqquteqaat  aallavigalugu  oqallinnissamik  siunnersuut.

(Inatsisartunut  ilaasortaq  Isak Davidsen,  Siumut).

 

Inatsisartunut  ilaasortap  Isak  Davidsen-ip  apeqquteqaat  aallaavigalugu  siunnersuutaa  Kattusseqatigiit  sinnerlugit  soqutigalugu  misissorsimavara  imaattumillu  oqaaseqarfigissallugu:

 

Siunnersuuteqartoq  ilumoorpoq;  ilaatigut  siunnersuuteqarnermini  oqaatigimmagu;  aappariit  avinnerisigut  anaanat  ataatallu  meeqqaminnik  kisimiillutik  pilersuillutillu  paarsilertartut  perorsaaniarnermikkut  ilaatigut  ajornartorsiulersarmata,  ilaatigut  meeqqanut  annertoqisumik  sunniuteqartartumik.

 

Pissutsit  taamaattut  aamma  nunani  allani  atuuttut  misissuisarnerit  takutittareerpaat,  taamaattumik  pissutsit  taamaattut  aamma  nunatsinni  takornartaajunnaarjartortut   pillugit  naalakkersuinikkut  qanoq  iliuuseqarnissaq  eqqarsaatigineqartariaqalersoq  Kattusseqatigiinniit isumaqarpugut,  naak  meeqqanut  oqartussaaffik  angajoqqaanit  tamakkiisumik  akisussaaffigineqarlunilu  pisussaaffiungaluartoq,  tassami  siunnersuuteqartoq  aamma  ilumoorluinnartumik  oqarmat,  tassa  inissaqarniarnikkut  aamma  ajornartorsiutit  imaannaanngitsut  pilertarmata.

 

Taamaattumik  Kattusseqatigiinni  aamma  siusinnerusukkulli  oqaluttarfik  manna  atorlugu  siunnersuutigisarsimasatta,  tassa  ilaqutariinnut  katsorsaavimmik siunnersuisarfiutigisumik pilersitsisoqarnissaata   avaqqukkuminaalliartornera   aamma  matumuuna  siunnersuutikkut  takutinneqaqqippoq.

 

Aamma  siunnersuummi  ineqarniarnermut  tunngasut  ajornartorsiutaasartunut  imaannaanngitsunut  ilaalluinnartarmata  Kattusseqatigiinniit    kaammattuutingaarput;  ilaqutariit taamatut  inissisimalertartut  inissaqarniarnikkut  inatsisitigut  qulakkeerinniffigineqarnissaat  piaartumik  aaqqiivigineqartariaqartoq,  taamaaliornikkut  aamma  ajornartorsiuterpassuit  ilaat  pinngitsoortinneqarsinnaammata.

 

Taamatut  oqaaseqarlunga  siunnersuut  paasilluarlugu  Katusseqatigiit  sinnerlugit   ilalerpara.

Anthon Frederiksen /Villy  Olsvig Upa 2005/68 0

ulloq,   19. april  2005

 

Nunatsinni  anaanat ataatallu  kisimiittut  meerallit,  aammalu  avinnikkut  qimagaasartut meeraallu  ikiorserneqartarnerannut  tunngasuni,  kiisalu  inissaqartinneqartarnerisa  sukumiisumik  ikiorsiinikkut  atugassaqartitaanissaa  eqqarsaatigalugu  siunissami  Naalakkersuisut  suliniuteqaqqullugit  apeqquteqaat  aallavigalugu  oqallinnissamik  siunnersuut.

(Inatsisartunut  ilaasortaq  Isak Davidsen,  Siumut).

 

Inatsisartunut  ilaasortap  Isak  Davidsen-ip  apeqquteqaat  aallaavigalugu  siunnersuutaa  Kattusseqatigiit  sinnerlugit  soqutigalugu  misissorsimavara  imaattumillu  oqaaseqarfigissallugu:

 

Siunnersuuteqartoq  ilumoorpoq;  ilaatigut  siunnersuuteqarnermini  oqaatigimmagu;  aappariit  avinnerisigut  anaanat  ataatallu  meeqqaminnik  kisimiillutik  pilersuillutillu  paarsilertartut  perorsaaniarnermikkut  ilaatigut  ajornartorsiulersarmata,  ilaatigut  meeqqanut  annertoqisumik  sunniuteqartartumik.

 

Pissutsit  taamaattut  aamma  nunani  allani  atuuttut  misissuisarnerit  takutittareerpaat,  taamaattumik  pissutsit  taamaattut  aamma  nunatsinni  takornartaajunnaarjartortut   pillugit  naalakkersuinikkut  qanoq  iliuuseqarnissaq  eqqarsaatigineqartariaqalersoq  Kattusseqatigiinniit isumaqarpugut,  naak  meeqqanut  oqartussaaffik  angajoqqaanit  tamakkiisumik  akisussaaffigineqarlunilu  pisussaaffiungaluartoq,  tassami  siunnersuuteqartoq  aamma  ilumoorluinnartumik  oqarmat,  tassa  inissaqarniarnikkut  aamma  ajornartorsiutit  imaannaanngitsut  pilertarmata.

 

Taamaattumik  Kattusseqatigiinni  aamma  siusinnerusukkulli  oqaluttarfik  manna  atorlugu  siunnersuutigisarsimasatta,  tassa  ilaqutariinnut  katsorsaavimmik siunnersuisarfiutigisumik pilersitsisoqarnissaata   avaqqukkuminaalliartornera   aamma  matumuuna  siunnersuutikkut  takutinneqaqqippoq.

 

Aamma  siunnersuummi  ineqarniarnermut  tunngasut  ajornartorsiutaasartunut  imaannaanngitsunut  ilaalluinnartarmata  Kattusseqatigiinniit    kaammattuutingaarput;  ilaqutariit taamatut  inissisimalertartut  inissaqarniarnikkut  inatsisitigut  qulakkeerinniffigineqarnissaat  piaartumik  aaqqiivigineqartariaqartoq,  taamaaliornikkut  aamma  ajornartorsiuterpassuit  ilaat  pinngitsoortinneqarsinnaammata.

 

Taamatut  oqaaseqarlunga  siunnersuut  paasilluarlugu  Katusseqatigiit  sinnerlugit   ilalerpara.